Legenda Incurtzaduras | Legenda Sìmbulos

bisestradúra , nf Definitzione su bisestrare; su dannu chi si faet bisestrandho; fintzes difetu, pecu Sinònimos e contràrios biseltru, irvistu, iscréntiu, isémpiu, istrópiu / pecu 3. una bisestradura l'amus totu Ètimu srd. Tradutziones Frantzesu défiguration, dégradation Ingresu defacement Ispagnolu afeamiento, deterioro Italianu deturpaménto Tedescu Verunstaltung.

destròssa , nf, nm: destrossu, distròscia, distrossa Definitzione su distrúere o arruinare totu de mala manera / pròiri a distrossa = a dellúbbiu, a mala istropiadura Sinònimos e contràrios arruinu 1, degógliu, derruta, desacatu, istralia, istròscia, macedhu, sderrocu, sderrota, sderruimentu Frases is domínius ant fatu destrossu insulendi chi sa língua sarda est nemiga de su progressu! (G.Lilliu) Ètimu ctl. destrossa Tradutziones Frantzesu massacre Ingresu slaughter Ispagnolu destrucción Italianu eccídio, scémpio Tedescu Blutbad, Katastrophe, Verunstaltung.

isémpiu , nm Definitzione dannu mannu, isfrégiu Sinònimos e contràrios biseltru, iscréntiu, istrópiu / disacatu Frases si passades de su rú afaca, mih ch'isémpiu mannu bos faghides! ◊ cumpresu azis su disacatu, cun cale manera ant tratadu sa Terra e s'isémpiu chi ant fatu de su mundhu? ◊ Bainzu aiat isarchiladu s’urtimunu de sos pegos e no de si che fuire si fit postu a abbaidare cuss’isémpiu! (Q.Falchi) Ètimu srd. Tradutziones Frantzesu massacre Ingresu havoc Ispagnolu lisiadura, tullimiento Italianu scémpio, storpiatura Tedescu Gemetzel, Verunstaltung.

istrópiu , nm: istrúpiu 1, strupiu Definitzione dannu, guastu a sa carena de dhi abbarrare tota vida (nau prus che àteru po un'arremu de fora: bratzu, manu, camba, e àteru)/ tumbare s'i. = agghejare, fèrrere su tretu malàidu Sinònimos e contràrios biseltru, bisestradura, diculadura, guastu, irvistu, isémpiu, isvrembu Frases nos azes lassau un'istrópiu mannu chi peri sa medichina de su tempus, bell'e chi nanchi sanat cada cosa, at a istentare a lu crusiare ◊ si ndhe torraiat a pesare faindhe finta de no bíere su sàmbene chi essiat dae s'istrúpiu (S.Carta) Ètimu spn. estropeo Tradutziones Frantzesu diminution physique, mutilation Ingresu maiming Ispagnolu mutilación, lisiadura Italianu menomazióne fìsica, mutilazióne, storpiatura Tedescu Behinderung, Verstümmelung, Verunstaltung.

«« Torra a chircare