Ditzionàriu in línia
de sa limba e de sa cultura sarda

barzellèta , nf Definitzione contighedhu de pagos foedhos po fàere a erríere Sinònimos e contràrios vocàbbulu Tradutziones Frantzesu histoire Ingresu joke Ispagnolu chiste Italianu barzellétta Tedescu Witz.

ciàsca , nf, nm: ciascu, sciascu, tzascu Definitzione cosa chi si faet o si narat tanti po erríere, a giogu, o fintzes po pigare a befa, fàere a bregúngia Sinònimos e contràrios badalocu, befa, bischíglia, brúglia, ciacota, ciàschidu, ciascaria, cistu, tzigota Maneras de nàrrere csn: ite ciascu!… = arratza de divertimentu, ita spàssiu!…; (nadu de fémina) donai ciascus a unu = lassare s'ammoradu Frases no l'ant cumpresa sa ciasca: solu tue, mala pasca, ti ndhe ses riendhe arreu! ◊ giughiat a inghíriu persones afiotadas a gridos de ciascu e befe ◊ no cretais chi est ciascu su chi seu nendi! ◊ cardampuleri, giogulanu, ti cumbidat po ti contai ciascus o po cantai a mutetus 2. sa limba sighit su destinu sou a ciascu de chie l'est istropiendhe ◊ como su trenu, a ciascu de su progressu, invece de acelerare si est arressu (L.Ilieschi) Ètimu spn. chasco Tradutziones Frantzesu blague, plaisanterie Ingresu joke Ispagnolu chiste, chasco Italianu barzellétta, cèlia, battuta di spìrito Tedescu Witz, Scherz.

cístu , nm Definitzione cosa chi si narat, essia curiosa po erríere Sinònimos e contràrios bàlcica Ètimu spn. Tradutziones Frantzesu facétie Ingresu pleasantry Ispagnolu chiste Italianu facèzia Tedescu Witz.