Legenda Incurtzaduras | Legenda Sìmbulos

dogàre , vrb Definitzione fàere sa doa; apartare o tròchere a una bandha, apartàresi in su sensu de essire a bandhidare; bogare, leare de dossu cosa bestia Sinònimos e contràrios addoae / bogare, essire, frànghere / caciare 2. dògadi a intro de su pinnetu! ◊ oh raju, custas bacas sàrtiant su muru e benint chin nois: a ube nos dogamus?! ◊ mi dia cherrer dogare allargu, ma comente l'apo a pòdere fàchere?! ◊ candho lu tocat si ndhe dogat innedha tremèndhesi che canna ◊ dogachela, cussa cosa, ca no mi serbit! 3. a su puntu chi semus, abbarrare in domo o a mi dogare est su matessi: sa zustíssia mi chircat 4. s'ischitzinavat pro si che dogare su nive dae supra ◊ si at dogau sa tzinta ◊ sa poesia ti ndhe dogat sa pena dae su coro ◊ sa dotrina de ogn'idea mala doganne ch'est s'acisu a sos beranos! (P.Pittalis) Ètimu srd. Tradutziones Frantzesu prendre la fuite Ingresu to sidestep, to go into hiding Ispagnolu apartarse, huir, eliminar Italianu scansarsi, darsi alla latitanza, eliminare Tedescu ausweichen, flüchtig werden.

foressídu , agt: foressiu, forexidu Definitzione de foressire; chi est essiu fora a bandhidare, chi est bandhidandho Sinònimos e contràrios bandhidu, dogau / desessidu, dischissiau 2. ómines foressidos e pastores bi ant agatadu asilu in malas seras (S.Casu)◊ no cheria crèere chi sa família axuaiat sos foressidos, chi cuguzaiat sos betadomos ◊ medas de sos foressidos de Nure aiant su sàmbene atossicadu dae totu su male passadu ◊ sigo a iscríere allegàndhedi de custos bandhuleris foressios (C.Frau) Ètimu spn. forajido Tradutziones Frantzesu réfugié politique, en fuite Ingresu outlaw, on the run Ispagnolu forajido, prófugo Italianu fuoruscito, latitante Tedescu ausgetreten, flüchtig.

maltànu , agt, nm Definitzione chi s'est fuiu, chi si fuit, chi est de unu logu a s'àteru Sinònimos e contràrios aproviau, malacudidu, regoltolzu / bacamundhu, bandhuleri, bentureri, garroneri, peldulàriu Sambenados e Provèrbios smb: Maltana Ètimu srd. Tradutziones Frantzesu fugitif, fuyard Ingresu runaway Ispagnolu fugitivo Italianu fuggiasco Tedescu flüchtig, fliehend, Flüchtige, Fliehende.

«« Torra a chircare