Ditzionàriu in línia
de sa limba e de sa cultura sarda

alloricàre , vrb: allorigae, allorigai, allorigare, loricare Definitzione fàere o essire a una lóriga, a lórigas, a tzirbisas / allorigare su porcu = pònnere sa lóriga in su murru, afiliverrare Sinònimos e contràrios acocolitai, ammurutulare, aprigare, fortzicare | ctr. illorigare, istirare Frases cuss'animale allórigat sa coa ◊ cussa camisa si no la remonis bene si allórigat e cheret prantzada ◊ cudhos imbriagos pigant sa pitzinnedha e li allórigant sas palas cun sos bratzos ◊ no dha pighis aici, sa funi, ca si allórigat totu! Ètimu srd. Tradutziones Frantzesu harponner, entortiller Ingresu to retwist, to curl Ispagnolu ensortijar, arrugar Italianu arroncigliolare Tedescu hakenförmig krümmen, sich krümmen.

ganciúdu , agt Definitzione fatu a gànciu, a gàncios Sinònimos e contràrios acancarronau, unchinadu Ètimu srd. Tradutziones Frantzesu crochu Ingresu hooked Ispagnolu adunco, curvado Italianu adunco Tedescu hakig, hakenförmig, Haken.

unchinàdu , pps, agt: unchinau Definitzione de unchinare; chi est trotu, cun sa punta a gànciu, acancarronau Sinònimos e contràrios acancarronau, ganciudu, ónchinu | ctr. daretu, ténneru Tradutziones Frantzesu crochu Ingresu hooked Ispagnolu ganchudo, encorvado Italianu uncinato, adunco Tedescu hakenförmig.

unchinàre , vrb: aunchinare Definitzione atrotigare, fàere a gànciu, a cancarrone, nau de gente puru Sinònimos e contràrios acancarronae, ancujare, unchinedhare / atzumborai, ingobbedhare Frases cun sos annos s'est unchinadu Ètimu srd. Tradutziones Frantzesu recourber en croc Ingresu to bend like a hook Ispagnolu encorvar Italianu piegare ad uncino Tedescu hakenförmig krümmen.