Ditzionàriu in línia
de sa limba e de sa cultura sarda

arrócu , nm Sinònimos e contràrios abbrúnciu, atzupu, barrancu, imbrúnchinu, imbrunchioni, intúvida, trambucada Ètimu srd. Tradutziones Frantzesu trébuchement Ingresu obstacle Ispagnolu tropiezo Italianu inciampo Tedescu Stolpern.

atzupàda , nf: atzupata Definitzione su atzupare, su atumbare a calecunu logu, su si firmare in su chistionu Sinònimos e contràrios atàbbida, atapada, atopu 1, atumbada, atzapulada, imbrúnchinu, imbrunchioni, trambucada Frases est andhendhe dae un'atzupada a s'àtera, candho unu male candho un'àteru ◊ a piús de s'atzupada chi sa mesina li at dadu, s'incontrat istrapatzadu de unu tristu ainalzu Sambenados e Provèrbios prb: dogni atzupada a su pódhighe malu!… Ètimu srd. Tradutziones Frantzesu obstacle Ingresu obstacle Ispagnolu tropezón Italianu inciampo, inciampata Tedescu Stolpern.

atzupàre , vrb Definitzione atumbare a calecuna cosa, andhandho, su si firmare foedhandho Sinònimos e contràrios abbruncai, imbronconai, intuviae, trabbucai 1 Frases truvat a un'ala e atzupat a su carrone de una craca bullitada ◊ sos túncios de s'albore si atzupant cun sos sónnios mios ◊ zughia su piatu in manos, mi ant atzupadu e apo ispramminadu sa minestra in terra! Tradutziones Frantzesu trébucher Ingresu to bump, to trip up Ispagnolu tropezar Italianu urtare, inciampare Tedescu stoßen, stolpern.

atzúpu , nm Sinònimos e contràrios abbrúnciu, arrocu, atzupada, barrancu, imbrúnchinu, imbrunchioni, trambucada Ètimu srd. Tradutziones Frantzesu trébuchement Ingresu obstacle Ispagnolu tropiezo Italianu inciampo Tedescu Stolpern.

imbruncài 1, imbruncàre , vrb: imbrunciare, umbruncare Definitzione fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere / andhare a s'imbrúncia imbrúncia = cun passu pagu seguru, a su trambuca trambuca Sinònimos e contràrios abbruncai, atzupare, imbronconai, trabbucai 1 Frases tucandhe at imbruncau in d-unu truncu ◊ apo imbruncadu e mi apo pistu su benúgiu ◊ currendi, pòngiu su pei in d-unu barrocu, imbruncu e iscudu sa conca a una pedra ◊ cussos imbrúnciant in sos arriscos ◊ cantas bortas so rutu ca apo imbrunciau!… Sambenados e Provèrbios prb: pè sétzidu no imbrúnciat Ètimu srd. Tradutziones Frantzesu trébucher Ingresu to stumble Ispagnolu tropezar Italianu incespicare Tedescu stolpern.

trabbucài 1, trabbucàre , vrb: trambucare Definitzione fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere mescamente si unu si movet lestru Sinònimos e contràrios abbruncai, atuviae, atzupare, imbronconai, imbruncai 1, intuviae, istambecare, istrambucare, trambellare, truncudhare Frases in s'andhare trambucant sempre ◊ onzi tantu trambuco, ruo e mi ndhe peso ◊ sa pitzinna fughendhe trambucat e rughet, coment'e illughinada ◊ fintzas in su paris netu a bortas si trambucat, puru dendhe tentu ◊ so antzianu e timo a trambucare 2. no li passat mancu in su carvedhu de pòdere trambucare in calchi errore Ètimu ctl. trabucar Tradutziones Frantzesu trébucher Ingresu to stumble Ispagnolu tropezar Italianu inciampare Tedescu stolpern.

trabbúcu , nm: trambucu Definitzione su trambucare; logu malu meda inue si podet prus imbruconare Sinònimos e contràrios impeta, trambucada / trambuchete Frases atentu, no che ruas in su trambucu! ◊ isco bene cales sunt sos trambucos chi m'ispetant in sa vida, ma su coràgiu de sighire no mi mancat Ètimu srd. Tradutziones Frantzesu trébuchement Ingresu obstacle Ispagnolu tropiezo Italianu inciampo Tedescu Stolpern.

trambucàda , nf: trambucata Definitzione su trambucare camminandho, atumbada de pei a calecuna cosa e movimentu coment'e orruendho Sinònimos e contràrios atuviada, atzupada, ilbronchiada, imbronchiada, trabbucu / abbrúnciu, arrocu, atzopu, barrancu, imbàssinu, imbrúnchinu, imbrunchioni, immulcionada Frases apo fatu una trambucada che tzegu! ◊ coment'est su logu totu fossos e a s'iscuru che so andhadu totu a trambucadas ◊ ite ndhe ischint sos àteros de sas trambucadas tuas in sa vida? Ètimu srd. Tradutziones Frantzesu trébuchement Ingresu stumble Ispagnolu tropezón Italianu inciampaménto, inciampata Tedescu Stolpern.