Ditzionàriu in línia
de sa limba e de sa cultura sarda

arrócu , nm Sinonimi e contrari abbrúnciu, atzupu, barrancu, imbrúnchinu, imbrunchioni, intúvida, trambucada Etimo srd. Traduzioni Francese trébuchement Inglese obstacle Spagnolo tropiezo Italiano inciampo Tedesco Stolpern.

atzupàda , nf: atzupata Definizione su atzupare, su atumbare a calecunu logu, su si firmare in su chistionu Sinonimi e contrari atàbbida, atapada, atopu 1, atumbada, atzapulada, imbrúnchinu, imbrunchioni, trambucada Frasi est andhendhe dae un'atzupada a s'àtera, candho unu male candho un'àteru ◊ a piús de s'atzupada chi sa mesina li at dadu, s'incontrat istrapatzadu de unu tristu ainalzu Cognomi e Proverbi prb: dogni atzupada a su pódhighe malu!… Etimo srd. Traduzioni Francese obstacle Inglese obstacle Spagnolo tropezón Italiano inciampo, inciampata Tedesco Stolpern.

atzupàre , vrb Definizione atumbare a calecuna cosa, andhandho, su si firmare foedhandho Sinonimi e contrari abbruncai, imbronconai, intuviae, trabbucai 1 Frasi truvat a un'ala e atzupat a su carrone de una craca bullitada ◊ sos túncios de s'albore si atzupant cun sos sónnios mios ◊ zughia su piatu in manos, mi ant atzupadu e apo ispramminadu sa minestra in terra! Traduzioni Francese trébucher Inglese to bump, to trip up Spagnolo tropezar Italiano urtare, inciampare Tedesco stoßen, stolpern.

atzúpu , nm Sinonimi e contrari abbrúnciu, arrocu, atzupada, barrancu, imbrúnchinu, imbrunchioni, trambucada Etimo srd. Traduzioni Francese trébuchement Inglese obstacle Spagnolo tropiezo Italiano inciampo Tedesco Stolpern.

imbruncài 1, imbruncàre , vrb: imbrunciare, umbruncare Definizione fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere / andhare a s'imbrúncia imbrúncia = cun passu pagu seguru, a su trambuca trambuca Sinonimi e contrari abbruncai, atzupare, imbronconai, trabbucai 1 Frasi tucandhe at imbruncau in d-unu truncu ◊ apo imbruncadu e mi apo pistu su benúgiu ◊ currendi, pòngiu su pei in d-unu barrocu, imbruncu e iscudu sa conca a una pedra ◊ cussos imbrúnciant in sos arriscos ◊ cantas bortas so rutu ca apo imbrunciau!… Cognomi e Proverbi prb: pè sétzidu no imbrúnciat Etimo srd. Traduzioni Francese trébucher Inglese to stumble Spagnolo tropezar Italiano incespicare Tedesco stolpern.

trabbucài 1, trabbucàre , vrb: trambucare Definizione fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere mescamente si unu si movet lestru Sinonimi e contrari abbruncai, atuviae, atzupare, imbronconai, imbruncai 1, intuviae, istambecare, istrambucare, trambellare, truncudhare Frasi in s'andhare trambucant sempre ◊ onzi tantu trambuco, ruo e mi ndhe peso ◊ sa pitzinna fughendhe trambucat e rughet, coment'e illughinada ◊ fintzas in su paris netu a bortas si trambucat, puru dendhe tentu ◊ so antzianu e timo a trambucare 2. no li passat mancu in su carvedhu de pòdere trambucare in calchi errore Etimo ctl. trabucar Traduzioni Francese trébucher Inglese to stumble Spagnolo tropezar Italiano inciampare Tedesco stolpern.

trabbúcu , nm: trambucu Definizione su trambucare; logu malu meda inue si podet prus imbruconare Sinonimi e contrari impeta, trambucada / trambuchete Frasi atentu, no che ruas in su trambucu! ◊ isco bene cales sunt sos trambucos chi m'ispetant in sa vida, ma su coràgiu de sighire no mi mancat Etimo srd. Traduzioni Francese trébuchement Inglese obstacle Spagnolo tropiezo Italiano inciampo Tedesco Stolpern.

trambucàda , nf: trambucata Definizione su trambucare camminandho, atumbada de pei a calecuna cosa e movimentu coment'e orruendho Sinonimi e contrari atuviada, atzupada, ilbronchiada, imbronchiada, trabbucu / abbrúnciu, arrocu, atzopu, barrancu, imbàssinu, imbrúnchinu, imbrunchioni, immulcionada Frasi apo fatu una trambucada che tzegu! ◊ coment'est su logu totu fossos e a s'iscuru che so andhadu totu a trambucadas ◊ ite ndhe ischint sos àteros de sas trambucadas tuas in sa vida? Etimo srd. Traduzioni Francese trébuchement Inglese stumble Spagnolo tropezón Italiano inciampaménto, inciampata Tedesco Stolpern.