Legenda Incurtzaduras | Legenda Sìmbulos

ammoroscàdu , pps, agt Definitzione de ammoroscare; chi est avolotau, nau de abba o àteru deasi Sinònimos e contràrios abbuluzadu, tróbulu Tradutziones Frantzesu trouble Ingresu turbid Ispagnolu turbio Italianu tórbido Tedescu trüb.

neulósu , agt Definitzione nau de su logu, chi est carragiau de népide, neuladu, iscuriosu meda Sinònimos e contràrios boerosu, nebidosu / fuscu, iscuricosu, múrinu Ètimu srd. Tradutziones Frantzesu brumeux Ingresu hazy Ispagnolu nebuloso Italianu nebbióso, fósco Tedescu neblig, dunstig, trüb.

trísinu 1 , agt Definitzione nau de abba o àteru deasi, chi no at pausau, chi portat malesa in mesu Sinònimos e contràrios sórinu, tróbulu, trúgliu | ctr. netu, pasadu Frases abba trísina, binu trísinu Tradutziones Frantzesu trouble Ingresu turbid Ispagnolu turbio Italianu non lìmpido, tórbido Tedescu trüb.

tróbulu , agt: trú, trúbulu, trudu 1, trúgulu, trúvulu, túrbulu Definitzione nau de abba o àteru deasi, chi no at pausau, chi portat malesa in mesu, chi est avolotau; nau de su fàere de unu, de s'ànima o àteru, chi no est bonu, no est límpiu de curpas e de malidade Sinònimos e contràrios abbulizadu, ammoroscadu, trúgliu | ctr. lúchidu, netu, pasadu Frases s'ozu comintzat a falare a lenu e tróbulu ◊ s'apússiat sa tzertesa in sa trúbula paule de su tempus ◊ in trúbulos pojos chirco istidhas de sole…◊ custu binu est trú ◊ su mare est perigulosu candho est túrbulu ◊ lassadhu sètzere bene su binu, ca est ancora trudu! 2. cusséntzias trúbulas ammadricant tempos de carestia ◊ facixedha portat, comenti ti càstiat de cilla trua!… 3. unu trúvulu de muscas che li at papau sas laras Ètimu ltn. turbulus Tradutziones Frantzesu trouble Ingresu muddy Ispagnolu turbio Italianu tórbido Tedescu trüb.

trúgliu , agt: trullu, trulu, truru, truu, truxu, truzu Definitzione nau de abba o àteru deasi, chi no at pausau, chi portat malesa in mesu; nau de s'aera, de sa die, chi no est límpia, unu pagu ammurrada Sinònimos e contràrios sórulu, tróbulu / annuadu | ctr. netu, pasadu Frases su mare est trúgliu ◊ pustis chi tanta truza abba est falada in Tirsu, in Flumendosa, so su matessi! ◊ pones fiores fintos in giardinu e cheres fàghere trulla s'abba giara ◊ in cussu tempus su binu no est prus truu 2. sa dí fut trulla e proixinedhendu puru Sambenados e Provèrbios smb: Trullu / prb: arriu trullu allirghia de piscadori Ètimu ltn. *turblus Tradutziones Frantzesu trouble Ingresu cloudy Ispagnolu turbio Italianu tórbido Tedescu trüb.

«« Torra a chircare