Legenda Incurtzaduras | Legenda Sìmbulos

ingordigiósu, ingordingiósu , agt Definitzione chi bolet totu issu, no dhi bastat ne birde e ne sicau Sinònimos e contràrios assuriu, asuriosu, aulidu, codiciosu, ilbramidu Frases bolit mannu su pratu poita est ingordigiosu! ◊ is sorris, ingordigiosas, sighint a papai ◊ cussu est ingordigiosu, sempri pensendi a su meda! Ètimu srd. Tradutziones Frantzesu insatiable Ingresu insatiable Ispagnolu insaciable Italianu insaziàbile Tedescu unersättlich.

irventràdu , agt: isbentradu Definitzione chi papat meda, bolet totu issu Sinònimos e contràrios assuriu, asuriosu, aulidu, codiciosu, ilbramidu, ingordigiosu, irbudhau, sassagoni Frases no lu chirches, cuss'irventradu: est unu fatu e lassadu! Ètimu srd. Tradutziones Frantzesu insatiable Ingresu insatiable Ispagnolu insaciable Italianu insaziàbile Tedescu unersättlich.

ociànu , agt: ocrianu, oghianu 1, ogianu, ogranu, ogrianu 1, ojanu, oxanu Definitzione nau de ccn., chi ponet ogu a sa cosa de is àteros e no si cuntentat de su chi si dhi giaent, de su suo, chi dhi paret pagu o peus; nau de cosa, chi est bella a dha bíere, chi cuntentat s'ogu Sinònimos e contràrios abbramiu, betiosu, oghimannu / ocione, ojosu / cdh. ugianu Frases ojanu comente fit, si at costoidu su pane pro si lu manigare isse solu ◊ faghe bene sas partes, già l'ischis chi isse est ogrianu! ◊ cussu est ogrianu: ndhe li dias pagu o meda, ti narat chi est pagu! ◊ su prus oghianu tzérriat poita sa prus manna fita ndi bolit pigai (Lai) 2. est pruna madura e oghiana ◊ bollu cudhu préssiu, ca est prus oghianu Sambenados e Provèrbios smb: Oggianu, Oggiano, Otgianu, Otgiano / prb: su malu partire faghet sa zente ojana Terminologia iscientìfica ntl Ètimu srd. Tradutziones Frantzesu difficile à contenter, goulu Ingresu greedy Ispagnolu descontentadizo Italianu incontentàbile, ingórdo Tedescu unersättlich, gierig.

oghimànnu , agt: ojimannu Sinònimos e contràrios ocianu Ètimu srd. Tradutziones Frantzesu difficile à contenter Ingresu insatiable Ispagnolu descontentadizo Italianu incontentàbile Tedescu ungenügsam, unersättlich.

«« Torra a chircare