Ditzionàriu in línia
de sa limba e de sa cultura sarda

abbísciu , nm: abbúsciu Definition iscutulada forte de abba próina; cosa chi si biet o chi benit a meda Synonyms e antonyms abbisciada, bírrida, bissura, dallúviu, ischísciu, strasura Sentences die bona o die mala de abbísciu, a bois sa paga bos benit su matessi ◊ paret sa badhe in abbísciu, tulbadu s'orizonte, paret pretzipitadu su giudísciu ◊ est totugantu iscumparidu che in d-un'abbísciu 2. at bidu un'abbísciu de papàiles rujos ◊ o mama fizolada, isolves che abbísciu intro de sas venas rios de volontade e cuntierras ◊ intendhent unu fúrridu abbísciu de boghes giamendhe a su fogu Scientific Terminology tpm Translations French averse English shower Spanish aguacero, chaparrón Italian acquazzóne German Platzregen.

dallúviu , nm: dellúbbiu, delluviu, dilúviu, dulúviu Definition próina manna, a meda, aira aira / avb.: pròere a dellúbbiu = a defúgliu, a stracia Synonyms e antonyms abbisciada, abbísciu, bírrida, defúgliu, derrúbbulu, issussionzu, strasura, tregonada Sentences candho at fatu su dellúbbiu universale est abbarrau baranta dies fitianu ghetandhe abba a cartos ◊ at afogadu e supullidu su mundhu intreu suta de unu dilúviu tempestosu 2. est pruendi a dulúviu ◊ aundi nanca at a bolli andai, chi est istraciendu, proendu a dallúviu! Etymon itl. Translations French averse English shower, deluge Spanish aguacero, chaparrón, diluvio Italian acquazzóne, dilùvio German Platzregen, Regenguß.

derrúbbulu , nm: dirrúbbulu Definition próina manna, a meda, a mal'istropiadura / fàghere, piòere a d. = aira; landhe, olia a d. = aira, a meda, coment'e pruendi Synonyms e antonyms abbisciada, abbísciu, bírrida, dallúviu*, strasura, tregonada Sentences a sero sa tempesta iscopieit a derrúbbulu folte: s'abba falaiat a trainos ◊ si no sensat custu dirrúbbulu no faghet a essire! Translations French averse English deluge, downpour Spanish tormenta, diluvio Italian dilùvio, piòggia dirótta German strömender Regen.

disàriu , nm Definition dillúviu, próina manna chi faet dannos Synonyms e antonyms dallúviu, derrúbbulu, strasura Translations French averse, déluge English deluge, flood Spanish inundación Italian alluvióne German Überschwemmung.

írrida , nf, nm, agt: érrida, írridu, írrita, írritu, írriu Definition iscutulada de abba forte, ma chi no durat a meda / írrida de túsciu = cadha de tússiu Synonyms e antonyms abbisciada, abbísciu, bírrida, bissura, dallúviu, ischísciu, strasura Sentences pàsidu riu chi fascat su coro in profundhos e a s'amedhu a s'amedhu crebat in írrios de isperas ◊ at próghiu a írrida ◊ at própiu a írridu ◊ curre a sa pinneta: ispeta chi passet custu írridu! 2. fit proghendhe a abba írrida Etymon srd. Translations French averse English shower Spanish aguacero, chaparrón Italian acquazzóne German Platzregen.

istrasúra , nf: istraura, strasura Definition próida de abba meda, próida manna; fintzes dannu mannu, disgràtzia Synonyms e antonyms abbisciada, abbísciu, bírrida, bissura, istracia, tregonada / digràtzia, disagura, istesura, istrauladura Sentences in sos montes pedrosos sos rizolos s'intendhent falendhe a istrasura ◊ sa note, amigos mios, est iscura chei su trumentu, passat furiosu su bentu e sighit s'abba a istrasura (A.Casula)◊ at fatu un'istrasura de bentu e de abba chi no si ndh'aiat bidu mai: su riu che fit trasinendhe àlvores intreos! Translations French averse English shower Spanish aguacero, chaparrón Italian acquazzóne German Platzregen.

istrugalàda , nf Definition istròscia, cropu mannu de abba, ma fintzes nue de bentu forte, de gràndhine Synonyms e antonyms istrúgulu, trussa Idioms csn: piòere a i. = a trussas; i. de landhe = iscutinada manna de landhe Etymon srd. Translations French averse English backhander Spanish chaparrón Italian rovescióne German Regenschauer.

landiredhàda , nf Definition iscutulada o nue de gràndhine Synonyms e antonyms randhinada Sentences sa landiredhada forti chi at fatu at atzumborau is màchinas chi at agatau foras Etymon srd. Translations French averse de grêle English hailstorm Spanish granizada Italian grandinata German Hagelschlag.

randhinàda , nf: randilada Definition su grandhinare; nue, iscutulada de gràndhine Synonyms e antonyms grandhinada, grandilada, landiredhada, ranzudada Sentences cun sas randhinadas no distruas su semenadu! Scientific Terminology tpm Etymon srd. Translations French averse de grêle English hailstorm Spanish granizada Italian grandinata German Hagelschlag, Hagelfall.

sciusciàda , nf: issussiada* Definition su sciusciai, ma fintzes orruta mala a cropu, iscutulada / s. de àcua = bírridu Synonyms e antonyms irfaghidura, isfata, sfaimentu / arratroxa / abbísciu, issussionzu, tregonada Sentences su pirígulu de divisioni fut cumentzau apustis de sa sciusciada de su muru de Berlinu ◊ mi nc'est iscapau s'arrisu puru candu apu biu a Licu fadendu cussa sciusciada! Translations French écroulement, averse English undoing, downpour Spanish derribo, revés Italian disfaciménto, rovescióne German Zerstörung, Regenschauer.

tregonàda , nf Definition iscutulada de abba, próina manna Synonyms e antonyms abbisciada, abbísciu, bírrida, dallúviu, defúgliu, pióida, strasura Sentences isérghidu est che grodhe in su padente in cudha note iscura e chena luna a tregonadas de abba e nie e bentu (L.Marteddu) Translations French averse English heavy shower Spanish chaparrón Italian rovèscio German Schauer.

trússa , nf Definition próina manna, iscutulada o istrossa de abba, cropu forte de abba / pròiri a trussas = a istrugalada, a nues Synonyms e antonyms abbísciu, istrugalada, istrúgulu Sentences comente ant gherradu su sàmbene curriat a trussas Scientific Terminology tpm Etymon itl. troscia Translations French averse English on one's back Spanish chaparrón Italian rovescióne German Regenschauer.