Ditzionàriu in línia
de sa limba e de sa cultura sarda

abbísciu , nm: abbúsciu Definizione iscutulada forte de abba próina; cosa chi si biet o chi benit a meda Sinonimi e contrari abbisciada, bírrida, bissura, dallúviu, ischísciu, strasura Frasi die bona o die mala de abbísciu, a bois sa paga bos benit su matessi ◊ paret sa badhe in abbísciu, tulbadu s'orizonte, paret pretzipitadu su giudísciu ◊ est totugantu iscumparidu che in d-un'abbísciu 2. at bidu un'abbísciu de papàiles rujos ◊ o mama fizolada, isolves che abbísciu intro de sas venas rios de volontade e cuntierras ◊ intendhent unu fúrridu abbísciu de boghes giamendhe a su fogu Terminologia scientifica tpm Traduzioni Francese averse Inglese shower Spagnolo aguacero, chaparrón Italiano acquazzóne Tedesco Platzregen.

dallúviu , nm: dellúbbiu, delluviu, dilúviu, dulúviu Definizione próina manna, a meda, aira aira / avb.: pròere a dellúbbiu = a defúgliu, a stracia Sinonimi e contrari abbisciada, abbísciu, bírrida, defúgliu, derrúbbulu, issussionzu, strasura, tregonada Frasi candho at fatu su dellúbbiu universale est abbarrau baranta dies fitianu ghetandhe abba a cartos ◊ at afogadu e supullidu su mundhu intreu suta de unu dilúviu tempestosu 2. est pruendi a dulúviu ◊ aundi nanca at a bolli andai, chi est istraciendu, proendu a dallúviu! Etimo itl. Traduzioni Francese averse Inglese shower, deluge Spagnolo aguacero, chaparrón, diluvio Italiano acquazzóne, dilùvio Tedesco Platzregen, Regenguß.

derrúbbulu , nm: dirrúbbulu Definizione próina manna, a meda, a mal'istropiadura / fàghere, piòere a d. = aira; landhe, olia a d. = aira, a meda, coment'e pruendi Sinonimi e contrari abbisciada, abbísciu, bírrida, dallúviu*, strasura, tregonada Frasi a sero sa tempesta iscopieit a derrúbbulu folte: s'abba falaiat a trainos ◊ si no sensat custu dirrúbbulu no faghet a essire! Traduzioni Francese averse Inglese deluge, downpour Spagnolo tormenta, diluvio Italiano dilùvio, piòggia dirótta Tedesco strömender Regen.

disàriu , nm Definizione dillúviu, próina manna chi faet dannos Sinonimi e contrari dallúviu, derrúbbulu, strasura Traduzioni Francese averse, déluge Inglese deluge, flood Spagnolo inundación Italiano alluvióne Tedesco Überschwemmung.

írrida , nf, nm, agt: érrida, írridu, írrita, írritu, írriu Definizione iscutulada de abba forte, ma chi no durat a meda / írrida de túsciu = cadha de tússiu Sinonimi e contrari abbisciada, abbísciu, bírrida, bissura, dallúviu, ischísciu, strasura Frasi pàsidu riu chi fascat su coro in profundhos e a s'amedhu a s'amedhu crebat in írrios de isperas ◊ at próghiu a írrida ◊ at própiu a írridu ◊ curre a sa pinneta: ispeta chi passet custu írridu! 2. fit proghendhe a abba írrida Etimo srd. Traduzioni Francese averse Inglese shower Spagnolo aguacero, chaparrón Italiano acquazzóne Tedesco Platzregen.

istrasúra , nf: istraura, strasura Definizione próida de abba meda, próida manna; fintzes dannu mannu, disgràtzia Sinonimi e contrari abbisciada, abbísciu, bírrida, bissura, istracia, tregonada / digràtzia, disagura, istesura, istrauladura Frasi in sos montes pedrosos sos rizolos s'intendhent falendhe a istrasura ◊ sa note, amigos mios, est iscura chei su trumentu, passat furiosu su bentu e sighit s'abba a istrasura (A.Casula)◊ at fatu un'istrasura de bentu e de abba chi no si ndh'aiat bidu mai: su riu che fit trasinendhe àlvores intreos! Traduzioni Francese averse Inglese shower Spagnolo aguacero, chaparrón Italiano acquazzóne Tedesco Platzregen.

istrugalàda , nf Definizione istròscia, cropu mannu de abba, ma fintzes nue de bentu forte, de gràndhine Sinonimi e contrari istrúgulu, trussa Modi di dire csn: piòere a i. = a trussas; i. de landhe = iscutinada manna de landhe Etimo srd. Traduzioni Francese averse Inglese backhander Spagnolo chaparrón Italiano rovescióne Tedesco Regenschauer.

landiredhàda , nf Definizione iscutulada o nue de gràndhine Sinonimi e contrari randhinada Frasi sa landiredhada forti chi at fatu at atzumborau is màchinas chi at agatau foras Etimo srd. Traduzioni Francese averse de grêle Inglese hailstorm Spagnolo granizada Italiano grandinata Tedesco Hagelschlag.

randhinàda , nf: randilada Definizione su grandhinare; nue, iscutulada de gràndhine Sinonimi e contrari grandhinada, grandilada, landiredhada, ranzudada Frasi cun sas randhinadas no distruas su semenadu! Terminologia scientifica tpm Etimo srd. Traduzioni Francese averse de grêle Inglese hailstorm Spagnolo granizada Italiano grandinata Tedesco Hagelschlag, Hagelfall.

sciusciàda , nf: issussiada* Definizione su sciusciai, ma fintzes orruta mala a cropu, iscutulada / s. de àcua = bírridu Sinonimi e contrari irfaghidura, isfata, sfaimentu / arratroxa / abbísciu, issussionzu, tregonada Frasi su pirígulu de divisioni fut cumentzau apustis de sa sciusciada de su muru de Berlinu ◊ mi nc'est iscapau s'arrisu puru candu apu biu a Licu fadendu cussa sciusciada! Traduzioni Francese écroulement, averse Inglese undoing, downpour Spagnolo derribo, revés Italiano disfaciménto, rovescióne Tedesco Zerstörung, Regenschauer.

tregonàda , nf Definizione iscutulada de abba, próina manna Sinonimi e contrari abbisciada, abbísciu, bírrida, dallúviu, defúgliu, pióida, strasura Frasi isérghidu est che grodhe in su padente in cudha note iscura e chena luna a tregonadas de abba e nie e bentu (L.Marteddu) Traduzioni Francese averse Inglese heavy shower Spagnolo chaparrón Italiano rovèscio Tedesco Schauer.

trússa , nf Definizione próina manna, iscutulada o istrossa de abba, cropu forte de abba / pròiri a trussas = a istrugalada, a nues Sinonimi e contrari abbísciu, istrugalada, istrúgulu Frasi comente ant gherradu su sàmbene curriat a trussas Terminologia scientifica tpm Etimo itl. troscia Traduzioni Francese averse Inglese on one's back Spagnolo chaparrón Italiano rovescióne Tedesco Regenschauer.