Ditzionàriu in línia
de sa limba e de sa cultura sarda

biscàcu , nm Definition gioga de mare; pedra tundha Synonyms e antonyms gioga / pagellida / cacódua, caróngiu, coda 2, códua, cogólidu, coróculu, craltu, ladhia, lecucu, lódhuru Etymon srdn. Translations French coquille, caillou English shell, stone Spanish concha, guijarro Italian conchìglia, ciòttolo German Muschel, Kieselstein.

bocínu 2 , nm Definition sa pedra chi s'impreat giogandho a s'imbréstia po dhue pònnere sa posta asuta Synonyms e antonyms bàtile 1, bicu 1, bóciu / buscinu, ofiadura Sentences s'abba meda su riu che l'at isgarrigada in mare iscodulendhe naes e bocinos ◊ cudha die l'apo bidu che bocinu trodhulendhe (P.Mossa) Etymon itl. boccino Translations French caillou roulé English stone Spanish guijarro Italian lécco German Zielstein.

brúsca 1 , nf: brúschia, burca, burga, busca 2 Definition pedrighedha tundha de erriu, o de mare (funt chimbe), chi si ponet po giogare: dhue at giogu (es. a su paradisu) chi sa pedrighedha est una solu e ladita, un'orrugu de matone, de téula / betare sas bruscas = tirare a billetes, fàghere a su chi essit essit, giogare a s'imbrusca (po pigare una parte chentza partzialidades, sa chi tocat) Synonyms e antonyms bàtile 1, bicu 1, bríscula, brúscula, cucu, lecucu Etymon ltn. bruscum Translations French pierre, caillou roulé English stone Spanish piedra Italian sasso German Stein.

brúscula , nf: búscula Definition pedrighedha pitica, arenighedha Synonyms e antonyms bríscula, brusca* 1, pedrighina, pedrischedha, perdixedha Sentences bètalis una brúscula a sas berbeghes, pro las furriare! Translations French caillou English pebble Spanish piedrita Italian sassolino German kleiner Stein.

cacódua , nf: cocoda, cocodedha, cocódula, cocódura Definition crastu, pedra tundhatza Synonyms e antonyms biscacu, caróngiu, coda 2, códua, cogólidu, coróculu, craltu, ladhia, lecucu, lódhuru Sentences cali iscusorxu? su cascionedhu furiat prenu de cocódulas! Surnames and Proverbs smb: Coccoda Translations French caillou English stone Spanish piedra Italian ciòttolo, sasso German Kieselstein.

còda 2 , nf: code, codi 1, cori 2, cote Definition genia de pedra, fintzes cussa de acutzare ainas / min. codighedha Synonyms e antonyms biscacu, cacódua, caróngiu, códua, cogólidu, coróculu, craltu, ladhia, lecucu, lódhuru Idioms csn: sa cori po acuciai = pedra de arrodare; codedha de riu = pedra ladhia Sentences si ponet a caminare iscurtza in mesu de sas codes acutzas che burtedhu ◊ at batidu code bianca de riu ◊ cussu dinai no mi comprat mancu sa codi po sa pudatza! 2. ses acutzendu is ainas de sa menti in sa codi de su tempus Surnames and Proverbs smb: Coda, Code Etymon ltn. cote(m) Translations French pierre à aiguiser, caillou English hone, stone Spanish amoladera, guijarro Italian còte, ciòttolo German Wetzstein, Kiesel.

códua, códula , nf, nm: códule, códulu Definition (fintzes upm) is pedras, is crastos, mescamente iscàbulos, tundhos, piticos o mannos chi siant; fintzes logu prenu de pedra, pedraghe / códula de arriu = pedra de riu, tundha, lísia a fortza de la trazare s'abba Synonyms e antonyms biscacu, cacódua, caróngiu, coda 2, codulaja, cogólidu, cogúdula, coróculu, craltu, ladhia, lecucu, lódhuru Sentences su riu s'intendhiat iscurrendhe in mesu de sos códulos ◊ cussu códulu est allixadu de s'abba ◊ cussos montes sunt totu códulos de granitu ◊ is féminas ingenugadas in s'oru de s'àcua frigànt is pannus in d-una códula ◊ fit un'ómine chi ndhe pesaiat dae terra unu códulu de tres cuintales ◊ s'impedradu fuit fatu de códula de mare 2. cherimus sòrbere cussos códules de malíssia chin sa luche bertera de s'intelletu (F.Satta)◊ est chibanne rosaros de isporu chin códules de irrocos Surnames and Proverbs smb: Codula Etymon ltn. *cotulus Translations French caillou English stone Spanish guijarro, piedra Italian ciòttolo, sasso German Kieselstein.

cogódu , nm: cogoru Definition pedra de erriu unu pagu tundha, allisada de s'abba, impreada po fàere a incodau orrugas e pratzas Synonyms e antonyms caróngiu, cocu 1, códua, códulu, cogólidu, cogúdula, lecucu Sentences narant contus de una stasoni de soli arrabiosu, de olias sicadas, de arrius impedraus a cogorus biancus (F.Carlini) Translations French caillou English stone Spanish guijarro Italian ciòttolo, sasso German Kieselstein.

cràltu , nm: crastu, grastu Definition orrugu de pedra, piticu o mannu, fintzes orroca manna; nau de is boes, sa carena; nau de unu, chi est fatu a sa grussera, pagu crabbosu e pagu educau; unu tempus fut su castedhu, chi dhu poniant in d-una de is duas partes de is monedas puru e po cussu fintzes como de una moneda de metallu si distinghent duas partes, rughe e crastos, a logos santus e crastus: in sa prima, in sa moneda sarda dhue at agiummai sèmpere una grughe pitica, in crastos dhue at in is monedas chi si connoschent agiummai sèmpere una conca e po su prus dhu'est iscritu su valore Synonyms e antonyms biscacu, cacódua, caróngiu, coda 2, códua, cogólidu, coróculu, ladhia, lecucu, lódhuru, múngulu, nodu 1, roca Idioms csn: pònnere sa cosa a rughe e a crastos = ghetai a coredhu, acomenti essit; colpare a rughes e a crastos = aundi ferit ferit, a dónnia parti, a manca e a destra; ischitindhe o zoghendhe, leàresi rughe o crastos = innantis de ghetai sa muneda, nàrriri una de is duas afaciadas, iscioberai una de is duas possibbilidadis Sentences est unu logu totu crastos ◊ una conca de crastu fata a picu comente mai intendhet poesia?! ◊ su nuraghe est una domo pesada cun crastos mannos ◊ e prite no ti filas una frundha a che los giagarare nessi a craltu? 2. candho ti lasso, Sardigna istimada, su coro in sa petorra intendho in pena e mi pesat che crastu in sa carena 3. a rughes e a crastos colpat forte pro che ispèrdere in presse su giudeu! (A.Dettori)◊ sunt totu a pira che truncos tortos, unu subra de s'àteru, totu a rughes e a crastos 4. sa crastadura de is bòis si fait po cresci su crastu e po dhus fai masedus 5. ite ti leas, rughe o crastos? Surnames and Proverbs smb: Crastu, Crastus Translations French caillou, pierre English stone Spanish piedra Italian sasso, piètra German Stein.

ladhía , nf: lidhia Definition genia de pedra iscàbula, no tanti manna, tundhita, comente si ndhe agatat in is errios e in oros de mare Synonyms e antonyms biscacu, caróngiu, codisca, códua, cogólidu, craltu, dhidhia, ladhiera, lecucu, lódhuru, tridhia 2. límpidu e sanu che pedra ladhia samunada (Z.Zazzu) Etymon its, srdn? Translations French caillou English stone Spanish guijarro Italian ciòttolo German Kieselstein.

lecúcu , nm: licucu Definition pedra licuchina, tundhatza, lisa, pedrighedha tundha de erriu o de mare Synonyms e antonyms alacucu, biscacu, caróngiu, codisca, códua, cogólidu, craltu, ladhia, lódhuru / bàtile 1, bicu 1, brusca 1, cucu 1 Sentences si est dau a chircare predas, totu lecucu de riu ◊ mi bi cherent totu sos licucos de sos ribos pro mi matzucare sas petorras! ◊ sos presetos s'iscontzant in códulas istérrias a lecucu tra neulaches mortos e frunzudos de su riu Etymon srdn. Translations French caillou roulé English round stone Spanish guijarro Italian cògolo German Kiesel.

pedrighína , nf: predichina, predighina, pretichina, pretighina, pitrichina Definition (upm) min de pedra, pedra pitichedhedha, prus minuda de sa giarra (ma nau fintzes in custu sensu) Synonyms e antonyms brúscula, pedrischedha, perdíscula, perdixedha, predaredha Sentences sas rodas de sa moto tichirriaiant in sa pedrighina de sos tirighinos ◊ su tretu uve si curriat su palu fit unu cucuredhu de pretichina atzuta 2. so passadu in su fràigu pro isgarrigare sa pedrighina Etymon srd. Translations French pierrette, caillou English little stone Spanish piedrecilla, piedrecita Italian pietruzza, sassolino German kleiner Stein.

pedrischèdha , nf: pedruschedha, prediscedha, predischedha, preduschedha Definition orrughedhu de pedra, pedra pitichedhedha (upm), pedrighedha Synonyms e antonyms pedrighina, pedrischédhula, perdixedha, predaredha, predusca Idioms csn: zúchere o pònnere p. in s'iscarpa = ficare carch'idea in conca, coment'e cosa chi no lassat in asséliu; intèndhere p. in s'iscarpa = tènniri calincuna cosa chi unu no podit baliai; èssere che pedrischedha in iscarpa = ifadosu meda Sentences sa beridade ponet predischedha in s'iscarpa a chie de issa no est amantiosu ◊ sos Sardos esiliaos sunt preduschedha de rivu cussumada dae s'abba ◊ s'abba de su rivu trazat prediscedhas lúchidas Etymon srd. Translations French pierrette, caillou English small stone Spanish piedrecilla, piedrecita Italian pietruzza, sassolino German kleiner Stein.

perdixèdha , nf: predighedha Definition orrughedhu piticu de pedra, pedra minore Synonyms e antonyms pedrighina, pedrischedha, predaredha Translations French caillou English little stone Spanish piedrecilla, piedrecita Italian sassolino German kleiner Stein.