Ditzionàriu in línia
de sa limba e de sa cultura sarda

biscàcu , nm Definizione gioga de mare; pedra tundha Sinonimi e contrari gioga / pagellida / cacódua, caróngiu, coda 2, códua, cogólidu, coróculu, craltu, ladhia, lecucu, lódhuru Etimo srdn. Traduzioni Francese coquille, caillou Inglese shell, stone Spagnolo concha, guijarro Italiano conchìglia, ciòttolo Tedesco Muschel, Kieselstein.

bocínu 2 , nm Definizione sa pedra chi s'impreat giogandho a s'imbréstia po dhue pònnere sa posta asuta Sinonimi e contrari bàtile 1, bicu 1, bóciu / buscinu, ofiadura Frasi s'abba meda su riu che l'at isgarrigada in mare iscodulendhe naes e bocinos ◊ cudha die l'apo bidu che bocinu trodhulendhe (P.Mossa) Etimo itl. boccino Traduzioni Francese caillou roulé Inglese stone Spagnolo guijarro Italiano lécco Tedesco Zielstein.

brúsca 1 , nf: brúschia, burca, burga, busca 2 Definizione pedrighedha tundha de erriu, o de mare (funt chimbe), chi si ponet po giogare: dhue at giogu (es. a su paradisu) chi sa pedrighedha est una solu e ladita, un'orrugu de matone, de téula / betare sas bruscas = tirare a billetes, fàghere a su chi essit essit, giogare a s'imbrusca (po pigare una parte chentza partzialidades, sa chi tocat) Sinonimi e contrari bàtile 1, bicu 1, bríscula, brúscula, cucu, lecucu Etimo ltn. bruscum Traduzioni Francese pierre, caillou roulé Inglese stone Spagnolo piedra Italiano sasso Tedesco Stein.

brúscula , nf: búscula Definizione pedrighedha pitica, arenighedha Sinonimi e contrari bríscula, brusca* 1, pedrighina, pedrischedha, perdixedha Frasi bètalis una brúscula a sas berbeghes, pro las furriare! Traduzioni Francese caillou Inglese pebble Spagnolo piedrita Italiano sassolino Tedesco kleiner Stein.

cacódua , nf: cocoda, cocodedha, cocódula, cocódura Definizione crastu, pedra tundhatza Sinonimi e contrari biscacu, caróngiu, coda 2, códua, cogólidu, coróculu, craltu, ladhia, lecucu, lódhuru Frasi cali iscusorxu? su cascionedhu furiat prenu de cocódulas! Cognomi e Proverbi smb: Coccoda Traduzioni Francese caillou Inglese stone Spagnolo piedra Italiano ciòttolo, sasso Tedesco Kieselstein.

còda 2 , nf: code, codi 1, cori 2, cote Definizione genia de pedra, fintzes cussa de acutzare ainas / min. codighedha Sinonimi e contrari biscacu, cacódua, caróngiu, códua, cogólidu, coróculu, craltu, ladhia, lecucu, lódhuru Modi di dire csn: sa cori po acuciai = pedra de arrodare; codedha de riu = pedra ladhia Frasi si ponet a caminare iscurtza in mesu de sas codes acutzas che burtedhu ◊ at batidu code bianca de riu ◊ cussu dinai no mi comprat mancu sa codi po sa pudatza! 2. ses acutzendu is ainas de sa menti in sa codi de su tempus Cognomi e Proverbi smb: Coda, Code Etimo ltn. cote(m) Traduzioni Francese pierre à aiguiser, caillou Inglese hone, stone Spagnolo amoladera, guijarro Italiano còte, ciòttolo Tedesco Wetzstein, Kiesel.

códua, códula , nf, nm: códule, códulu Definizione (fintzes upm) is pedras, is crastos, mescamente iscàbulos, tundhos, piticos o mannos chi siant; fintzes logu prenu de pedra, pedraghe / códula de arriu = pedra de riu, tundha, lísia a fortza de la trazare s'abba Sinonimi e contrari biscacu, cacódua, caróngiu, coda 2, codulaja, cogólidu, cogúdula, coróculu, craltu, ladhia, lecucu, lódhuru Frasi su riu s'intendhiat iscurrendhe in mesu de sos códulos ◊ cussu códulu est allixadu de s'abba ◊ cussos montes sunt totu códulos de granitu ◊ is féminas ingenugadas in s'oru de s'àcua frigànt is pannus in d-una códula ◊ fit un'ómine chi ndhe pesaiat dae terra unu códulu de tres cuintales ◊ s'impedradu fuit fatu de códula de mare 2. cherimus sòrbere cussos códules de malíssia chin sa luche bertera de s'intelletu (F.Satta)◊ est chibanne rosaros de isporu chin códules de irrocos Cognomi e Proverbi smb: Codula Etimo ltn. *cotulus Traduzioni Francese caillou Inglese stone Spagnolo guijarro, piedra Italiano ciòttolo, sasso Tedesco Kieselstein.

cogódu , nm: cogoru Definizione pedra de erriu unu pagu tundha, allisada de s'abba, impreada po fàere a incodau orrugas e pratzas Sinonimi e contrari caróngiu, cocu 1, códua, códulu, cogólidu, cogúdula, lecucu Frasi narant contus de una stasoni de soli arrabiosu, de olias sicadas, de arrius impedraus a cogorus biancus (F.Carlini) Traduzioni Francese caillou Inglese stone Spagnolo guijarro Italiano ciòttolo, sasso Tedesco Kieselstein.

cràltu , nm: crastu, grastu Definizione orrugu de pedra, piticu o mannu, fintzes orroca manna; nau de is boes, sa carena; nau de unu, chi est fatu a sa grussera, pagu crabbosu e pagu educau; unu tempus fut su castedhu, chi dhu poniant in d-una de is duas partes de is monedas puru e po cussu fintzes como de una moneda de metallu si distinghent duas partes, rughe e crastos, a logos santus e crastus: in sa prima, in sa moneda sarda dhue at agiummai sèmpere una grughe pitica, in crastos dhue at in is monedas chi si connoschent agiummai sèmpere una conca e po su prus dhu'est iscritu su valore Sinonimi e contrari biscacu, cacódua, caróngiu, coda 2, códua, cogólidu, coróculu, ladhia, lecucu, lódhuru, múngulu, nodu 1, roca Modi di dire csn: pònnere sa cosa a rughe e a crastos = ghetai a coredhu, acomenti essit; colpare a rughes e a crastos = aundi ferit ferit, a dónnia parti, a manca e a destra; ischitindhe o zoghendhe, leàresi rughe o crastos = innantis de ghetai sa muneda, nàrriri una de is duas afaciadas, iscioberai una de is duas possibbilidadis Frasi est unu logu totu crastos ◊ una conca de crastu fata a picu comente mai intendhet poesia?! ◊ su nuraghe est una domo pesada cun crastos mannos ◊ e prite no ti filas una frundha a che los giagarare nessi a craltu? 2. candho ti lasso, Sardigna istimada, su coro in sa petorra intendho in pena e mi pesat che crastu in sa carena 3. a rughes e a crastos colpat forte pro che ispèrdere in presse su giudeu! (A.Dettori)◊ sunt totu a pira che truncos tortos, unu subra de s'àteru, totu a rughes e a crastos 4. sa crastadura de is bòis si fait po cresci su crastu e po dhus fai masedus 5. ite ti leas, rughe o crastos? Cognomi e Proverbi smb: Crastu, Crastus Traduzioni Francese caillou, pierre Inglese stone Spagnolo piedra Italiano sasso, piètra Tedesco Stein.

ladhía , nf: lidhia Definizione genia de pedra iscàbula, no tanti manna, tundhita, comente si ndhe agatat in is errios e in oros de mare Sinonimi e contrari biscacu, caróngiu, codisca, códua, cogólidu, craltu, dhidhia, ladhiera, lecucu, lódhuru, tridhia 2. límpidu e sanu che pedra ladhia samunada (Z.Zazzu) Etimo its, srdn? Traduzioni Francese caillou Inglese stone Spagnolo guijarro Italiano ciòttolo Tedesco Kieselstein.

lecúcu , nm: licucu Definizione pedra licuchina, tundhatza, lisa, pedrighedha tundha de erriu o de mare Sinonimi e contrari alacucu, biscacu, caróngiu, codisca, códua, cogólidu, craltu, ladhia, lódhuru / bàtile 1, bicu 1, brusca 1, cucu 1 Frasi si est dau a chircare predas, totu lecucu de riu ◊ mi bi cherent totu sos licucos de sos ribos pro mi matzucare sas petorras! ◊ sos presetos s'iscontzant in códulas istérrias a lecucu tra neulaches mortos e frunzudos de su riu Etimo srdn. Traduzioni Francese caillou roulé Inglese round stone Spagnolo guijarro Italiano cògolo Tedesco Kiesel.

pedrighína , nf: predichina, predighina, pretichina, pretighina, pitrichina Definizione (upm) min de pedra, pedra pitichedhedha, prus minuda de sa giarra (ma nau fintzes in custu sensu) Sinonimi e contrari brúscula, pedrischedha, perdíscula, perdixedha, predaredha Frasi sas rodas de sa moto tichirriaiant in sa pedrighina de sos tirighinos ◊ su tretu uve si curriat su palu fit unu cucuredhu de pretichina atzuta 2. so passadu in su fràigu pro isgarrigare sa pedrighina Etimo srd. Traduzioni Francese pierrette, caillou Inglese little stone Spagnolo piedrecilla, piedrecita Italiano pietruzza, sassolino Tedesco kleiner Stein.

pedrischèdha , nf: pedruschedha, prediscedha, predischedha, preduschedha Definizione orrughedhu de pedra, pedra pitichedhedha (upm), pedrighedha Sinonimi e contrari pedrighina, pedrischédhula, perdixedha, predaredha, predusca Modi di dire csn: zúchere o pònnere p. in s'iscarpa = ficare carch'idea in conca, coment'e cosa chi no lassat in asséliu; intèndhere p. in s'iscarpa = tènniri calincuna cosa chi unu no podit baliai; èssere che pedrischedha in iscarpa = ifadosu meda Frasi sa beridade ponet predischedha in s'iscarpa a chie de issa no est amantiosu ◊ sos Sardos esiliaos sunt preduschedha de rivu cussumada dae s'abba ◊ s'abba de su rivu trazat prediscedhas lúchidas Etimo srd. Traduzioni Francese pierrette, caillou Inglese small stone Spagnolo piedrecilla, piedrecita Italiano pietruzza, sassolino Tedesco kleiner Stein.

perdixèdha , nf: predighedha Definizione orrughedhu piticu de pedra, pedra minore Sinonimi e contrari pedrighina, pedrischedha, predaredha Traduzioni Francese caillou Inglese little stone Spagnolo piedrecilla, piedrecita Italiano sassolino Tedesco kleiner Stein.