Ditzionàriu in línia
de sa limba e de sa cultura sarda

aórru , nm: aurru Definition su aorrare, sa cosa chistia, cosa chentza ispéndhia o chentza impreada Synonyms e antonyms economia, rispàrmiu, sparagnu, stràviu | ctr. istrubberia, sperdítziu Sentences a sa teraca l'intreghesit aorros suos e de sa pobidha ◊ sonniaia incunzas in aurru ◊ cun sos aorros suos comporesit unu servu ◊ cussos ant fatu aorros mannos ◊ sa domo chi si at fatu est frutu de trabàgliu e de aorru Etymon spn. Translations French économie, gain English saving Spanish ahorro Italian rispàrmio German Sparen.

avítu , nm Definition su avitare; su manigiare is cosas a régula, chentza ndhe perdimentare, chentza ndhe pònnere e ne ispèndhere prus de su chi serbit / fàghere a. Synonyms e antonyms aorru, economizu, rispàrmiu, stràviu | ctr. burrúsciu 1, disperdíssiu, istrubberia, sperdítziu Sentences s'avitu est siendha Etymon srd. Translations French économie, gain English saving Spanish ahorro Italian rispàrmio German Sparen.

badàgnu , nm: badàngiu, badanzu, balàngiu, balanzu Definition torracontu, benefíciu chi si ndhe tenet de calecuna cosa; segundhu comente si narat, bolet nàrrere dannu Synonyms e antonyms badagnu, gadagnu*, gagnu, gualanzu, intróitu, lucru, profetu, torracontu / achidu | ctr. dannu, példua Sentences ite badagnu ndhe godis ca s'aera est sana! ◊ balanzos de cocoi… aficos mortos: su tantu de si campare! ◊ divide su badanzu ca su fundhu est su meu! ◊ bois de balanzu perunu a domo no ndhe sezis batindhe 2. odheu, fizu meu, no ti gherres cun neune, no mi batas balanzu!… Translations French gain, bénéfice English gain, earnings Spanish ganancia, beneficio, provecho Italian guadagno German Gewinn.

bínchida , nf: bíncida, bíntzida, vínchida Definition su bínchere; sa cabburra (dinare o àteru) chi si faet giogandho Synonyms e antonyms binchimentu, binsa | ctr. pérdia Idioms csn: fàghere a bínchidas, a b. de pare = a proas, a probia, a trivas, a chini ndi podit fai de prus, o mellus; dare in bínchida (nau de genti abbetiendi o a iscórriu)= lassai chi bínciat (s'àteru) Sentences de sa bíncida dhi fiat abarrau unu sentidu de sbuidori 3. cantaimis a bínchidas de pare ◊ ant promissu providimentos bínchida apare ◊ bochiant a bíncidas de pare a cine totu dhis intràt in manu! ◊ isse pro no ti la dare in bínchida menzus peleat a dópiu! Etymon srd. Translations French gain English win Spanish ganancia Italian vìncita German Gewinnen, Gewinn.

cabbàle, cabbàli , nm: gabbale Definition dinare, interessu, fundhu, totu su chi est orrobba de propiedade; cosa chi balet, chi serbit, nau fintzes de su chi balet una persona candho est de giudu, de caràtere, onesta, àbbile Synonyms e antonyms balanzu, lucru, profetu / imprastu, valore, zudu Sentences ndhe as bogadu su cabbale de un'annu de triballu, mancu su chi as semenadu!…◊ arratza de cabbale, triballendhe e chentza pagados! ◊ istat semper pistandhe ma chene fàchere cabbale ◊ barriamus meda, assumancus acoghi faghimus su fiazu est cun cabbale! 2. cussa est fémina de cabbale, ómine de cabbale Etymon ctl. cabal Translations French gain English gain, value Spanish propriedad, cabal (detto di persona) Italian guadagno, valóre German Gewinn, Wert.

gadàgnu gadàngiu , nm: godàngiu, goràngiu, guadàngiu 1 Definition torracontu, benefíciu chi si ndhe tenet de calecunu trebballu o ispesa Synonyms e antonyms badagnu, gagnu, gualanzu, lucru, profetu, torracontu / cdh. gadagnu | ctr. példua, pérdia Sentences dèu si dhu bendu a setixentus francus su chilu, su préssiu, e issu si dhu bendit a duamilla: piticu su guadàngiu!…◊ issu pensat solu a su godàngiu, est pagu arreolau ci is àteros morint de su fàmene! Etymon itl. Translations French gain, bénéfice English gain, earnings Spanish ganancia Italian guadagno German Gewinn.

lúcru , nm: lúcuru Definition torracontu, profetu, benefíciu, arresurtau bonu chi si ndhe tenet de calecuna cosa Synonyms e antonyms badagnu, balanzu 1, gadagnu, gagnu, gualanzu, ingogna, profetu, torracontu | ctr. pérdia Sentences sos terrinos no dant lucru mancu a sos pastores ◊ de su tou malu operadu, ite lúcuru ndh'as tentu? ◊ bae a istudiare, fizu meu, e assumancu chi siat cun lúcuru! ◊ a ite tiat èssere a triballare chentza lúcuru?! ◊ si no mi aggantzas a díligu a díligu dae me no ndhe bogas lúcuru meda Etymon itl. Translations French gain, lucre, avantage, profit English gain, profit Spanish lucro, provecho Italian lucro, profitto, vantàggio German Gewinn, Vorteil.

rispàrmiu , nm: errespràmmiu Definition totugantu su chi no si consumat e si podet pònnere abbandha, su ispèndhere o pònnere prus pagu Synonyms e antonyms aorru, avitu, economizu, spràmiu, stràviu | ctr. dispéndiu, isperdíciu, istrubberia, példua Sentences su rispàrmiu tocat a l'abbaidare! ◊ sos Sardos emigrados ponent sos rispàrmios in Sardínnia ◊ aia imparadu àteru caminu, a su logu fia andhadu a rugadura e duncas fatu unu bellu rispàrmiu Translations French économie, gain English saving (s) Spanish ahorro Italian rispàrmio German Ersparnis.