Abbreviations Legenda | Symbols Legend

àbbila , nf, nm: abbile, àbbile, àbbili, àvile Definition unu de is pigiones prus mannos, papadore de petza / àbbila marina = àchili de pisci; acapiae s'àbbila = fàere 'meighina' (peràulas fortes) po chi s'à. no fatzat dannu a su bestiàmine Synonyms e antonyms àchibi, ave Sentences s'àbbile est lestra piús chi no bentu ◊ s'àbbile abbitat in sos montes altos ◊ s'àbbile bolat in altu isperiendhe in totue ◊ ancora faedhat forte e minetosu, che unu betzu àbbile in su nidu (A.Casula)◊ s'àbbile s'aferrat s'anzone intreu ◊ si ghetat a volu che àvile! ◊ in s’oru de mare s’intendhiant abbiles e caos a tírrios (L.Pusceddu) 2. candho est acapiada, s’àbbila non si podet pidigonae ca cinono si ndhe iscàpiat Scientific Terminology pzn, aquila chrysaëtos Etymon ltn. aquila Translations French aigle royal English golden eagle Spanish águila real Italian àquila reale German Steinadler.

àchibi , nf: àchila, àchili Definition unu de is pigiones prus mannos, papadore de petza / àchili de pisci = àbbila marina o fintzas achilonedhu, abbilastru; min. achiledhu, achiledha Synonyms e antonyms àbbila, achiloni Sentences che àchila at sullevadu s'ispíritu ◊ cussu portat su nasu a bicu de àchila! 2. si pregu, àchilis mannas, de fai artziai a su monti unu passirillanti! Scientific Terminology pzn, aquila chrysaëtos Etymon srd. Translations French aigle royal English eagle Spanish águila real Italian àquila reale German Steinadler.

reàle 1, reàli , agt, nf: riali Definition chi pertocat sa cosa, chi est cunforma a comente is cosas funt, chi si agatat abberu, chi est abberu; chi est de su rei, chi pertocat o apartenet a su rei; nau de unu, chi mantenet su foedhu, chi faet a si ndhe fidare; coment'e nf., sa ferrovia principale Synonyms e antonyms veru / francu, sentzillu / régiu | ctr. ifidau, traitore Idioms csn: ómine reale = sintzillu, síncheru; tempus r. = deretu, su matessi mamentu chi si faedhat o chi si faghet, chentza bi àere àteru tempus in mesu tra càusa e efetu Sentences sa prus zusta e reale, sa prima bandhera est custa! 2. cussu est un'ómini reali Etymon itl. Translations French réel, royal English real, royal Spanish real Italian reale German wirklich, tatsächlich, königlich, ehrlich.

régiu , agt: réziu Definition de su rei, chi apartenet a su rei, fintzes de s'istadu Synonyms e antonyms reale 1 Sentences sa contonera rézia Translations French royal English royal Spanish real, regio Italian règio German königlich.

tiloría , nf: (sa t. e var.= satiloría) cirolia tirolia, tirulia, toloria, torulia, turulia, tzirolia Definition astore runchininu, genia de pigione mannu papadore de petza; a logos est un'àteru pigione, piticu / pàrrere una turulia = (nau de unu) chi si chèsciat sempri, chi abarrat a su prangi prangi Synonyms e antonyms astorolia, ciciulia, tziodhia, tzurudhia Sentences eris sa turulia mi at abbutinadu sos pannos ◊ ancu che lu boghet sa tirulia! ◊ ancu lu bocat sa tirulia! 2. su pisedhu meu no tancat mai buca: paret una turulia Scientific Terminology pzn, milvus milvus Translations French milan royal English kite Spanish milano Italian nìbbio reale German Gabelweihe.

tzirolía , nf: cirolia, tiloria*, tzirrulia, tzoloria, tzurrulia, tzurulia Definition genia de pigione mannu papadore de petza / ungra o franca de tzirolia = peónica, arrosa de padenti Synonyms e antonyms astorolia, ciciulia, tziodhia, tzurudhia Surnames and Proverbs smb: Zirolia Scientific Terminology pzn, milvus milvus Translations French milan royal English kite Spanish milano Italian nìbbio reale German Gabelweihe.

«« Search again