ifidàu , agt, nm: ifideau, ifidiadu, ilfidadu, ilfidiadu, irfediadu, irfidadu, irfidiadu, irfidiau, isfediadu, isfidiadu, isfidiatu, issediau, issidiau Definition nau de ccn., chi costumat a ingannare e no faet a si ndhe fidare, chi ti dha faet candho mancu ti dh’ibertas, chi no méritat de dhi giare fide; fintzes chi est de coro malu, chentza làstima nudha faendho male; chi no tenet o no giaet fide / fàghere a s’irfidiada = a s’orvidada, candho s’àteru no si ndhe abbizat o no si ndhe podet abbizare, candho no si l’ispetat, a s’ispessada Synonyms e antonyms alevosu, isfidau, traitore, traixinu / cdh. sfidiatu | ctr. fidadu, securu Sentences cussu est irfidiadu che a su cane ◊ nachi fit fatore fidadu: isfidiadu, tramposu che matzone! ◊ su matzone est un'ifidiadu cane arelte ◊ pustis de tantas promissas, isfidiados bois las afaltzades! ◊ sa manaca, irfidada e muda, est pronta a mi ghetare ungrales de astore (G.Delogu)◊ est lanzitu, minujedhu, ma calabriosu e ifideau (G.Chironi)◊ foras de innoghe su cane ifidau! 2. cudhos irfidiatos si nche iscostiaiant prus allargu puru, timenne a isse 3. li at nadu sa cosa a s'ilfidiada Scientific Terminology ntl Etymon srd. Translations French sournois, déloyal English trecherous, disloyal (friend) Spanish desleal Italian infido, sleale German untreu, unherlich.

moítzu 1 , agt, nm: muissu, muitzu 2 Definition chi o chie si parat mudu, citiu, prus che àteru po trassa, cun intentziones no tanti bonas, cun iscopu Synonyms e antonyms apontziadori, basamatone, maciaresu, marrascu, santicu, satrapone Sentences est un'ómine muitzu ◊ una colora biscacada, ocros de lampu, cun sa boche ingheniajola de una zana, muissa, mi at tentau ◊ su muitzu rispondhesit cun novellu ingannu ◊ sa morte li est intrada muitza muitza che tidiria chi abbelenat in beranu sa carena Translations French sournois English sly (person) Spanish socarrón, taimado Italian sornióne, sùbdolo German duckmäuserisch, hinterlistig, Duckmäuser.

satrapòne , agt, nm Definition chi o chie est falsu ca giaet a bíere una cosa po un'àtera cun is maneras chi tenet de fàere Synonyms e antonyms apontziadori, basamatone, moitzu 1, santicu Sentences custos santicos no los cretedas ca sunt totugantos satrapones Etymon itl. satrapone Translations French sournois English sly (person) Spanish socarrón, hipócrita Italian sornióne, ipòcrita German duckmäuserisch, Duckmäuser, heuchlerisch, Heuchler.

traixínu , agt, nm Definition chi o chie afartzat sa fide, chi traighet, benit mancu a sa fide chi s'àteru dhi at giau o dhi giaet, e no faet a si ndhe fidare Synonyms e antonyms alevosu, ifidau, traitore, trebiali Etymon srd. Translations French sournois, faux English treacherous Spanish de poco fiar Italian infido German treulos.

«« Search again