arànca , nf: arranca Definition singiale chi lassat in sa carre calecuna punta tostada passada arrasigandho a forte de bogare fintzes sàmbene Synonyms e antonyms arràncula, farranca, farrasca, frascada, iscarràfiu, iscràviu, ràfia 1, rafiada, scarrafiadura Sentences su pitzinnu istabat currillandhe finas a candho no nche lu ghirabat sa gana o sas arrancas de s'ispina de prunatza Etymon spn. arranque Translations French égratignure English scratch Spanish arañazo Italian graffiatura German Kratzer.

arraschiatúra , nf Definition su arraschiare; su singiale de s’arrasigadura Synonyms e antonyms arraschiata, arrasicadura, ratzigadura, scarràfiu Sentences sa créjia brusiata e su santu galu inie chene mancu un'arraschiatura Etymon srd. Translations French égratignure English scratch Spanish rascadura Italian scalfitura German Ritzer.

farràsca , nf, nm: farrascu, frasca, fràscia Definition passada de unga (o àtera cosa tostada) a forte, arrasigandho, de lassare su singiale longu in sa carre (o àteru), fintzes a segadura de bogare sàmbene; sa síngia etotu Synonyms e antonyms aranca, arràncula, branchiata, farranca, farràschiu, frascada, iscarràfiu, iscràviu, ràfia 1, rafiada Idioms csn: fàghere pagu frasca/pagas fràscias cun d-unu = no ndi bogai nudha, picai pro debbadas; leare a frascas = iscarrafiai; betare sa cara a frascas = iscarrafiai aici meda de lassai istrupiu Sentences si si che andhat dae domo za no mi ndh'apo a betare sa cara a frascas, za! ◊ si sunt totu gherrados: si ndhe ant betadu fintzas sa cara a frascas 2. trasseri za est, ma cun megus bi faghet pagu frasca! Etymon srd. Translations French égratignure English scratch Spanish arañazo (m), rasguño (m) Italian gràffio, graffiatura, scalfitura German Kratzen, Kratzer, Kratzspur.

intàca , nf, nm: intacu Definition síngia fata a incàsciu o marcada fintzes a tinta mescamente po singiale e cun critériu precisu (es. sas i. de s'istadea, de su metro, de su càlibbru); dannu a sa salude, a s'onore, vítziu puru Synonyms e antonyms tachedha / arragata, incrasta, incrava, intatzu, taca 2 / aciàchidu, màcia, taca 3 / peca Idioms csn: fàghere i. in carchi faina o chistione = fai meda, produsi un'efetu chi si bit, mannu de si biri; rispòndhere a s'intacu = a puntinu, bene meda Sentences in s'istadea donzi intaca est chimbanta grammas, pesendhe a sa fine, e mesa líbbera a sa russa ◊ cadramissat fatendhe in terra tres palmos de intacu ◊ manos de atzàgliu mi ant prenu sa carena de intacos 2. torramus in palas ca est proghendhe, chi oje ndhe picamus intacu mannu! ◊ no apo mai furadu e ne mi che cherzo pònnere cuss'intacu! 3. bi ndhe faghet de intaca, cussu, seghendhe una roca a martedhu!…◊ bi ndhe faghet de intaca una criadura in totu cussa cosa de fàghere!… Etymon srd. Translations French gravure, égratignure, entaille, cran English incision, notch, scratch Spanish incisión, muesca, tacha Italian incisióne, scalfitura, tacca German Einschnitt, Schramme, Kerbe.

iscarràfiu , nm: iscarrànfiu, iscarràviu, scarràfiu Definition sinnale chi abbarrat in sa pedhe (o àteru) po dhi àere passau ccn. cosa tostada arrasigandho a forte; iscritura mala a lígere, passada de pinna a improdhu Synonyms e antonyms afranchiada, aranca, arràncula, aungada, branchiata, farranca, farrasca, frascada, iscarfioladura, iscràviu, ràfia 1, rafiada / scarrafioni Sentences in cussa gruta bi at carchi iscarràfiu chi potet èssere peri unu disinnu ◊ sos pitzinnos zughent sas ancas totu iscarràvios e trincos Etymon srd. Translations French égratignure English scratch Spanish rasguño, arañazo Italian gràffio German Kratzer.

rafiadúra , nf Definition su rafiare, aungada Synonyms e antonyms frasca, frascada, iscarràfiu, iscràviu, ràfia 1, rafiada Etymon srd. Translations French action d'égratigner, égratignure English scratch Spanish arañazo, rasguño Italian graffiatura German Kratzer.

tràsinu , nm: tràxinu Definition su trasinare; fintzes sinnale, síngia chi si lassat tragandho cosa / a t. = trasinadràsina Synonyms e antonyms trísinu Sentences como no resesso a andhare mancu a tràsinu ◊ bi est su sinnale in su piúere de comente ant coladu cosa a tràxinu Translations French égratignure English creeping Spanish arrastre, rastro Italian strisciata German Kriechen, Spur.

«« Search again