Ditzionàriu in línia
de sa limba e de sa cultura sarda

apicorròbba , nm Synonyms e antonyms portamantedhu / cdh. apicàgnulu Etymon srd. Translations French portemanteau English clothes stand Spanish percha Italian attaccapanni German Kleiderhacken.

beltimènta , nf, nm: bestimenta, bestimentu, bistimenta, bistimentu, estimentu, vestimenta Definition orrobba sestada e cosia adata, a misura, a pònnere in dossu, bestires, totu su chi serbit a bestire a unu Synonyms e antonyms bestiàriu, bestignu, pignos Idioms csn: b. de muda = beste noa, bona, fine; bistimentu de dónnia dí = b. de pònnere a fitianu; b. de suta (o de fundhu), de subra, de fémina, de ómine; sa b. si podet sestare, ifretzire, proare, cosire, prantzare, samunare, iscosire, tapulare Sentences bistimentas e butinus si ndi agatat a fuliarura ◊ mi apo fatu una bestimenta a prou: m'istat bene una meraviza! ◊ ponidí su bestimentu prus bellu chi tenis, de sa camisa a is crapitas! ◊ custa bistimenta ti fait sa personi lègia: no ti dexit ◊ su bistimentu de is erricos s'ischerat ca tenent prus càmbios Etymon ltn. vestimenta Translations French habillement, vêtement English clothes, garment Spanish vestuario, ropa Italian vestiàrio, induménto, abbigliaménto German Kleidung, Kleidungsstücke (Pl.).

iscucuzàre , vrb: iscuguzare, iscuzicare Definition tròchere o trantzire s'ammontu o calesisiat cosa chi ndhe carràgiat un'àtera; fintzes iscobèrrere cosa chi no s'ischiat Synonyms e antonyms immantare, iscugudhai, isfianzare, ispannuliare, scavannai | ctr. ammantai, carragliare, iscumpannare Sentences no t'iscuguzes ca est faghindhe fritu ◊ su colore de sa pedhe pariat prus iscuru de su grogore de s'arbéschia chi iscuzicabat sas pedulias chi ammorgodhabant sa domo 2. in istiu amus iscuguzadu sa domo pro fàghere sa cabertura noa ◊ iscuguza sa padedha e bètache sos macarrones! 3. lu teniant unu mese in s'ispidale e chentza pòdere iscuguzare ite teniat Etymon srd. Translations French découvrir, se découvrir English to uncover, to throw off one's clothes Spanish destapar Italian scoprire, scoprirsi German abdecken, sich entblößen.

pannamènta , nf: panimenta Definition totu is trastos de orrobba téssia, mescamente is trastos de sa cojuada noa Synonyms e antonyms aciva, ammanitzu, asciugàriu Sentences bàtila a mustra, sa pannamenta! ◊ die manna chin die istaiat in su telarzu tessindhe pannamenta ◊ me is cadàscius dhoi tenit totu sa pannamenta de sa mulleri Scientific Terminology ts Etymon srd. Translations French toilerie, habillement English textiles, clothes Spanish vestuario Italian telerìe, vestiàrio German Wäsche, Kleider, Aussteuer.

pannía , nf Definition pannos, orrobba de pannu, orrobba mescamente in butega, fintzes solu bistimentu Synonyms e antonyms pannamenta, pannaria Sentences no so pisedha de giúghere a drotu, ne curridora de mala pannia! ◊ cussos istant in chirca de si bestire cun pannias raras ◊ sunt tessendhe sa pannia pro sa die de s'isposu Etymon srd. Translations French assortiment de tissus English clothes assortment Spanish surtido de telas Italian assortiménto di panni German Wäsche, Kleider.

pítiche 1 , nm: pítighe, pítziche, pítziga, pítzighe Definition istrinta chi si giaet cun duos pódhighes a sa carre (chi si est a forte dolet puru e po cussu si narat fintzes in su sensu de male, dannu); ferru addopiau in duos de pòdere aferrare tzitzones aconciandho su fogu; genia de pintza cun sa molla po poderare orrobba istérria / min. pitichedhu, pitighedhu / cosa posta a pitighedhu, a pitighedhedhu = in picedhu, apenas arréscia, posta in pitzus de calincuna cosa ma tropu a oru e in perígulu de ndi arrúiri Synonyms e antonyms pitibiti, piticada, pitiliche, pítzulu 1 / pitzighitu / pítziris Sentences bae, li tiras sas orígias e li das unu basu a pitighedhos ◊ cras sero ti apo a dare unu basu a pitichedhos ◊ si dispedeit dèndheli unu pítighe trofijadu in su cavanedhu ◊ sos pítighes de pitzinnia essint a betzesa ◊ liu damus nois, su pítziche, a su maghiarju ricu!… 2. donzi tantu achicaiat fogu a sa pipa cun su pitighedhu 3. si no lis pones pítighes, cussos trastes che los bolat su bentu Etymon srd. Translations French pincement, fichoir, pince English pinch, clothes peg, tongs Spanish pellizco, pinza Italian pizzicòtto, mollétta German Kniff, Feuerzange, Wäscheklammmer.

portamantédhu, portamantèlla , nm, nf Definition genia de trastu prantau o postu in su muru, a gàncios ue faet a dhue apicare bestimentu, o fintzes de àtera genia po apicare bestimentu in armàdiu Synonyms e antonyms apicorrobba Etymon itl. portamantello Translations French portemanteau English clothes hook Spanish perchero Italian attaccapanni German Kleiderhaken, Kleiderständer.

speturriài , vrb: ispetorrare*, spiturriai Definition bogare is petorras fora ibbutonandho su bestimentu, ispogiare is petorras, istare a petorras nuas Synonyms e antonyms sborciai Sentences si spitúrriat sa camisa e nci fait arrui a terra su chi iat cuau in piturras Translations French découvrir sa poitrine English to throw off one's breast clothes Spanish despechugarse, descubrir el pecho Italian scoprirsi il pètto German die Brust entblößen.

tortojàre , vrb Definition múrghere is trastos, s'orrobba samunandho Synonyms e antonyms atipriare, atriciare, intortijare Etymon itl. (at)tortigliare Translations French tordre, essorer English to squeeze, to wring clothes (out) Spanish torcer Italian sprèmere, strizzare i panni German auswringen.

tràmmudu , nm: tràmunu Definition bestimentu càmbiu, límpiu Synonyms e antonyms mudadura, mudóngiu, tramudu Sentences dàemi su tràmunu ca sa bestimenta chi zuto in dossu est bruta! ◊ Gantine est torradu de cuile pro si che leare su tràmmudu Etymon srd. Translations French vêtements propres, changer le linge English change of clothes Spanish ropa limpia para cambiarse Italian vestiti di ricàmbio German Kleider zum Wechseln.

tramúdu, tràmudu , nm: tramuru, tràmutu Definition bestimentu càmbiu, límpiu; fintzes cambiamentu de logu Synonyms e antonyms muda, mudadura, mudóngiu / tràmmudu / tramuda Sentences mi apo bestidu su tràmudu chi mi at ammanitzadu mamma Etymon srd. Translations French vêtements propres, changer le linge English change of clothes Spanish el mudarse de ropa Italian càmbio della biancherìa, dei vestiti German Wäsche zum Wechseln.