Ditzionàriu in línia
de sa limba e de sa cultura sarda

cocòcia , nf: cocota, cogòcia Definition su corgiolu modhe de sa nughe (ma fintzes de sa méndhula), su chi si tzacat, si ndhe istacat candho sa nughe lompet, e sicat: sa cogòcia est fintzes su corgiolu tostau de sa nughe e, segundu su logu, su capedhu de su landhe fatu coment'e una crobedha afacada, su chi narant puru cocotzu; a logos est sa conchedha de sa natura de su mascu Synonyms e antonyms còcora, cocotu* / conchedha 3, papu 1 Scientific Terminology rbr Translations French brou English walnut husk Spanish raspa, zurrón, ruezno Italian mallo della nóce German grüner Schale.

cogliòla , nf Definition su corgiolu modhe de sa nughe, su primu de fora chi si tzacat e istacat candho sa nughe est lómpia Synonyms e antonyms cocòcia, còcora Scientific Terminology rbr Translations French brou English walnut husk Spanish zurrón, raspa, ruezno Italian mallo della nóce German grüne Schale.

cugudhàu , nm Definition su cuguzadu, sa camisa o càscia de su trigu ancora in s'ispiga Synonyms e antonyms cuguzone, erenzu, iscuguza, scefa, scefabi Sentences su trigu fait sa palla de cugudhau ◊ sa paza est fata in fine, ma ancora su cugudhau est meda: moliae! ◊ su trigu si prugat po nd'iscerai su cugudhau chi est abarrau Scientific Terminology rbr Etymon srd. Translations French balle du blé English husk Spanish cascabillo Italian lòppa, pula del grano German Spreu.

cuguzòne , nm Definition su cuguzadu, sa camisa o càscia de su trigu ancora in s'ispiga Synonyms e antonyms cugudhau, erenzu, scefa, scefabi Scientific Terminology rbr Etymon ltn. cuculione(m) Translations French balle du blé English husk Spanish cascabillo Italian lòppa del grano German Spreu.

irragàre , vrb Definition bogare sas ragas, is cratzones de orroda de su costumu de s'ómine; bogare sa castàngia de su scriscioni (o primu corgiolu) Synonyms e antonyms irraghilare, isbragare, isbragugliare / ischissonare, iscocotare, iscucudhare 2. sa castanza s'irragat in campu ◊ sa castanza s'irragat e ndh'essit desesi candho est bene lómpida Etymon srd. Translations French enlever la bogue English to husk Spanish sacar las castañas del erizo Italian diricciare German schälen.

ischiàre , vrb: ischivare 1 Definition segare po ndhe bogare su papu (chiu) is frutos chi portant corgiolu grussu (es. nughe, méndhula), isceberare e bogare a parte su chiu Synonyms e antonyms iscocorare, spapai Sentences si aiat ischivatu unu botedhu de nutzola chin sas dentes ◊ in piatza no si acatat una preta mancu pro ischivare una ménnula! Etymon srd. Translations French écaler English to husk Spanish descascarar Italian smallare German schälen.

ischissonàre , vrb: iscrissonare, scriscionai Definition bogare sa raga (ischissone) a sa castàngia, bogare sa castàngia de su corgiolu ispinosu Synonyms e antonyms irragare, iscocotare, iscucudhare Sentences mi pogno a iscrissonare castagna a manos límpias! ◊ est ischissonanno e bodhinno castagna Etymon srd. Translations French enlever la bogue English to husk Spanish quitar el erizo de las castañas, escabuchar Italian diricciare German Eßkastanien schälen.

ischissòne , nm: iscriscione, iscrissone, isgrissone, scriscioni Definition sa primu corgiolu de sa castàngia, a fora, totu ispina; genia de animale cun sa pedhe totu ispina a dónnia bandha, tundhu tundhu candho si allòmborat timendho Synonyms e antonyms acrissone, arone, cocotu, cuscusone 2, erghisone, griscione, gurgudhu, ispunzola 1, raga / aritu, arrescioni Sentences su bentu ndhe iscudet s'ischissone ◊ una die ti apo bidu castagnendhe: cun manu lestra collias s'iscrissone ◊ s'ischissone ocanno est calannonne chena èssere lómpia sa castagna 2. in conca pro ti rèndhere atraente giughes un'ischissone apena abbertu!… Scientific Terminology rbr; anra, erinaceus aeuropeus var. italicus Translations French bogue English chesnut husk Spanish erizo Italian rìccio della castagna, rìccio German Kastanienigel, Igel.

istergàre , vrb Definition bogare o istacare sa terga a s'ispiga de su moriscu Synonyms e antonyms isbuatare, scrocitari Sentences su moriscu si assóliat unu pagu chentza istergadu, ma pro assoliare menzus tocat a l'istergare e irranare Etymon srd. Translations French ôter les bractées des épis du maïs English to husk Spanish despinochar Italian spannocchiare German entlieschen.

ràga , nf Definition su corgiolu ispinosu de sa castàngia e fintzes sa cogòcia de su landhe; a logos est sa fògia de sa canna (fintzes de su trigu), po cantu imbodhigat su cambu Synonyms e antonyms arone, cugudha, gurgudhu, ischissone, ispunzola 1 / aterga Surnames and Proverbs smb: Raga, Ragas Scientific Terminology rbr Translations French bogue English chesnut husk Spanish erizo Italian rìccio German Kastanienigel, Fruchtbecher, Cupula.

scrocitàri , vrb Definition isfogiare a s'ispiga de su moriscu, bogare sa terga Synonyms e antonyms isbuatare, istergare Sentences si scrocitat su trigumoriscu Translations French ôter les épis du maïs English to husk Spanish despinochar Italian spannocchiare German schälen.

tipidíu , nm, nf: tipitia, tipitiu Definition pruinedhu chi si faet mescamente manigiandho laore; pruinedhu fine fine chi si faet asuta de is letos, in su cugigone de is busciacas, fintzes ispuntadura de pilu, de lana e cosighedhas deasi Synonyms e antonyms boladia, pilibili, pulina / erenzu, ghilipiu, ghitipiu, pibitza, pilipiu, tilipio, tipidedhu, tipidipi Sentences est nudha su tipidiu chi dhui fiat asuta de su letu!… Translations French balle, duvet tonture English husk, down, polling Spanish cascabillo, pelusa, tundidura Italian lòppa, pula, lanùgine, cimatura German Spreu, Flaum, Schurwolle.