Ditzionàriu in línia
de sa limba e de sa cultura sarda

addiciài , vrb Definition pònnere su díciu, s'annomíngiu, s'ingiúliu Synonyms e antonyms annomingiai, aparalumenare, aproegliare, imparanigiai, allomingiai, azistrare 2. cussus funt addiciaus "grutajus" Etymon srd. Translations French surnommer English to nickname Spanish apodar Italian soprannominare German einen Spitznamen geben.

allomingiài , vrb: allominzare, allumenare, allumingiai, allumingiare, lumingiai Definition pònnere impróveru a ccn., annomíngiu, ingiúliu, àteru númene a befa Synonyms e antonyms addiciai, annomingiai*, aparalumenare, aproegliare, imparanigiai, istevinzare Sentences dh'iant allumingiau "Peis de gatu"◊ totus is massaos teniant is boes allumenaos Translations French affubler d'un sobriquet English to nickname Spanish apodar Italian dare un nomìgnolo German jdm einen Spitznamen anhängen.

allomíngiu , nm: allumíngiu, lomíngiu Definition ingiúliu, àteru númene chi si ponet a unu, prus che àteru a befa Synonyms e antonyms addíciu, annomíngiu*, aproégliu, improperju, impróveru, istevíngiu, paranòmini Sentences no dhu nant aici, ma dèu dhi pongu s'allomíngiu po mi arragodai mellus! Translations French sobriquet English nickname Spanish apodo Italian soprannóme German Spitzname.

annomingiài , vrb: annumingiai Definition pònnere s’ingiúliu, s'annomíngiu, a unu; nàrrere s’ingiúliu a unu, tzerriandhodhu cun custu númene de befa Synonyms e antonyms addiciai, allomingiai, aparalumenare, aproegliare, azistrare, imparanigiai, istinzare Sentences ca si poniat su bistiri de ortigu dh'ant annomingiada Ortighita ◊ eus annomingiau sa genti candu eus bófiu istragagliai a chelegunu ◊ a unu in bidha dh'iant annomingiau Conchemallu Etymon srd. Translations French surnommer English to nickname Spanish apodar Italian soprannominare German einen Spitznamen geben.

annomíngiu , nm: annoníngiu, annumíngiu, nomíngiu Definition àteru númene chi si ponet a unu prus che àteru po dhu pigare a befa po calecunu piessignu o naturale, abbitúdine, o po unu difetu / genias de annomíngius: Buzacardentu, Culusciagu, Cagatzirríchius, Conchemallu, Fatomasellu, Giagaragubas, Ipasimadu, Ispantamíseros, Isperraluminu, Mortimbriaga, Papasucu, Palivichidu, Puntedhu, Segadrobojos, Trampasusole, Trubbasuentu Synonyms e antonyms allomíngiu, aproégliu, atàciu 1, impróveru, ingiúgliu, istevíngiu, panígiu, paradíciu, paranòmini Sentences a una de is duas sorris po annomíngiu dha narant "Funduniedhu" e a sa sorri "Temporada" Etymon srd. Translations French surnom English nickname Spanish apodo Italian epíteto, nomìgnolo German Schimpfname, Spitzname.

aparalumenàre , vrb: aparanumenare, paralumenare Definition pònnere, giare o nàrrere s'ingiúliu a unu Synonyms e antonyms addiciai, allomingiai, annomingiai, aproegliare, azistrare, imparanigiai Sentences aparalumenare est s'istràviu sou e donzunu in bidha tenit un'improverzu Etymon srd. Translations French surnommer English to nickname Spanish apodar Italian soprannominare German einen Spitznamen geben.

aproegliàre , vrb: aproerzare, aprogherzare, aprovelzare, aproverzare Definition pònnere o nàrrere unu númene a ingiúliu a calecunu Synonyms e antonyms addiciai, allomingiai, annomingiai, aparalumenare, azistrare, imparanigiai, ingiuliare Sentences a unu tiu Bore l'aiat aproverzadu "Su ritardatàriu" ◊ sos voedhos los aproegliaimus pro los distínghere ◊ a su sínnicu l'ant aproegliatu "Aschiolu" ◊ ti at a àere aprogherzau babbu tuo?! (M.Ladu) Etymon srd. Translations French surnommer English to nickname Spanish apodar Italian soprannominare German einen Spitznamen geben.

aproégliu , nm: aproerju, proégliu* Definition àteru númene, númene chi si ponet a befa Synonyms e antonyms allomíngiu, annomíngiu, imparanígiu, impróveru, paradíciu, paranòmini, zistru Translations French surnom, dérision English nickname, derision Spanish apodo Italian soprannóme, diléggio German Spitzname, Spott.

impropérju , nm: improvelzu, improverzu Definition ingiúliu, àteru númene o númene istrupiau chi si ponet a unu, prus che àteru a befa Synonyms e antonyms allomíngiu, annomíngiu, aproégliu, impróveru, paradíciu, paranòmini, zistru Sentences a niunu fit permissu de istare in sa bidha chena un’improverzu: unu paralúmene benacontzu sighiat pro tota vida un’eréntzia Etymon itl. rimproverio Translations French sobriquet English nickname Spanish apodo Italian soprannóme, nomìgnolo German Spitzname.

impróveru , nm Definition ingiúliu, foedhu chi narant coment’e unu númene a unu, e a su postu de su númene suo, po erríere, po dhu pigare a befa po cosa chi at fatu o piessignu chi dhu distinghet Synonyms e antonyms allomíngiu, annomíngiu, aproégliu, improperju, istevíngiu, paradíciu, paranòmini, zistru Sentences bi l'at betadu a impróveru ◊ a minore li naraiant goi e goi, e gai bi che l'ant pesadu, a impróveru! ◊ no lu crames gai ca cussu est s'impróveru! ◊ a impróveru a unu li narant Trubbasuentu, a un'àteru Trampasusole Translations French sobriquet English nickname Spanish apodo, mote Italian nomìgnolo German Spitzname.

ingiúgliu , nm: ingiúliu, inzúgliu, ingiúrgiu Definition àteru númene chi si ponet a unu prus che àteru po dhu pigare a befa po calecuna cosa (su naturale, unu difetu, sa genia de sa carena e àteru); totu su chi si narat a innóriu de ccn., po dhi fàere arrennegu o tzacu Synonyms e antonyms addíciu, allomíngiu, annomíngiu, aproégliu, imparanígiu, impróveru, istevíngiu, zistru Sentences in nugoresu narant "zistru": in bidha namus peri "ingiúrgiu" ◊ teneus modas, frastimos, ingiúlios e àteras paràulas ◊ sa gente dh'iat postu cussu númene a ingiúliu 2. ponent frores de amore, de lutu, de ingiúliu Translations French sobriquet English nickname Spanish apodo Italian nomìgnolo German Spitzname.

nomíngiu , nm: annomíngiu*, nominzu, numíngiu Definition àteru númene chi si ponet a ccn. prus che àteru po dhu pigare a befa, ingiúliu, po calecuna cosa (su naturale, unu difetu, sa genia de sa carena o àteru); si narat fintzes cun su significau de provérbiu, díciu Synonyms e antonyms allomíngiu, aproégliu, impróveru, istevíngiu, paranòmini / díciu Sentences a nomíngiu dhu nant "Peracuirde"◊ dèu no timemu stróciu ma cumentzànt a mi tzerriai su nomíngiu ◊ de sangunau teniat "Sarritzu" ma is avedalis suus dh'iant picigau su nomíngiu de "Famigosu" ◊ su tali de nomíngiu fait "Cagatzirríchius", poita ca timit s'umbra sua etotu 2. comente narat su nominzu, chie no podet messare ispigat ◊ su nominzu narat: Chie no at menzus chin sa muzere si corcat! Translations French surnom, sobriquet English nickname Spanish apodo Italian soprannóme German Spitzname.

paranòmini, paranúmene, paranúmini , nm Definition àteru númene, prus che àteru postu a befa, ingiúliu Synonyms e antonyms addíciu, annomíngiu, aproégliu, atàciu 1, imparanígiu, impróveru, istevíngiu Sentences all'apat chie ti at pesadu: finas inoghe ndhe ant ischidu ite mi narant a paranúmene! Etymon ltn. *paranomen Translations French sobriquet English nickname Spanish apodo Italian soprannóme German Spitzname.

proégliu , nm: aproégliu, proerju, proerzu, proezu, provégliu, proverzu Definition àteru númene, ingiúliu chi si ponet a befa a ccn.; si narat fintzes po díciu, provérbiu / lumenare a unu a p. = nomenai a unu nendi s'annomíngiu Synonyms e antonyms allomíngiu, annomíngiu, imparanígiu, improperju, impróveru, paradíciu, paranòmini, zistru Sentences a númene mi naro Padre Luca, a provégliu mi narant Padre Solle ◊ cussa peràula a fortza de bi la mutire che li fit abbarrada a proerzu ◊ custu proégliu ti rughet a sestu! 2. narat su proerju: Innantis su dovere e apustis su piaghere Etymon srd. Translations French sobriquet English nickname Spanish apodo Italian soprannóme German Spitzname.

zístru , nm: gistris Definition àteru númene chi si ponet a unu prus che àteru po dhu pigare a befa po calecuna cosa (su naturale, unu difetu, sa genia de sa carena), o fintzes solu po dhu distínghere de àtere Synonyms e antonyms allomíngiu, annomíngiu, aproégliu, imparanígiu, improperju, impróveru, paradíciu, paranòmini Sentences a zistru lu mutiant Buzacardentu ◊ lu mutimus a zistru pro no bos abberguare de chie semus nendhe ◊ a zistru li narabant Zacanedhu prommore ca fit istau in ziminàriu Translations French sobriquet English nickname Spanish apodo Italian nomígnolo German Spitzname.