Ditzionàriu in línia
de sa limba e de sa cultura sarda

arrembucài , vrb: arremucai, arremurcai, arremurcare, errembucare, ramucai* Definition pigare a tira, a tragu Synonyms e antonyms remulciare, remusciare Sentences no fiat sa barca arremuchendu su pisci, ma unu pisci mannu arremuchendu sa barca! Translations French remorquer English to tow Spanish arrastrar, remolcar Italian rimorchiare German schleppen.

carrapài , vrb Definition andhare o pigare a trisinadura, coment'e pigandho a tragu in terra, andhare a su pàusa pàusa, abbellu abbellu, a su firma firma, fintzes a su tzàntziga tzàntziga, coment'e chie no si dha faet a camminare Sentences andat totu carrapa carrapa… est cumenti a una cubidina: chi arruit s'isciàsciat! ◊ carrapendu in s'amuinu de s'ispàssiu s'intendint is passus de sa sciampita ◊ su fadiori dhi alletiàt is cambas finas a si dhas fai carrapai in su pomentu (F.Carlini) Translations French traîner, clopiner English to trail Spanish arrastrar Italian strascicare German schleifen.

istrascinài , vrb: istraxinare, istrasinai, istrasinare, strascinai Definition pigare, portare, tirare a tragu, andhare illascinandho Synonyms e antonyms atrasinai, istrasigare, istrisignare, strisingiai, trajinare, trazare, trisinare 2. istràsinat sa vida che tilingrone in sa rena ◊ su crastu istràsinat in su lutu ◊ andhat a s’istrasina istrasina che colora Translations French ramper, traîner English to drag (along) Spanish arrastrar Italian strisciare, trascinare, strascinare German kriechen, schleifen.

istrisignàre , vrb: istrisinare, striscinai Definition pigare cosa trísina trísina chentza dh'artzare de terra, andhare a su friga friga in terra, fintzes illascinare; pònnere crocaos istérrios in terra / istrisignare is dentes = arrodare dentes, tzacarrai is dentis Synonyms e antonyms atrasinai, istrascinai, istrisinzare, traginare, trazare, trijinare / allescinai / isterrigorzare Sentences lèalu in pesu cussu traste, no l'istrísines in terra ca l'imbrutas! Translations French traîner English to drag Spanish arrastrar Italian trascinare German schleppen.

striscinài, strisiài, strisinài , vrb: istrisignare* Definition pigare o andhare a tragu, a su friga friga, a su trísina trísina Synonyms e antonyms atrasinai, istrascinai, traginare, trazare, trijinare Translations French traîner English to drag Spanish arrastrar Italian strisciare, strascinare German kriechen, schleppen.

sucúrrere , vrb: assuncurri, suncúrrere, suncurri, suncúrriri Definition su passare o mòvere una cosa in s'àtera a illascinadura: prus che àteru si narat de unu lobu unu pagu lascu in sa fune o àteras cosas deasi / pps. sucurtu 1, suncurtu 1 Synonyms e antonyms alliscinai Sentences custa funi no suncurrit ◊ dhu portat acapiau a crobu de suncurri ◊ dh'iant fatu passai unu nuu de suncúrriri in su tzugu 2. si ghetat una tassa de vinu e che la sucurret totu a una tirada Translations French glisser English to glide, to shuffle Spanish deslizarse, arrastrar Italian scórrere, strisciare German gleiten, kriechen.

tragài , vrb: tragare Definition pigare a tragu, a tira / fai su traga traga (giogu) = andhare illascinadho cicios Synonyms e antonyms batire, carrare, tranguai, trazare, trogonai Idioms csn: tragare a crastu, a pedra = iscúdere a crastu; tragare fogu = tzacare, pònnere o apuntai fogu; tragai is cambas caminendi = caminare a pelea Sentences sa note che tragat su die ◊ no ti fatzas tragai: movidí! ◊ is carrus tragànt linnàmini e craboni de carriai in su trenu ◊ mi lassamu tragai de sa curiosidadi ◊ is piciocas iant tragau giarra a cofas ◊ su tiau nci dh'at tragau a s'inferru ◊ chi dhoi andat su babbu ndi dha tragat peri a tira! ◊ cudhos iscrapones fuint diasi mannos chi no dhos podiat tragare ◊ su binzarzu dh'ant presu cun sagones e tragau a bidha tira tira ◊ si ch'est andhau de domo tragandhosi unu matzucu a ifatu Etymon ltn. *trahicare Translations French tirer, traîner English to pull, to tow, to drag Spanish arrastrar Italian tirare, trainare, trascinare German ziehen, schleppen.

traginàre , vrb: trasinai, trasinare, traxinare Definition pigare a tràinu, a tragu, a tira in terra / andhare o leare tràsina tràsina = a tràinu, illascinandho in terra Synonyms e antonyms atrasinai, istrascinai, istrisignare, trazare Sentences girant trasinendi ancora prus in bàsciu cunvintus de tocai su soli…◊ l'ant leadu a segus, parent trasinàndhelu a presone! ◊ su riu ndhe fit essidu trasinendhesiche cantu agataiat ◊ sos bentos ti che tiant trasinare in sos desertos de sa luna! (A.M.Secchi)◊ a su malevadadu che l'ant traxinadu peri sos ruos ◊ sos boes traxinaiant duos cantones pesosos in mesu de su trigu ◊ unu tempus sa mariposa fit ruca e andhabat trasinendhe ◊ su bentu ch'est traginendhe pabiros e foza Translations French traîner English to drag Spanish arrastrar Italian trascinare, strisciare German schleifen.

trazàre , vrb Definition andhare, pigare o portare a tragu, illascinandho in terra, a trebballu coment'e candho si pigat e trantzit cosa grae: nau de s'abba candho proet a meda, portare sa terra a bàsciu / andhare o leare traza traza = a tragu, alliscinendi in terra Synonyms e antonyms atrasinai, istrascinai, istrisignare, traginare, tragai, tranguai, trasigare, trisinare, trogonai Sentences onzunu in sa vida trazat pesantes cadenas ◊ de donos tuos no sias avaru a sos chi patint e sunt in azios, a sos chi trazant sa vida che rughe (P.Casu)◊ comente at próidu, e ca sa terra fit arada, s'abba at totu trazadu Translations French traîner, tirer English to drag, to haul Spanish arrastrar Italian trascinare, trainare German schleppen, nachschleppen.

trijinàre , vrb: trisinai, trisinare 1, trixinare Definition pigare o andhare a tragu, andhare a su friga friga; tratagasare casu; in cobertantza, cobèrrere / trísina trísina = a su friga friga, a trazu, trazendhe Synonyms e antonyms atrasinai, istrascinai, istrisignare, traginare, trazare, trogonai / codhai Sentences caminendhe àrtzia sos pes, no istes trisinendhe sas iscarpas! ◊ sunt che canes chi si cherent trisinare ◊ rispondheit annuzadu trisinendhe sas dentes ◊ su topi afracat su paperi e dhu trísinat a unu stampu ◊ sos boes in s'arzola passant subra de sas mannas trisinendhe una pedra ◊ essiat a denote trisinandho una pedhe in terra Etymon itl. tracinare Translations French traîner, ramper, raser English to shuffle Spanish arrastrar Italian trascinare, strisciare German schleppen.