Ditzionàriu in línia
de sa limba e de sa cultura sarda

abbenzàre , vrb: aenzare, enzare Definition pigare a disprétziu, coment'e naendho, de unu, chi tenet abbenzu, difetu Synonyms e antonyms ilbantare, ilzenzare, menispresiare Sentences tue abbenzas a totu in dogni contu sentza ischire sustènnere s'argumentu Etymon srd. Translations French mépriser English to despise, to disdain Spanish despreciar, menospreciar Italian disprezzare German verachten.

ilzenzàre, ilzunzàre , vrb: ingengiai, inzelzare, inzenzare, inzunzare, inzuzare, irgengiae, irgrenzare, irzenzare, iszenzare Definition pigare a disprétziu, nàrrere male de ccn. o de calecuna cosa o fàere cunsideros po ndhe menguare su valore o s’importu Synonyms e antonyms abbenzare, ingiugliare, isvenzare / aciociai, afrentai, desdorai, disprejare, ilbantare, irghenzare, menispresiare | ctr. abantai, aprentziare Sentences est babbu tou su chi mi at ilzunzadu ◊ mancari istracos de tzapare e un'acantu bufados, la leant a cantare ilzenzèndhesi paribari ◊ de s'operadu de sa vida passada no l'inzunzemus mancu po cumprou! ◊ cussu at irgrenzadu a tie ◊ ti ant inzenzadu a fizos tuos! Surnames and Proverbs prb: su molenti ingengiau est bell'e comporau Etymon itl.t ingiuliare Translations French mépriser, déprécier, se moquer (de) English to despise, to scorn at Spanish despreciar, menospreciar, depreciar Italian disprezzare, deprezzare, schernire German verachten, abwerten, verspotten.

ispresciàre , vrb: isprexare, spretziai Definition pigare a disprétziu, nàrrere o pònnere male de ccn. Synonyms e antonyms disprejare, ilbantare, ilzenzare, innorare, menispresiare Sentences at ispresciadu su frade ◊ ispero chi abbarrent de isprexare sa chi istimo ◊ chie si siat chi isprésciet sos cumandhos tuos at a èssere picadu e mortu! Translations French mépriser English to disdain Spanish despreciar Italian disprezzare German verachten.

ispucíre , vrb: isputzire Definition pigare a disprétziu, coment'e cosa lègia, mala, de fuliare, coment'e candho de una cosa si narat Puci! grisandhodha e, po cussu, pònnere o lassare a una parte, arrefudare Synonyms e antonyms abborrèschere, ilbantare, ilzenzare, irdinzare, ispresciare, isputzare, isvenzare, menispresiare, putzinai / aorare, assolae | ctr. piàchere, stimai Sentences fit gai fea chi finas unu buvone l'aiat ispucida ◊ sa zente sardignola isputzit su faedhu de sos ajajos e leat bona iscola de lorodhos anzenos e ammajos (P.Casu)◊ su frutu de sa cariasa no l'isputzit neunu ◊ ispucit sa cosa chena mancu l'assazare Etymon srd. Translations French éprouver du dégoût, vilipender, abominer English to loathe, to vilify Spanish aborrecer, despreciar Italian schifare, vilipèndere, abominare German verachten, verabscheuen.

isputzàre , vrb: isputziare Definition pigare a disprétziu, coment'e cosa lègia, mala, de fuliare, coment'e candho de una cosa si narat Puci! grisandhodha: dhu narant fintzes in su sensu de istesiare (coment'e candho si fúliat ccn. cosa chi si grisat) Synonyms e antonyms ilbantare, ilzenzare, ispresciare, ispucire, isvenzare, menispresiare Sentences macari isputzatu dae totu, in su tzilleri si sediat "a tavolino" e si ordinaiat carchi ispetzialinu 2. ispútzia dae inoche, ca m'imbrutas! Etymon srd. Translations French éprouver du dégoût, dédaigner English to scorn Spanish despreciar Italian spregiare, schifare German verachten.

menispresiàre , vrb: menospretziai, menuspretziai, mindispretziai, minisprejare, minispressiare, minispretzare, minispretziare, minuspressiai, minuspretziare Definition crèdere o cunsiderare una cosa o a unu de pagu prétziu, de pagu contu, pentzare o foedhare male de unu Synonyms e antonyms abbituperare, aciociai, afrentai, desdorai, disprejare, ilbantare, ilzenzare, irdinzare, ispresciare, ispucire, isvenzare | ctr. abantai, arrespetai, calculai Sentences tui minuspréssias sa gherra chei s'òpera peus de sa Terra (G.Moi)◊ pariat chi eo minisprejavo sos mortos ◊ a boltas bantamus cosas chi sunt piús pagu útiles de àteras chi minispretzamus ◊ una carroga, spallerendusí cun is atras, dhas menospretziàt ca fiant is prus lègias (M.Figus) Etymon spn. Translations French mépriser (qqn.), dédaigner (qqch.) English to despise Spanish menospreciar, despreciar Italian disprezzare, spregiare German verachten.