Ditzionàriu in línia
de sa limba e de sa cultura sarda

iscamédhu , nm Definition tretu inue, mescamente in camminos o àteros logos de passare, su logu càmbiat a s'ingrundha faendho a iscalina (in calada o pesada): si narat fintzes de logu malu, de dificurtade Synonyms e antonyms iscaledhu, iscalone 1, ispéntimu, ispérruma, scabiossu Sentences arranzendhe caminos che bogant sos iscamedhos pro colare menzus ◊ s'achetu de ratza sarda pighendhe in iscamedhos de su monte puntat sas orijas (A.Spano)◊ si caminas a s'iscuru, mira pro calchi iscamedhu! 2. bi ndhe at de iscamedhos in sa vida!… Etymon srd. Translations French escarpement English steep fall Spanish escarpa, escarpadura Italian scoscendiménto, gradino nel sentièro, nella strada German Absturz, Bergrutsch.

iscràpa , nf: scarpa Definition tretu in calada meda, logu in costa, mescamente in oros de camminu, de istrada o de ferrovias comente ant apertu iscavandho po passare in logu de monte (o fintzes comente si est formau cun su tempus) Synonyms e antonyms palone, riartzu, tele, tèrema, trèmene, trempa Sentences chi no mi creis, pregonta a custas perdas, a custas matas, a dónnia mòri, a s'ebra de is iscrapas Scientific Terminology slg. Translations French escarpement English escarpment Spanish escarpadura, escarpa Italian scarpata German Böschung.

palòne , nm Definition logu in calada meda, chi faet a pala, a costa, ma no tanti mannu coment'e tretu Synonyms e antonyms iscrapa, tele, tèrema Sentences sa piatza, a manu de subra de s'istrada, unu tempus fit a palone e como bi ant fatu su murallone Scientific Terminology slg Etymon srd. Translations French talus, escarpement English scarp Spanish escarpa Italian scarpata German Böschung.

ratèsa , nf Definition su èssere in calada meda, nau de su logu Synonyms e antonyms pendhéntzia Etymon srd. Translations French raideur English steepness Spanish escarpa Italian ripidézza German Steilheit.

riàrtzu , nm Definition genia de trèmere, mescamente in oros de istradas o de ferrovias comente ant apertu e abbasciau o arreprenu faendho su logu po passare in paris Synonyms e antonyms tèrema, trèmena, trempa Sentences sos riartzos de sa línia ferroviària Translations French talus English rise, slope Spanish escarpa Italian rïalto, scarpata German Böschung.

trèglia , nf Definition logu malu, trotu meda Synonyms e antonyms iscafada, ischerbicadorju, iscolladorju, scabiossu Scientific Terminology slg Translations French lieu escarpé English steep place Spanish pendiente, escarpa Italian luògo scoscéso German Absturz.