Ditzionàriu in línia
de sa limba e de sa cultura sarda

iscamédhu , nm Definizione tretu inue, mescamente in camminos o àteros logos de passare, su logu càmbiat a s'ingrundha faendho a iscalina (in calada o pesada): si narat fintzes de logu malu, de dificurtade Sinonimi e contrari iscaledhu, iscalone 1, ispéntimu, ispérruma, scabiossu Frasi arranzendhe caminos che bogant sos iscamedhos pro colare menzus ◊ s'achetu de ratza sarda pighendhe in iscamedhos de su monte puntat sas orijas (A.Spano)◊ si caminas a s'iscuru, mira pro calchi iscamedhu! 2. bi ndhe at de iscamedhos in sa vida!… Etimo srd. Traduzioni Francese escarpement Inglese steep fall Spagnolo escarpa, escarpadura Italiano scoscendiménto, gradino nel sentièro, nella strada Tedesco Absturz, Bergrutsch.

iscràpa , nf: scarpa Definizione tretu in calada meda, logu in costa, mescamente in oros de camminu, de istrada o de ferrovias comente ant apertu iscavandho po passare in logu de monte (o fintzes comente si est formau cun su tempus) Sinonimi e contrari palone, riartzu, tele, tèrema, trèmene, trempa Frasi chi no mi creis, pregonta a custas perdas, a custas matas, a dónnia mòri, a s'ebra de is iscrapas Terminologia scientifica slg. Traduzioni Francese escarpement Inglese escarpment Spagnolo escarpadura, escarpa Italiano scarpata Tedesco Böschung.

palòne , nm Definizione logu in calada meda, chi faet a pala, a costa, ma no tanti mannu coment'e tretu Sinonimi e contrari iscrapa, tele, tèrema Frasi sa piatza, a manu de subra de s'istrada, unu tempus fit a palone e como bi ant fatu su murallone Terminologia scientifica slg Etimo srd. Traduzioni Francese talus, escarpement Inglese scarp Spagnolo escarpa Italiano scarpata Tedesco Böschung.

ratèsa , nf Definizione su èssere in calada meda, nau de su logu Sinonimi e contrari pendhéntzia Etimo srd. Traduzioni Francese raideur Inglese steepness Spagnolo escarpa Italiano ripidézza Tedesco Steilheit.

riàrtzu , nm Definizione genia de trèmere, mescamente in oros de istradas o de ferrovias comente ant apertu e abbasciau o arreprenu faendho su logu po passare in paris Sinonimi e contrari tèrema, trèmena, trempa Frasi sos riartzos de sa línia ferroviària Traduzioni Francese talus Inglese rise, slope Spagnolo escarpa Italiano rïalto, scarpata Tedesco Böschung.

trèglia , nf Definizione logu malu, trotu meda Sinonimi e contrari iscafada, ischerbicadorju, iscolladorju, scabiossu Terminologia scientifica slg Traduzioni Francese lieu escarpé Inglese steep place Spagnolo pendiente, escarpa Italiano luògo scoscéso Tedesco Absturz.