Ditzionàriu in línia
de sa limba e de sa cultura sarda

carúmene 1 , nm Definition ischivoria de boe, ladamíngiu de pegus de bulu, candho est frisca Synonyms e antonyms merdaula, merdóina Translations French fumier du bœuf English ox manure Spanish fimo, estiércol del buey Italian fimo del bue German Kot.

istèrca , nf, nm: istercu, istergu, stercu Definition su chi abbarrat in istentinas de totu su chi si papat po ndhe dhu fàere andhandho de su corpus; a logos dhu narant a sa bentre o fintzes solu a s'istògomo Synonyms e antonyms cascasina, ladàmene, melda Idioms csn: èssere de i. malu, de mala i. (nadu de zente) = tirriosu, malintrannadu, odiosu, matzabbruta, de naturale malu; isterchibúdidu = odiosu, tirriosu, chi petzi istat pessendhe a fàghere male Sentences unu tempus golliant s’istercu de sas béstias pro alletamanare sos ortos ◊ su carrabbusu bivet in mesus de s'istercu ◊ li at rutu supra istercu de rúndhine 2. pienu as s'istergu? 3. cussa est zente de malu istercu, ndhe at ódiu si àtere mezorat in carchi cosa Etymon ltn. stercus Translations French excrément English dung Spanish estiércol Italian stèrco German Kot.

ladàmene , nm: ladàmini, ladammi, laràmini, ledàmene, ledàmine, letàmene, lodami, lodàmini Definition css. cosa de genia orgànica bona po ingrassare sa terra, mescamente su chi ndhe faent is animales candho brutant / ledàmine fatu = cotu, irfatu, irfarinadu sicu, in sa mota giusta po dhu betare a sa terra Synonyms e antonyms istilchinzu, ladamignu, rassa, suale, talàmini / cdh. litàmini Sentences in s'atunzu betaiant su ledàmine in su terrinu ◊ dèu mi assutzu su ladàmini e ghetu cosa a is procus! ◊ su ledàmine friscu no est fatu ◊ su dinai!… custu no fiat dinai… lah no si furrit a ladàmini e no ndi pighit fragu Coixedha!◊ su ledàmini si portat a su sartu, si lassat a coi e apustis s'ispainat Etymon ltn. laetamen Translations French fumier English manure Spanish estiércol Italian letame German Mist.