Ditzionàriu in línia
de sa limba e de sa cultura sarda

aligàe , vrb: aligai, aligare, argare Definition istèrrere s'àliga, su ladamíngiu; imbrutare, fàere su logu a muntonàrgiu; fintzes pònnere sa cria, nau de bobbois chi ponent is oos in is freaduras Synonyms e antonyms alladamenae, contzimare, ladamingiare, stercorai / imbratare Sentences at argau s'ortu, sa binza 2. est unu doveri de no aligai e avelenai sa Terra, ca nci biveus Etymon srd. Translations French fumer English to manure Spanish abonar Italian concimare German düngen.

balvàtu , nm: alvatu, barbatu, barvatu, brabatu Definition una prima aradura, prus che àteru in terra annigrina, a manera chi, candho si prenet, sa terra siat prus fàcile a dha trebballare Synonyms e antonyms abbalvatadura, varvatonzu / cdh. balbatu Sentences che massaju, chi rútiu e lanzu barvatu at bortuladu a die intreu, de su sole bramaiat s'ocasu Scientific Terminology mssr. Etymon ltn. vervactum Translations French verdage English green manure Spanish abono en verde Italian sovèscio German Gründüngung.

carúmene 1 , nm Definition ischivoria de boe, ladamíngiu de pegus de bulu, candho est frisca Synonyms e antonyms merdaula, merdóina Translations French fumier du bœuf English ox manure Spanish fimo, estiércol del buey Italian fimo del bue German Kot.

contzimàre , vrb Definition betare o pònnere su concime a sa cosa prantada o semenada Synonyms e antonyms aligare, alladamenae, ladamingiare, stercorai Translations French fumer, engraisser English to manure Spanish abonar Italian concimare German düngen.

ladàmene , nm: ladàmini, ladammi, laràmini, ledàmene, ledàmine, letàmene, lodami, lodàmini Definition css. cosa de genia orgànica bona po ingrassare sa terra, mescamente su chi ndhe faent is animales candho brutant / ledàmine fatu = cotu, irfatu, irfarinadu sicu, in sa mota giusta po dhu betare a sa terra Synonyms e antonyms istilchinzu, ladamignu, rassa, suale, talàmini / cdh. litàmini Sentences in s'atunzu betaiant su ledàmine in su terrinu ◊ dèu mi assutzu su ladàmini e ghetu cosa a is procus! ◊ su ledàmine friscu no est fatu ◊ su dinai!… custu no fiat dinai… lah no si furrit a ladàmini e no ndi pighit fragu Coixedha!◊ su ledàmini si portat a su sartu, si lassat a coi e apustis s'ispainat Etymon ltn. laetamen Translations French fumier English manure Spanish estiércol Italian letame German Mist.