Ditzionàriu in línia
de sa limba e de sa cultura sarda

apurài 1, apuràre , vrb Definition ifadare e fàere male a puntu de pèrdere sa passiéntzia, fàere arrennegare a meda Synonyms e antonyms apurire, ifadare Sentences no mi apures sa passiéntzia! ◊ malaritu siast, dimóniu, ca mi apuras is sentirus! ◊ finidemila de istare briga briga, ca mi sezis apurandhe sa passéntzia! Etymon ctl., spn. apurar Translations French exacerber English to exacerbate Spanish exasperar Italian esacerbare, vessare German erbittern, quälen.

apuríre, apuríri , vrb Definition fàere pèrdere sa passiéntzia a fortza de giare istrobbu, ocasione o fàere male e dannos o cosas chi no si podent padire Synonyms e antonyms apurai 1, ifadare, infinitziae, infestare Sentences como mi che ant apuridu e si mi colant in ungras mi ndhe pago! ◊ candho mi che at apuridu li apo dadu duas isculivitas, a su pitzinnu Translations French harceler English to bother extremely Spanish exasperar Italian molestare oltremòdo, vessare, esasperare German quälen, reizen.

ingrazàre , vrb Definition peorare su dolore, su dispraxere Synonyms e antonyms agghegiare, incalèschere, incancheriare, incrudèschere, intriscare Sentences ingrazare una ferida, una fruschedha Translations French exacerber English to embitter, to sharpen a pain Spanish exasperar Italian inasprire German verschärfen.

intriscàre , vrb Definition giare aggheju, intriscu, atzitzare, su si pònnere a brigare cun ccn. Synonyms e antonyms agghegiare, atiare, atriscare, inasprèssiri, incidai, inciulai, insissiligai, intrischire, mincidiare, purruntzare, suberiare, tinghitare Sentences no los sigas a intriscare: no los vides chi parent duos venturzos?! ◊ cun donzunu s'intriscat, cussu! ◊ si l'intriscades contras a calicunu li ponet deretu cantone! Etymon itl. intrescare Translations French exacerber, provoquer English to exacerbate, to provoke Spanish exasperar, provocar Italian inasprire, provocare German verschärfen, reizen.