Abbreviations Legenda | Symbols Legend

allúta , nf Definition su allúere (de su fogu, de una lughe o àteru, fintzes de su pentzamentu); dificurtade manna, su si agatare in apretu o arriscu malu Synonyms e antonyms acispada, aframata, alluchetada, allumada, tenta / apretu, arriscu Sentences s'alluta chi at fatu su fogu, za at coitadu a budhire, s'abba! ◊ in tzertos momentos si at coment'e un’alluta de atuamentu (N.Falconi) 2. si ndhe aiat bidu, de allutas, in sa vida sua: a candho at bidu bochindhe zente, a candho s'est agatadu in gherra, a candho che lu fit trazendhe su riu! ◊ si ndhe at bidu, de allutas, Pontetzu: pessa chi l'apo connotu deo a che li colare s'abba fintzas subra! Etymon srd. Translations French flambée English serious danger, burst of flame Spanish llamarada, peligro Italian fiammata, grave perìcolo German Flamme, große Gefahr.

búra , nf Definition s'ària budhia chi dhu'est aintru de su forru allutu; sa buca de su forru (su mesu arcu fatu a matones), su forru etotu Synonyms e antonyms afrachesa, cardana, fache 1 / forru Sentences in su furru bi at tropu bura 2. bubbullancas, tzoedhos, tzurumbones si únfiant che pane intro de sa bura Etymon srd. Translations French flamme English blaze Spanish llama, llamarada Italian vampa German Lohe.

cadharída, cadharíga , nf Definition cosa chi si pesat in artu e coment'e a brínchidu (fogu, abba) Synonyms e antonyms fiamarida, fracarida, pampada Idioms csn: cadharidas de risu = risu a meda; pesàresi a cadharidas (nau de ccn.)= tzerriai cun arrennegu Sentences su chi no distruent sos bentos lu distruent sas cadharigas de su fogu ◊ si bidiant sas cadharidas e medas no si sunt acurtziados timindhe de che abbarrare brujados Etymon srd. Translations French saut démesuré, flot, flambée English excessive jump Spanish llamarada, chorro Italian salto sperticato, flutto, fiammata vorticósa German hochaufgeschossener Sprung, Woge, Stichflamme.

fiamarída , nf: fiammarida, framarida, frammarida Definition fogu tenendho a meda chi faet unu sonu a tzacurradas mescamente candho abbruxat matedu friscu, cun fràmula arta meda; in calecunu logu frammarida dhu narant a su panarighe Synonyms e antonyms cadharida, fracarida, pampada / panarighe Sentences framaridas de fogu mi essint dae pes! ◊ sas framaridas si ndhe intendhiant a bidha, de cantu fit andhendhe su fogu in logu de malesa ◊ bidiaimus sas framaridas a dedie dae tesu: conta tue ca ndhe fit brusiendhe de bene de cosa, cussu fogu!… Etymon ctl. flamarida Translations French flambée, jet de flammes English burst of flame Spanish llamarada Italian fiammata, vampata German Aufflammen.

framiàda , nf Definition pampada de fogu tenendho, fràmula Synonyms e antonyms aframmarjada, cadharida, fiamarida, gliamada, iframiada, pampada Sentences sas framiadas de sa bomba ant brusiadu bidhas e tzitades Translations French flambée English burst of flame Spanish llamarada Italian fiammata German Aufflammen.

pàmpa , nf Definition fogu tenendho, sa fràmmula chi faet su fogu allutu; in cobertantza, genia de sentidu forte chi si provat / iscapai p. = tènnere (nau de su fogu) Synonyms e antonyms fiaca 1, fiamarida, fiamma, fiara, gliama, vampa Sentences truncus e àstuas boghint pampas de fogu biu! ◊ unu chi est intregau a is tiaus bogat de buca pampas de fogu ◊ a candu s’est inténdiu unu frúsiu de bentu e una pampixedha de fogu ndi est calada asuba de ognunu ◊ cussus cambus funt tenendi a pampa manna ◊ comente bient sas pampas de su fogu fuiu, ndhe iscossant duas naes e current po azuare sos massajos a dh'istudare 2. in coro cun s'issoro finivini bi at pampas dolorosas (A.Serra) Etymon itl. Translations French flamme, ardeur English flush Spanish llamarada Italian vampa German Lohe, Glut, Hitze.

pampàda , nf: pampara Definition fogu tenendho meda, abbruxandho a fràmmula manna, fintzes lughe chi si alluet a bisura de lampu Synonyms e antonyms aframata, aframmarjada, fiamarida, frachetada, iframiada, lamada 1, lametada, pampasada / lampada Sentences allueus una pampadedha de fogu 2. seu in s'abetu de una pampara de prexeri ◊ is fuedhus dhi essiant de buca che pampadas de fogu 3. a sa pampada de is lampus, Anselmu iat connotu unas cantus giòvunas de bidha (I.Lecca) Etymon srd. Translations French hautes flammes English blaze Spanish llamarada Italian vampata German Aufflammen.

«« Search again