Abbreviations Legenda | Symbols Legend

abbródhiu , nm Definition ammurrionadura, su s'intristare primmaos po calecuna ofesa o cosa chi no est pràchia Synonyms e antonyms annógiu, atrafudhu, bischiza, bústica, corcone, istrugnu, labbrione, pussàgiu | ctr. cuntentesa Sentences li fit bénniu un'abbródhiu chi fit gai gai a si pònnere a prànghere Etymon srd. Translations French bouderie English sulky expression Spanish morro, hocico Italian bróncio German Schmollmiene.

aufàre , vrb Definition istare a ufas!, nau de chie dhi giaet ifadu dónnia cosa Synonyms e antonyms abbrodhiare, abbrufulai, abbudhai, acasidhare, aconchedhare, acubare, amprudhiare, annicare, annozare, atrafudhai, pirmare, strugnai Etymon srd. Translations French bouder, se fâcher English to sulk, to be vexed Spanish enfadarse, torcer el morro Italian imbroncire, corrucciarsi German schmollen, sich ärgern.

brúncu , nm: bruncus Definition sa parte de sa cara in s'oru de sa buca Synonyms e antonyms fruncu, murrighile, murru, mutzichile, nuncu, runcu 1 Idioms csn: pònnere b. a sa broca, a s'ampulla, a sa tzuca = bufai a bruncu, bufare in o dae s'isterzu; frunziri o tròciri su b. = fai is bruncus trotus, fàghere de murru pro cosa chi no piaghet; pònniri su bruncu in terra = rúere a buca a terra, o, in suspu, bídere su dortu solu a dannu fatu Sentences arrancu de muscedra, balla: incàpada dhi betaus bruncu! ◊ unu dh'agherrat a su nasu, s'atru dh'istringit a bruncus 2. s'impiegau at cumentzau a fai bruncus trotus candu at biu totu cussa cambarada de genti aspetendidhu ◊ si frunzis su bruncu bolit nai ca no ti praxit su chi nau Scientific Terminology crn Etymon ltn. brunchus Translations French museau English mug Spanish hocico, morro Italian muso German Schnauze, Maul.

bústica , nf Definition su dispraxere, s'arrennegu chi naschit de una pigada in giru Synonyms e antonyms abbródhiu, annógiu, bischiza, corcone, istrugnu, pussàgiu / afuta, aragoni, arrenigna, arrennegu, búzara, cardedha, grema, mútria, studugu Etymon itl.p büstica Translations French bouderie English sulky expression Spanish ceño, morro Italian bróncio German Schmollmiene.

múrru , nm Definition su tretu de sa conca in s'oru de sa buca, is lavras (naendho de gente si narat prus su pl.); parte de calecuna cosa chi essit meda a sa parte de ananti (fintzes tretu de unu logu a ispuntone)/ min. murrigedhu Synonyms e antonyms bruncu, fruncu, murrighile, mutzichile, nuncu, runcu 1 / làbara Idioms csn: su m. de su porcu, is murrus, sos murros de una pessone, su m. de una màchina, de unu càmiu; murrus isperraus de su frius = laras trapadas; frunziri is murrus = afíere sas laras coment'e atuturèndhelas; murrus de coradhu o de ceréxia = laras rujas; èssere a m. bocau, chin su m., cun su m. che súrbile = èssere primmadu, ammurrionadu, fai murrus grussus; lassare a unu a murros assutos = papaisí totu, pigaindi sa parti sua puru; colare in murros ccn. cosa a unu = darendheli, fagherebbila assazare; fai murrus trotus = fai buchiadas trotas; àere malu m. cun ccn. = èssiri a iscórriu, in disacórdiu; fàghere m. malu a unu = donaidhi a biri de no èssiri prexaus, de no ndi tènniri prexeri, de no dhu bòlliri, nàrriri cosa coment'e po certu; pistare sos murros a unu = pigai a bussinadas; serrare o segare sas naes a murru = a mutzu, pudare s'àrbure dae rughes, a isconcadura, lassendhe petzi su truncu Sentences si ti ségudo pipendhe ti frigo su fogu in murros! ◊ fróbbidi sos murros, murri brutu! ◊ sas berbeghes tzacant su murru a sa pica a bufare ◊ po pigai sa cumunioni at postu sa língua unu pagu avantzada asuba de is murrus 2. Malunedhu Curustu, sendhe chi est ricu e sanu, est semper chin su murru ◊ lassa su murru: alligra, innorobbona! ◊ faiat is murrus pariat unu margiani tentu a lassu! ◊ li ant fatu murru malu e no bi est torradu ◊ sa pisedha at bidu su malu murru in domo de sa sogra e si est posta abbandha ◊ tra issos bi at malu murru ◊ si est allogadu ca in famíllia bi aiat malu murru 3. de cussu muntone de milliardos mancu in murros nos ndhe colant a nois! Surnames and Proverbs smb: Murru Scientific Terminology crn Etymon ltn. murru Translations French museau, figure, gueule English mug Spanish morro Italian muso, grugno German Maul, Schnauze.

mutzichíle , nm: mutzighile Definition parte de sa cara, su tretu de is lavras; dhu narant fintzes de totu sa cara in su sensu de bisura, po su chi unu paret castiandhodhu a cara / serrare sa zanna in mutzighiles a unu = lassai foras de mala manera, no lassai intrai mancus si unu est giai intrendi Synonyms e antonyms bruncu, fruncu, murrighile, murru, nuncu, runcu 1, struvedhu / cdh. mucichili, ttrs. mutzighiri / chígia Sentences a carres nudas intrada ses in chéjia, facimanna, ch'in mutzighile sa gianna ti fit chérfida serrada! ◊ "Fróbbidi su mutzighile!" l'imponzo a boghes totora 2. no li at fatu mutzighile bonu, no! ◊ malu mutzighile giughiat mama tua, arrennegada cun tegus! Surnames and Proverbs smb: Mutzighile Scientific Terminology crn Etymon crsn. muccichile Translations French groin, moue (broncio) English snout Spanish jeta, morro, hocico Italian grugno German Rüssel, Schnauze.

«« Search again