Abbreviations Legenda | Symbols Legend

carèna , nf: cherena Definition totu su corpus de sa persona o fintzes de un'animale; si narat fintzes de is ossos solu, a sa parte chi aguantat totu, de una cosa, e, segundhu su frutu, a su tenaghe chi mantenet su frutu (mescamente de is gurdones de s'àghina); de una nave, sa parte chi abbarrat a modhe in s'abba Synonyms e antonyms pelsone / carenale, carenalzu, coscovatzu, dossu / tanache Idioms csn: pònnere o fàghere c. = crèsciri; èssere de mala cherena = in cara mala; sa carena de sos bruncos = itl. àlbero bronchiale Sentences li at essidu in totu sa carena magras rujas che bràsia ◊ sento in sa carena su pesu de sos annos ◊ est un'ómine mannu de carena ◊ cuss'ómine zughet sa carena a unchinu ◊ nachi fia sana, deo puru… nointamas apo sa carena che una màrture 2. in binza petzi bi est abbarrada sa carena, de sos budrones: sos puzones si che ant collidu totu! ◊ su binu essit prus bonu si de su mústiu incubonadu si ndhe chírriat sa carena a fora 3. oe ses de mala cherena 4. Sardigna, si ti miro mi das pena: si ti miro e ite ses? una carena! Surnames and Proverbs smb: Carena Scientific Terminology rbr Etymon ctl. carena Translations French corps English body, physique Spanish cuerpo, complexión Italian còrpo, corporatura, raspo, struttura German Körper.

cocoròne, cocoròni , nm Definition cosa a còcoro, css. cosa tundha, allomborada, lea de terra; essidura o ufradura de pistadura in sa carre; genia de petonadura de is pilos de sa fémina a bisura de tedile / c. de ní, de casu friscu, de cera = botza de nie, de casu, de chera Synonyms e antonyms burone, gurone / bàldile, léura / cocoroi 1, tzulumbone / ciónciu, cucajone, cucale, cuchedha, mogno, picioce Etymon srd. Translations French boule English any round body, ball globe Spanish bola Italian còrpo rotóndo, palla, glòbo German Ball, Kugel.

cólpus , nm: corpus, cropus Definition organísimu animale, mescamente sa carena de su cristianu; genia de organísimu formau de medas funtzionàrios, impiegaos, autoridades chi punnant a unu matessi impreu o iscopu (es. finantza, pulitzia)/ su corpus umanu est formau de tres partes principales: sa conca, su bustu o truncu e is arremos Synonyms e antonyms carena Idioms csn: a corpus presente = cun su mortu in dainanti (nadu de àteru: cun sa cosa imbia, chentza bisonzu e a istrobbu); betare a c. = papai, ingúrtiri; andhare de su c. = fàghere de bisonzu; èssere isserradu de su c. = tupadu, chi no podet fàghere de bisonzu; èssiri a c. gentili = bestidu in mànigas de camisa; fàghere c. bonu (nau de cosas de papai) = fai bèni, fai istai bèni; Su Corpus de Cristos = sa festa de su Corpus Domini Sentences fit una fémina istrízile, bene fata de colpus ◊ li ant fatu sa missa a corpus presente ◊ a Deus incumandho colpus, coro e ànima mia ◊ seu dèu su pani biu e chini papat de su corpus miu no at a morri prus ◊ custu binu mi piaghet: faghet corpus bonu! 2. cropus de in ca fíasta nàscia! ◊ apu nau a fuedhai a sa moda de is cristianus, corpus de chi s'at fatu cun língua e cun totu! ◊ anchi daboris a brenti dhi pighit, corpus de chi dh'at dipéndiu! Etymon ltn. corpus Translations French corps English body Spanish cuerpo Italian còrpo German Körper.

dóssu , nm Definition totu su corpus, ma mescamente sa parte de sa carena foras is cambas e bratzos / min. dossighedhu Synonyms e antonyms carena, dossili / corporzale Sentences mi dolet totu su dossu ◊ m'intendho su fritu in dossu ◊ cossos e bunnedhas de furesi nos faghiant su dossu a faighedhas ◊ sos pinzos pariat chi che li fint naschios in dossu ◊ e chie bondhe tostat dai sos pecados chi azis in su dossu?! ◊ cussu càntigu nos poniat sa tudha in dossu 2. cudhu zòvanu fit chena camisa, a dossu nudu, betèndhesi abba a cara Etymon itl. dorso Translations French torse English physique, trunk Spanish complexión, tronco Italian corporatura, trónco del còrpo umano German Körperbau, Rumpf.

mélmu , nm: membra, memmu, mermu, mesmu Definition una css. parte de sa carena chi serbit a un'iscopu (es. manu, origa, ogu, figau e àteru); su pl. (fintzes mèrmoros), totu sa carena, fintzes bista po su chi paret, po comente est fata de bisura, ma mescamente su tretu de conca apitzu de su nasu (fintzes membras), e a logos is memórias, su tretu apitzu de is origas; fintzes parte de un'aparíciu pentzau coment'e fatu de partes diferentes (a/c.: nau coment'e agt. de ccn., chi at créschiu pagu, chi at fatu pagu isvilupu, chi est malesanu)/ mermos de su faedhonzu = totu is partes, de is cordas vocales a is lavras e a su nasu, chi serbint a fàere is sonos de una limba Synonyms e antonyms arremu 1, brembu Sentences li sunt giómpidas sas aes e no l'ant lassadu melmu intreu ◊ como at solu ispinas in cada mermu de sa carena ◊ zughet pistu onzi mermu ◊ si t'iscràbigo su bàculu ti chimento onzi mermu! ◊ su carignu dh'at allutau totu su corpus cun is mermus suus 2. su tabbacu de nasu aperit is membras 3. chi no abarrais sidhius segais calincunu mermu a sa televisioni! Etymon ltn. membrum Translations French membre English limbs Spanish miembro Italian mèmbro, òrgano del còrpo, arto German Glied, Glieder (Pl.).

tríncu , nm arresorzada, frincu, ischingiada, secada, sinnolu, trínchisi / tzulumbone Definition segada a lepedha, gurtedhu, trintzete, o àteru, fintzes pistadura ufrada de cropu a conca, giúmburu Sentences portàt unu trincu ca su babbu dh'iat donau una surra a pompa ◊ custu mangallu de piciochedhu si at fatu unu trincu in conca ◊ Bachisedhu est rutu in terra, chin d-unu trincu in conca Etymon ctl. trenc Translations French coup de rasoir English razor slash, wound Spanish navajada, herida, golpe Italian rasoiata, ferita da tàglio o da còrpo contundènte, tràuma German Schnittwunde.

tzallàda , nf Definition segada in calesiògiat parte de su corpus umanu o animale Synonyms e antonyms frincu, secada Etymon srd. Translations French coupure English cut Spanish corte Italian tàglio nel còrpo German Schnitt.

«« Search again