Ditzionàriu in línia
de sa limba e de sa cultura sarda

chíbu , nm: chiu, chivu, ciu 3, criu 1, giu Definition sa parte de mesu, su meudhu de is linnas; su sèmene de frutos chi portant s'ossu (o fintzes chentza ossu), ispartziu in duos perrales (chiu = ctr. corza); parte de sa farra, su chi abbarrat bogau su pódhine, su chivarzu e s'iscete: est grussitu, bonu meda, si faet a frégula (sucu) e si ndhe ammesturat a s'iscete po fàere a pane; fintzes cosa sólida bista coment'e contràriu de cosa lícuida (chiu ≠ brodu: manigare cosa a brou a chiu = cosa a granu cota in su brodu)/ chiu de méndhula, de nughe, de péssighe, de pruna e àteru Synonyms e antonyms papu 1, pisu, sèmene / símbua / cdh. chia Sentences méndhula a duos chios ◊ su chivu est ingranindhe ◊ custu est cudhu chivu de néspula chi aias prantatu ◊ no contat sa corja: contat su chivu! 2. su chiu de sa farina lu faghimus a sucu 3. si che at manigadu totu: brou e chiu Surnames and Proverbs smb: Chiu Scientific Terminology rbr Etymon ltn. cibus Translations French cotylédon, cerneau English cotyledon, kernel Spanish duramen, sémola Italian cotilèdone, gherìglio, sémola German Keimblatt, Nußkern, Kleie.

chilinzòne , nm: ghilingioni* Definition pódhini mannu: de sa farra, pruschetotu de su trigu, sa parte prus grussa, de fora, de su granu Synonyms e antonyms bilinzone, elinzone, frúfere, gràngia, linzone, mussu, podhi, russarza, talau / cdh. brinnu Translations French son, mouture English bran Spanish salvado Italian crusca German Kleie.

irgranzàre , vrb: isgrangiare, isgranzare, sgrangiai Definition seberare, bogare su pódhine grussu de sa farra cun su sedatzu largu: est sa primu manu de sa sedatzadura / sedatu de i. = fatu de pilu largu pro sa sedatadura de sa prima manu Synonyms e antonyms grangiai, ingrangiai, irghilinzonare Sentences cun su sedatu russu si leaiat sa farina a l'isgranzare Etymon srd. Translations French séparer le son du froment English to pull bran apart Spanish cerner Italian separare la crusca German die Kleie trennen.

talàu, tàlau , nm: telau Definition de sa farra, pruschetotu de su trigu, sa parte prus grussa, sa parte de fora de su granu Synonyms e antonyms bilinzone, chilinzone, elinzone, frúfere, gràngia, linzone, mussu, podhi, russarza / cdh. brinnu Sentences farina de tiàulu, narat su díciu, si boltat in telau ◊ pro s'àinu teniat provistas de telau ◊ su telau s'impitaiat pro addescu de pudhas e mannales ◊ su pudhu fit abbetuau a su telau impastau Etymon srdn. Translations French son, mouture English bran Spanish salvado Italian crusca German Kleie.