Ditzionàriu in línia
de sa limba e de sa cultura sarda

annícu , nm Definition su èssere tristos, pirmaos, oféndhios Synonyms e antonyms annéulu, triltura | ctr. allegria, cuntentesa, prégiu Sentences s'annicu mannu chi l'intreit ora pr'ora li fateit ismentigare su rispetu ◊ sighis cun annicu chentz'alligu de sa preneta, chentza perunu aficu ◊ agiummai ti si paret s'annicu, pischendhe chena piscare nudha Etymon srd. Translations French tristesse, mauvaise humeur English sadness, bad mood Spanish tristeza, mal humor Italian tristézza, malumóre German Traurigkeit, schlechte Laune.

antèna , nf: intena Definition genia de umore, de mota segundhu de su mamentu, de comente unu si agatat Synonyms e antonyms ispéssia 1, mota Sentences est in antena giusta ◊ no dhu circhis: oi tenit antena mala! ◊ labadha, o prangendu o arriendu: gei tenis un'antena!… Translations French humeur English mood Spanish disposición, humor Italian disposizióne d'ànimo, umóre German Gemütsverfassung, Laune.

bischílliu , nm Synonyms e antonyms arrennegu, tzacu Sentences su cuadhu at cumentzau a pigai bischílliu e a su meri ndi dh’at isciusciau a terra! Etymon itl.p bischiss Translations French caprice English caprice Spanish capricho Italian bizza German Grille, Laune.

bonumòre , nm Definition mota, ispétzia bona, candho unu est alligru Synonyms e antonyms ganaona Sentences oe est de bonumore e cheret brullare ◊ est unu de bonumore, sempre cun su risu in laras Translations French bonne humeur English good humour Spanish buen humor Italian buonumóre German gute Laune.

cadhína , nf Definition idea maca, musca Synonyms e antonyms bidhídhiri, erredha, fumacera, iscrapitzada, zibbírriu Sentences a cussu li cheret catzada sa cadhina! Translations French caprice, fantaisie English whim Spanish capricho Italian caprìccio German Laune.

cascabédhu, cascabéllu , nm: cascavèglia, cascavégliu, cascavellu Definition idea badhinosa, pistighíngiu, pentzamentu malu; nau de unu, chi dh'ant orróschiu o chi at orróschiu; a logos, genia de sonàgia pitichedhedha / ghetare cascavégliu a unu = ficare ódiu, tírria, menospretziai Synonyms e antonyms bidhídhiri, bigirria, erredha, férnia, fumacera, irriolu, iscrapitzada, meleda, zibbírriu / ischiglitu Idioms csn: bogai (o bogaisindi) is cascavellus de conca = fàghere lassare (o lassare) sas ideas macas, sos machines; lassai su cascavellu, o is cascavellus; ghetai cascavellu a ccn. = leare a regelu Sentences e no nci dh'essit su cascavégliu de conca! ◊ podides irmazinare su cascavellu chi mi at postu candho mi at allegadu de "sos àteros astros"! (A.Deplano)◊ issu at ghetau cascavellu a is barracellus e a is canis ◊ bogai su mediori e is cascavèglias! Etymon ctl. cascavell Translations French fantaisie, idée fixe English fancy, oddness Spanish capricho, antojo Italian caprìccio, bizzarrìa, idèa fissa German Laune, fixe Idee.

férnia , nf: frénia, frénnida, vérnia Definition idea istrambeca, idea chi benit a conca totinduna, muta mala; fintzes coidu, presse; a logos fintzes arrebbentu de prantu mescamente de pipiu / èssere in frénia = furighedhosu, franedigosu Synonyms e antonyms acucada, bidhídhiri, brénnia, meleda / mota, spétzia / franédiga, furighedha Sentences li est bénnida sa frénnida de che catzare cudhu ◊ li est bénnida sa frénnida e andhadu est a féminas ◊ oi si dhi est móvia sa férnia e si est postu a trabballai (E.Nieddu)◊ candu dhi movit a férnia cussu nci fúliat totu puru!◊ lassa sa frénia e tene passéntzia! Etymon itl. vernia Translations French inspiration English inspiration Spanish inspiración, prisa Italian ispirazióne, èstro German Inspiration, Eingebung, Erleuchterung, Einfall, Laune.

ganaòna , nf Definition gana bona, su istare bene, su èssere alligros, de bona ispétzia Synonyms e antonyms bonumore, cuntentesa, prégiu | ctr. tristura Etymon srd. Translations French bonne humeur English good humour Spanish buen humor Italian buonumóre German gute Laune, Heiterkeit.

ingúlimu , nm: ingúlumu Definition abbitúdine o ingustu a cosas bonas o comodidades cunsideradas coment'e tropu, pagu necessàrias, de pagu importu; manera de fàere de chie bolet solu cosas bonas; fintzes bentranu, chi bolet tropu / zúghere ingúlumos; ingúlumu de bisionare = ?; fàghere una cosa a s'i. = a s'ingustu (nadu cun afuta própiu ca no si tenet s'abbitúdine de carchi cosa) Synonyms e antonyms físsiu / bentrania, inguglionia, ingurtionia Sentences su dinari est s'ingúlimu de totu: onzi cosa si manizat a fúria de dinari! ◊ assiat ingúlumos chi ti ant postu!…◊ sa fortza de s'ingúlumu est meda Etymon srd. Translations French mauvaise habitude, caprice English bad habit, fancy Spanish mala costumbre, capricho Italian cattiva abitùdine, caprìccio German üble Gewohnheiten, Laune.

ispéssia 1 , nf: ispétzia 1, spécia Definition umore o temperamentu de s'ànimu segundu de su momentu, de comente si agatat, unu Synonyms e antonyms antena, mota Idioms csn: èssere de mala i. = in muta mala, chi no est tantu allegru, chi no at gana; èssere de mal'ispétzia (de naturale) = de mala uta, de mala manera, de malu grabbu; tènnere, no tènnere ispétzia = àere, no àere gana (fintzas de carchi cosa, disizu); ne fúrriat s'ispétzia = ndhe fúrriat su grusàriu, ndi passat totu sa gana Sentences candho no bido sa preséntzia tua mai ispéssia bona tenzo ◊ est tristu e chene prus ispétzia de nudha ◊ donzunu tenet s'ispétzia ◊ si li curret ispétzia bona, za l’ischit a fàghere sa cosa! ◊ no apo ispétzia de mi ndhe pesare Translations French humeur English mood Spanish humor Italian umóre German Laune.

linghízu , nm Definition manera de fàere po indrúchere s'àteru a calecuna cosa; manera de fàere contivigiosa meda, coment'e bolendho fàere sa cosa a linghidura; fintzes una zenia de gustu, de praghere o soddisfatzione a fàere calecuna cosa o una prova dificurtosa o de pagu giudu, bastat de dhue arrennèscere o de si giare a bíere Synonyms e antonyms apraniamentu, lintura / pibinca 2. ant illitzidu s'incunza cun linghizu (G.A.Mura) 3. su maistru de pannu est acuntentandhe modas e linghizos Etymon srd. Translations French caprice, envie English whim Spanish carantoña, antojo Italian sfìzio German Laune.

mòta , nf: muda 1, muta Definition una de is maneras de istare de ànimu, candho alligros candho tristos, candho de bona gana e candho de mala gana, candho deosi candho deasi (ma fintzes cunditzione po su chi si tenet de cosa); parte de unu tempus, istagione o tempus adatu po ccn. cosa (es. po ifèrrere); parte de una cantidade prus manna; produtu chi benit in tempos diferentes (es. de una prima o de una segundha froridura) Synonyms e antonyms antena, ispéssia 1 / pasia, tzoca Idioms csn: èssere in m. mala, bona = primmau, sentz'e ganas, allirgu, inganatzidu; èssere in muta de… = tènniri ganas de…; pònnere in bona muta = fàghere allegrare, a ríere, divertire; a mudas, a mutas, a muta a muta = a borta a borta, unus cantu una borta, unus cantu un'àtera, a bortas s'unu a bortas s'àteru; èssere a mutas (nadu de comente unu istat de ànimu) = a bortas allegru a bortas nono; fàghere una cosa a mutas = a pasias, in tempos o bortas diferentes; sa muta za est de!... = tanti gei fait a!…, no fait própiu! (ca s'àteru no ndhe cheret mancu s'intesa, ca no andhat bene própiu, ca si arrennegat deretu e gai) Sentences fatat bundhare vidas de dogni ispéssia e figura pro muntènnere a tie in bona muta (S.Casu)◊ no mi ponzas, cantendhe, in muta mala! ◊ sa zente est allegra, in bona muta ◊ oe su pitzinnu est de muta mala: pro donzi cosa pranghet! ◊ una lughe si atzendhet chi mi ponet in muta de piantu ◊ oi mi incontras a sa mota de sufriri is befas tuas! (L.Matta)◊ s'aera est in muta de abba e de fritu 2. una muta faghent de ispias, un'àtera faghent de ambesues ◊ si bi andhas, bae un'ateruna muta! ◊ sa filla est a mota de cojai ◊ s'olia est in sa mellus mota de papai, su binu in sa mota de biri ◊ custa cosa est a sa mota zusta de ne dh'odhire ◊ una die ses, sèbera sèbera: si che passat sa muta, chircas e no ndh'agatas! 3. sa robba anzat a mutas: una sumana bi ndhe anzat vinti o trinta, un'àtera bi ndhe anzat àteras, e gai ◊ una muta de tzente fit tzucata a sa vinnenna ◊ a duos a duos si dant sa muda: treutos e giuos unu los lassat, s'àteru los leat ◊ bi at frutuàriu chi coghet a mutas 4. medas bortas sa terra l'at piena e si no fis partida a terra anzena ndhe aizis tentu àtera muta ◊ sa figu niedha faghet duas mutas: una tra làmpadas e tríulas, s'àtera in austu e cabidanni ◊ in sas mutas chi su trigu teniat bisonzu de azudu totu azuaiant 5. sa muta za est de ti nàrrere cosa: ti arrennegas deretu! ◊ sa muta za est de pònnere cussu traste a fàghere faina: no agguantat! Translations French humeur, roulement English mood, turn Spanish humor, disposición de ánimo, turno Italian umóre, disposizióne d'ànimo, turno German Laune, Zeit.

spécia , nf: (spé-ci-a) ispéssia* 1 spéssia, spétzia 1 Definition umore o temperamentu de s'ànimu segundu de su mamentu, de comente si agatat, unu; fintzes gana, volontade de fàere / cun bona spétzia = de bonumore Synonyms e antonyms antena, gana, mota Sentences est una poriga de dis groga e a spétzia lègia ◊ sempri brullanu, issu, sempri de bona spéssia! ◊ si dhi faint furriai sa spétzia, cussu s'inchietat, lah! ◊ arrít sempri, est sempri de bona spétzia ◊ ma it'est, de mala spétzia, oi?! 2. s'àtera noti femu arrósciu de mi girai: pagu spétzia tenemu de dormiri! ◊ chi seu de spétzia, mi ponit trint'ous fritus, mancu su fumu bit! ◊ mi benit custa spécia lègia candu seu istrantaxa… mi depu crocai! ◊ passada ti est sa spétzia maba? Translations French humeur, envie English mood Spanish humor, gana Italian umóre, vòglia German Laune, Lust.

zibbírriu , nm Definition genia de idea maca, de disígiu, de gana pagu de giudu Synonyms e antonyms bríbbidhi, bidhídhiri, birbillitzu, cadhina, erredha, foliatza, tzelevriada Sentences irgusoladu fatu dai cudhos, est custrintu a pònnere mente a sos zibbírrios issoro Translations French caprice English caprice Spanish antojo, capricho Italian ruzzo, caprìccio German Laune.