Ditzionàriu in línia
de sa limba e de sa cultura sarda

arrócu , nm Synonyms e antonyms abbrúnciu, atzupu, barrancu, imbrúnchinu, imbrunchioni, intúvida, trambucada Etymon srd. Translations French trébuchement English obstacle Spanish tropiezo Italian inciampo German Stolpern.

atzupàda , nf: atzupata Definition su atzupare, su atumbare a calecunu logu, su si firmare in su chistionu Synonyms e antonyms atàbbida, atapada, atopu 1, atumbada, atzapulada, imbrúnchinu, imbrunchioni, trambucada Sentences est andhendhe dae un'atzupada a s'àtera, candho unu male candho un'àteru ◊ a piús de s'atzupada chi sa mesina li at dadu, s'incontrat istrapatzadu de unu tristu ainalzu Surnames and Proverbs prb: dogni atzupada a su pódhighe malu!… Etymon srd. Translations French obstacle English obstacle Spanish tropezón Italian inciampo, inciampata German Stolpern.

atzupàre , vrb Definition atumbare a calecuna cosa, andhandho, su si firmare foedhandho Synonyms e antonyms abbruncai, imbronconai, intuviae, trabbucai 1 Sentences truvat a un'ala e atzupat a su carrone de una craca bullitada ◊ sos túncios de s'albore si atzupant cun sos sónnios mios ◊ zughia su piatu in manos, mi ant atzupadu e apo ispramminadu sa minestra in terra! Translations French trébucher English to bump, to trip up Spanish tropezar Italian urtare, inciampare German stoßen, stolpern.

atzúpu , nm Synonyms e antonyms abbrúnciu, arrocu, atzupada, barrancu, imbrúnchinu, imbrunchioni, trambucada Etymon srd. Translations French trébuchement English obstacle Spanish tropiezo Italian inciampo German Stolpern.

imbruncài 1, imbruncàre , vrb: imbrunciare, umbruncare Definition fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere / andhare a s'imbrúncia imbrúncia = cun passu pagu seguru, a su trambuca trambuca Synonyms e antonyms abbruncai, atzupare, imbronconai, trabbucai 1 Sentences tucandhe at imbruncau in d-unu truncu ◊ apo imbruncadu e mi apo pistu su benúgiu ◊ currendi, pòngiu su pei in d-unu barrocu, imbruncu e iscudu sa conca a una pedra ◊ cussos imbrúnciant in sos arriscos ◊ cantas bortas so rutu ca apo imbrunciau!… Surnames and Proverbs prb: pè sétzidu no imbrúnciat Etymon srd. Translations French trébucher English to stumble Spanish tropezar Italian incespicare German stolpern.

trabbucài 1, trabbucàre , vrb: trambucare Definition fàere passu iscontriau, camminandho, betare su pei in buidu, pruschetotu atumbare sa punta de su pei a calecuna cosa firma, grae, chi faet orrúere o istrobbat s’andhare coment'e faendho orrúere mescamente si unu si movet lestru Synonyms e antonyms abbruncai, atuviae, atzupare, imbronconai, imbruncai 1, intuviae, istambecare, istrambucare, trambellare, truncudhare Sentences in s'andhare trambucant sempre ◊ onzi tantu trambuco, ruo e mi ndhe peso ◊ sa pitzinna fughendhe trambucat e rughet, coment'e illughinada ◊ fintzas in su paris netu a bortas si trambucat, puru dendhe tentu ◊ so antzianu e timo a trambucare 2. no li passat mancu in su carvedhu de pòdere trambucare in calchi errore Etymon ctl. trabucar Translations French trébucher English to stumble Spanish tropezar Italian inciampare German stolpern.

trabbúcu , nm: trambucu Definition su trambucare; logu malu meda inue si podet prus imbruconare Synonyms e antonyms impeta, trambucada / trambuchete Sentences atentu, no che ruas in su trambucu! ◊ isco bene cales sunt sos trambucos chi m'ispetant in sa vida, ma su coràgiu de sighire no mi mancat Etymon srd. Translations French trébuchement English obstacle Spanish tropiezo Italian inciampo German Stolpern.

trambucàda , nf: trambucata Definition su trambucare camminandho, atumbada de pei a calecuna cosa e movimentu coment'e orruendho Synonyms e antonyms atuviada, atzupada, ilbronchiada, imbronchiada, trabbucu / abbrúnciu, arrocu, atzopu, barrancu, imbàssinu, imbrúnchinu, imbrunchioni, immulcionada Sentences apo fatu una trambucada che tzegu! ◊ coment'est su logu totu fossos e a s'iscuru che so andhadu totu a trambucadas ◊ ite ndhe ischint sos àteros de sas trambucadas tuas in sa vida? Etymon srd. Translations French trébuchement English stumble Spanish tropezón Italian inciampaménto, inciampata German Stolpern.