Ditzionàriu in línia
de sa limba e de sa cultura sarda

ammuína , nf, nm: ammuinu, ammúinu, muina* Definition sa moida chi faet s'abe; ifadu de gente chi istat foedhandho, segamentu de conca / ammuinu de conca = coment’e moida in conca, de maladia, de istare male Synonyms e antonyms moida, mughinzu, muinàrgia, tzugnu, zúmiu 2. s'intendiat un'istontonu, un'ammuinu, pariat chi teniat callentura ◊ is fuedhus in conca mi girant cument'e un'ammuinu ◊ làssami s'ammuinu! ◊ s'ammuina de is pregontas dhi zúmiat in conca ◊ sentza de ammuinu nudha no si faghent sas cosas Translations French bourdonnement English buzzing Spanish zumbido Italian ronzìo German Summen.

ammuinài 1 , vrb: muinai*, ammuinàre Definition fàere ammuinu, genia de moida coment'e de abes o fintzes de gente foedhandho a boghighedha bàscia, giare ifadu, fàere sa conca che casidhu a unu cricandho de dhu cumbínchere a calecuna cosa Synonyms e antonyms afruschiare, fruscidare, frusiai, frusitai, moidare, mojire, múere, muizare, sulietai, sulvare, zumiai Sentences s'istracia ammuinat e si atzàpulat asuba de sa fentana ◊ mi ant ammuinau is origas ◊ s'arregordu dhi ammuinat aintru de su ciorbedhu ◊ a is fariseus dhis ammuinant in su ciorbedhu is fuedhus de Gesugristu Translations French bourdonner English to buzz Spanish zumbar Italian ronzare German summen.

ammuinaméntu , nm Synonyms e antonyms ammoinadura, moida, zúmiu Etymon srd. Translations French bourdonnement English humming Spanish zumbido Italian ronzìo German Summen, Brummen.

moída , nf, nm: mughida, múghida, múghita, muida, múida, muídu, múidu, múita Definition su sonu sighiu de cosa movendho, mescamente candho est meda e po su prus ifadosu / min. moidedha; lassare sa m. a unu = lassaidhu asséliu, lassaidhu stai sentz'e dhi narri nudha Synonyms e antonyms ammuina, arremóriu, mughina, remore, triuliu Sentences sa moida de su riu, de s'abba proindhe, de su bentu, de su trenu, de sa betoniera, de sas màchinas ◊ tengu una múida a conca chi mi parit de portai una scursura de abis ◊ chin sa conca a múghitas, che moju, mesu atolondrau ses galu andhandhe (N.Trunfio)◊ sa múghida coment'e de apiarju dae largu s'intendhet meda tretu ◊ s'àghera fit prena de sas múghidas de sas campanedhas de sas berbeches 2. làssami sa moida, tantu de su chi mi ses nendhe no ndhe fato! Etymon srd. Translations French bruit, bourdonnement, ronflement, grondement, vrombissement English noise, rumble, buzzing Spanish ruido, zumbido, estruendo Italian rumóre, ronzìo, rómbo German Geräusch, Lärm, Summen, Brummen, Donner.

moidàre , vrb: mughidare, muidare, muitare Definition fàere moida, a moida, a súrbiu o a zúmiu comente faent su bentu forte o fintzes unos cantu bobbois Synonyms e antonyms afruschiare, ammuinai 1, fruscidare, frusiai, mojire, múere, muizare, zumiai Sentences babbaudedhos cun alas pintadas muidèndhemi in giru a boliadas de su mundhu mi dant novas ◊ su bentu si pesat muidendhe, iscútinat sas àlvures e paret de las chèrrere ispeigare ◊ una fritza colat moidendhe ◊ inue passaiat li muidaiat s'ispada che tronu ◊ su ventu colat muitanne ◊ si ti sunt sas orixas muidendhe sunt campanas pro ti ndhe ischidare! (G.Raga) Etymon ltn. mugitus Translations French siffler, bourdonner, ronfler English to whistle, to buzz Spanish silbar Italian fischiare, ronzare German sausen, summen.

mughína , nf Definition genia de sonu sighiu Synonyms e antonyms arralla 1, frusa, frusinzu, istrepitzu, moida Etymon srd. Translations French bourdonnement (di insetti, alle orecchie), ronflement (di motori) English buzz Spanish zumbido Italian ronzìo German Summen.

muína, múina , nf, nm: ammuina, muine, muinu Definition genia de sonu sighiu o fintzes mutúgiu, moida de trísinu; genia de moida in conca, pentzamentu, o fintzes furriamentu de conca Synonyms e antonyms ischimuzu, moida, muinzu, zúmiu / ibbadhinamentu, scimíngiu Sentences sunt a muina in conca sos sentimentos ◊ abbellu abbellu, sena fàghere muinu, si est impostadu in d-una tupa ◊ sa muina de totu cussas boxis no lassat ascurtai is fuedhus suus ◊ a mi lassas istare sa muina, chi mi pares muscone in s'aposentu?! (Sassu) Etymon srd. Translations French bourdonnement English buzzing Spanish zumbido Italian ronzìo German Summen.

muinài , vrb: ammuinai 1, muinare Definition fàere un genia de moidedha fine fine, prus che àteru sa chi faent s'abe e bobboitedhos deasi Synonyms e antonyms afruschiare, fruscidare, frusiai, frusitai, moidare, mojire, múere, muizare, suai, sulietai, sulvare, surbiai, zumiai Sentences muinendi e zummiendi funt acudendi a tronis muschitus e musconis ◊ no movet ratu ne foza in su frutale e no muinat su riu ◊ unu musconi fiat muinendi in s'oru de sa fentana Etymon ltn. muginare Translations French bourdonner English to buzz Spanish zumbar Italian ronzare German summen.

mummucàre , vrb: mummuchiare, mumughiare Definition cantare a mummucu, chentza artzare sa boghe e chene fàere intèndhere bene is foedhos, fàere una genia de sonu sighiu, fintzes nàrrere cosa a murrúngiu Synonyms e antonyms mulmutare, pispisai / morrugnare Sentences cantant sas feras, apedhant sos canes, mummúchiat cada casta de errebios (L.Loi)◊ no est tirandhe prus aeredha, mancu bentu de susu chi néchidat sas chessas mummuchiandhe in frunzas ◊ intendhimus rios e montes mummuchiendhe Etymon srd. Translations French murmurer, chuchoter English to whisper Spanish susurrar Italian sussurrare German summen.