Ditzionàriu in línia
de sa limba e de sa cultura sarda

àschia , nf: àscia 2 (à-scia e à-sci-a) Definition su fusu de su carru; assaedhu, tacita o turnu de is serros, de cernera, de frontissa, de fircis e cosas deasi, su mascu de is grofales / úngiri s’àscia = dare un'ammustru, fàghere carchi regalu a ccn. pro ndhe àere carchi piaghere Synonyms e antonyms fusu / assaedhu Sentences s'orroda de suta de su mólinu portiat un'àschia de ferru chi artzàt a susu inue portiat s'àtera orroda ◊ at fatu laurai una bella àscia de carru de coru de íxili Etymon ltn. axis Translations French pivot, tourillon English pivot Spanish perno, espiga Italian pèrno German Zapfen.

ascièdha , nf Definition su fusighedhu de is serros, de sa tagiola, de àteru Synonyms e antonyms assaedhu Translations French pivot, tourillon English pin Spanish perno Italian pèrno German Zapfen.

assaédhu , nm: assedhu Definition tacita o turnu, genia de ferru (o àteru) tundhu e curtzu chi permitit a duas cosas intradas apare de girare, de fàere giogu (ma si ndhe ponet fintzes in su giuale po arrèschere is loros) Synonyms e antonyms asciedha, ispículu / ossiedhu Etymon srd. Translations French petit pivot, petit tourillon English small pivot Spanish pernio Italian perniétto German kleiner Zapfen.

badhadòri , agt, nm: badharoi, balladore 1, balladori, ballatore Definition chi o chie ballat; chi girat (che a chie ballat); chi est in tàntaris o no est bene firmu; spigoni o ferru de porta, o de portone, chi postu in su tacu (o rana) dhos lassat girare e apèrrere cun facilidade / balladore de su lumbu (itl. tèsta del fèmore)= sa conca de s'ossu de sa cossa (su murudhale) ue intrat in s'ossu de su lumbu, e fintzas sa calanca de custu Synonyms e antonyms badharinu, ballarianu / arrodedha 1, càncara 1, grifone, rodighedha, ruédhula Sentences is badhadoris formant is cópias apasaus a duus a duus 2. naradhi chi arrangit s'isprigu balladori! Etymon srd. Translations French danseur, pivot English dancer, pin Spanish bailarino, inestable Italian ballerino, pèrno German wackelnd, Zapfen.

cabíciu , nm Definition genia de crau chi si faet intrare in s'istampu fatu a berrina, in sa linna intrada apare Synonyms e antonyms assaedhu, rocu Scientific Terminology fst Etymon itl. Translations French cheville English wooden pin Spanish travesaño (scala), clavija, tarugo (falegn.) Italian cavìcchio, pèrno German Holzpflock, Zapfen.

dúghe , nf: tuche Definition s'istampu chi si faet a is carradas po ndhe lassare essire su binu; s’isticone o tapighedhu chi si dhue ponet a tupare; sa cannada o grifone chi si dhue ponet po bogare su binu / èssere semper a buca a sa d. = bufai meda, imbriagaisí Synonyms e antonyms spíndulu, tuponella, ugi / cannada Sentences cussu est una dughe manna chena fundhu: bufendhe no lu binchet neunu Etymon ltn. duce(m) Translations French cheville, fausset English spigot Spanish espita, batoque Italian zìpolo German Spund, Zapfen.

spíndulu , nm Definition puncione de linna po tupare sa carrada, in su mesale; a logos dhu narant a is pendhilingiones, is filicitus, cosa téssia isconciada, ordiu o trama istéssia Synonyms e antonyms cannada 1, runfiana, tuche, ugi / cdh. filtzetu Etymon ltn. *spinulus Translations French cheville English spigot Spanish tarugo, espiche Italian zìpolo German Zapfen.

túche , nf: dughe*, tughe Definition s'istampu chi si faet a is carradas in su mesale po lassare essire su binu; su puncione o tapighedhu chi si dhue ponet a tupare; fintzes su grifone inue si bogat su binu / min. tuchedha; istare o èssere semper a buca (o a conca) a sa tughe = bufare binu meda, istare sèmpere bufandho Synonyms e antonyms runfiana, spíndulu, tintòrgia, tuponella, ugi / cannada / cdh. filtzetu Sentences como chi est cuncordada sa tuchedha e su conzu amus prontu contamus unu contu arrostíndhennos fava a fochilada (A.G.Solinas) Translations French cheville, fausset English spigot Spanish espiche Italian zìpolo German Zapfen.

tuponèlla , nf, nm: tupinellu Definition su puncione o tapighedhu chi si ponet a tupare su tingiosu, su grifone Synonyms e antonyms runfiana, spíndulu, tintòrgia, tuche, ugi / cdh. filtzetu Etymon srd. Translations French bondon, cheville English bung Spanish espiche, botana Italian zaffo German Zapfen.