Ditzionàriu in línia
de sa limba e de sa cultura sarda

addengàe, addengài , vrb: dengai* Definition pigare a unu cun denghes, a frandhigos, a milindros (o fintzes su si fàere pigare deosi) Synonyms e antonyms afissiai, ammelindrare, annenneriai, dangherare, fiacare, imberriare, imbimbinare Sentences issa totu dh'addengara e po denghi dhu narara: Su pipiu, su sposu, su pipiedhu miu! ◊ custu est denghi, e mi praxit su èssiri addengau, po èssiri sèmpiri fogu allutu po tui! ◊ tziu Pietrinu, gei mi parit ca fustei si est addengau, chi no essit prus! ◊ bai ca sa mama no dh'addengat, no dhi portat su cafei a letu! Translations French choyer, cajoler English to fondle Spanish lisonjear Italian vezzeggiare, coccolare German hätscheln.

ammelindràre , vrb: ammilindrae, ammilindrai, ammilindrare, melindrare Definition pigare (unu pipiu, unu minore) a milindras, a denghes, a frandhigos Synonyms e antonyms addengae, dangherare, imberriare, imbimbinare Etymon srd. Translations French caresser, cajoler English to caress Spanish acariciar, halagar Italian carezzare, vezzeggiare German schmeicheln, hätscheln.

fiacàre , vrb Definition fàere fiacas, pigare a frandhigos, pònnere fiaca Synonyms e antonyms addengae, agiodhare, pibiare, scanceriai Sentences sos frades, allodhiaos comente fint, fiacabant e si cheriant fiacaos dae sa mama ◊ a sa piatza li poniant su lúmene e cun cussu la mutiant e la fiacabant che una criadura ◊ no sempre sos túnghios de su bentu li fiacabant su sonnu Etymon srd. Translations French choyer English to cuddle Spanish mimar Italian coccolare German hätscheln.

imberriàre , vrb: imbirriari Definition pònnere imbérrios, pigare a imbérrios, fintzes pigare totu a giogu Synonyms e antonyms addengae, ammelindrare, annenneriai, apudherigare, dangherare, imbimbinare Sentences s'at imberriadu su babbu ◊ su tiu l'imberriaiat tantu chi a donzi iscàmpiu che li andhaiat currendhe ◊ tue lu ses imberriendhe tropu a fizu tou! ◊ no imberriedas sos pitzinnos! 2. su cúcuru de su monte remunit una part'e s'orizone imberriadu dae su primmu raju manzanile (G.Fiori) 3. candu si fuiant bèni imbirriaus iant fatu valentias (G.Mura) Translations French cajoler, gâter English to spoil, to fondle Spanish mimar Italian vezzeggiare, coccolare, viziare German hätscheln, verwöhnen.

imbimbinàre , vrb: imbimbrinai, imbrimbinai Definition portare imbrímbinus, pigare a imbérrios, tropu a frandhigos, comente si faet cun is pipios; essire imberriados Synonyms e antonyms acarignae, acarissiai, addengai, ammelindrare, annenneriai, dangherare, imberriare, imbrambuai, losingai Etymon srd. Translations French cajoler English to caress Spanish lisonjear Italian vezzeggiare German hätscheln.

imbrambuài, imbrambulài , vrb Definition pigare a imbràmbulus, a frandhigos, no sèmpere po su bonu, pònnere imbérrios e vitziedhos Synonyms e antonyms acarignai, acarissiai, imbimbinare, losingare / imbelecare, imbovai Sentences prangi, prangi!…, ti dhu narau ca fust imbrambuendidhus tropu, a fillus tuus! ◊ sa mama imbrambulàt su pitichedhu prus de totu is àterus fillus Translations French choyer, cajoler English to pet Spanish mimar, lisonjear Italian vezzeggiare German hätscheln.

ingregài , vrb: ingreghiai Definition coment'e pigare a trampa, a ingannia, cun calecuna cosa chi praghet, ma no sèmpere po su malu Synonyms e antonyms abbovai, coluvronare, imbusterai, imbuvonare, improsae, ingannai, ingruguitzai, piocai, trampai Sentences mancai su cumbidu m'ingreghit, no potzu andai ◊ si dhu càstiat che ollu bessau in terra e poi si ponit a dhu ingreghiai e a dhu ingrillai ◊ funt fuedhus durcis chi ingréghiant e abberint s'enna de is sentidus a s'abetu Etymon srd. Translations French allécher, choyer English to entice, to fondle Spanish seducir Italian allettare, vezzeggiare German anlocken, hätscheln.

ingrillài , vrb Definition pigare a unu a ingrillus, a frandhigos; in cobertantza, tzeurrare, bogare su cambu nou (nau de sèmene) Synonyms e antonyms abbrinzai, ingregai Sentences si dhu càstiat che ollu bessau in terra e poi si ponit a dhu ingreghiai e a dhu ingrillai ◊ su tréulu m'ingrillat a sa passiéntzia… Etymon srd. Translations French allécher, choyer English to allure, to fondle Spanish seducir, lisonjear Italian allettare, vezzeggiare German anlocken, hätscheln.

pàciu , agt Definition nau de ccn., chi est totu pacia, chi si faet tocare e pigare a milindros, prus che àteru a vítziu; nau de erbas, chi funt créschias filivili, a cannàile, chentza fortza, in colore malu po sa pagu lughe Synonyms e antonyms dengheri, dengosu, giodhone, melindrosu, minghenghi, mirringhengu, paciosu, scanceriosu Sentences creint ca custa fémina bollit a dh'agiudai a camminai ca est pàcia, ma est ca no nci dha fait a sola! ◊ pagu pàciu cussu gatu!… 2. prantancedhu in cortili, custu frori, ca innòi aintru est pàciu! Translations French câlin, cajoleur English tattler, softy Spanish mimoso Italian coccolóne, ciancióso German wer sich gern hätscheln läßt.