chínta , nf: cinta, tzinta Definitzione tira prus che àteru de pedhe, cun sa tíbbia a una bandha, a pònnere in chintzu po aguantare is pantalones Sinònimos e contràrios chintorja, chíntula, trintza Maneras de nàrrere csn: zogare a sa chinta = giogai a istrumpas, a sa chintada; leare a chinta suta (su prus minore o prus pagu forte leat a s'àteru suta de su chitu), a chinta paris (sunt de carena pata e si leant ambos a su matessi tretu); rúere a chinta = rúere a buca a terra Frases so gherrandhe chin sa cinta pro mi prèndhere sos pantalones 2. si ti ponit chinta, ca dh'as pitziau pagu pagu, ti tzacat a frastimu, lah! Ètimu ltn. cincta.
chínta 1 , nf Definitzione podet èssere duas cosas: genia de gunnedha (chinta de fatu) e genia de devantale (c. de nanti) de furesu chi però imbodhigat agiummai totu sa persona e aperta apalas Sinònimos e contràrios fadreta Maneras de nàrrere csn: c. de fatu = gunnedha de dónnia dí; c. aggajada = munnedha fata a pínnigas, pressada Frases is giovonedhas, a mantighedhu e a gunnedha, a chintas de fetanu aggajadas, faent dantzas e orrosciadas Terminologia iscientìfica bst.
chínta 2 , nf Definitzione
colore de s'aera, prima lughe de su mengianu abbreschendho, genia de tenta orrúbia in s'aera ororu de sa terra in su fundhale a cara a ue essit su Sole
Sinònimos e contràrios
chentales,
nea
Frases
at postu zai chinta s'orizonte
Tradutziones
Frantzesu
aurore
Ingresu
dawn
Ispagnolu
aurora
Italianu
auròra
Tedescu
Morgenröte.