Ditzionàriu in línia
de sa limba e de sa cultura sarda

iscía 1 , nf: essia*, issia, issida, issita Definitzione su essire; logu inue si essit o faet a essire, tempus de essire o chi essit e fintzes filada o bandha chi si leat, iscopu; cosa chi essit in sa carre, coment'e maladia; cosas chi si narant e chi faent a erríere o a pentzare; cosa o dinare chi s'ispendhet / issita de còchere = cabruncu Sinònimos e contràrios disessida / ttrs. iscida / essidorzu, essidura, fruscedha / gastu, ispesa | ctr. intrada Frases dae sas primas issitas a campagna chin custas pacas bestiedhas l'aiant aproegliatu 2. inoche est sa issia de sa bidha ◊ soe chircandhe un'issita dinnitosa a sa vita mea! 4. Tziu Máuru l'ascurtat ridendhe divertitu po tzertas issitas Tradutziones Frantzesu sortie Ingresu exit Ispagnolu salida Italianu uscita Tedescu Ausgang.

íscia 1 , prn: issa Definitzione prn. chi s'impreat po una tertza persona fémina / a, cun, de, in, pro, tra issa; issa etotu = itl. lèi stéssa, da sè Sinònimos e contràrios cussa Frases pache e cuntentesa a íscia puru e a totu s'eréntzia! ◊ sa pitzinna si faghet su letu issa etotu Ètimu ltn. ipsa Tradutziones Frantzesu elle Ingresu she, he Ispagnolu ella Italianu élla, lèi Tedescu sie.