Legenda Abbreviazioni | Legenda Simboli

ansídu , agt: assidu Definizione chi tenet assa, chi est alluscau, cassidu de su sidi, chi est morindho de su sidi, de sa gana de bufare Sinonimi e contrari cansidu Frasi nois semus ranedhos de terra ansida in s'aera intemperiosa (G.Orgolesu)◊ s'undha límpida apo meledadu dae sa calura de s'istadiale ansida 2. su coro sou est assidu de veridade ◊ mi so agatada piús istraca de sa vida, piús assida ’e Deus (G.Correddu)◊ sa terra est assida de lentore Etimo srd. Traduzioni Francese assoiffé Inglese burnt by thirst Spagnolo sediento Italiano arso dalla séte Tedesco trocken.

assidídu , agt, nm: assidiu, assiriu, assudiu, sedidu* Definizione chi o chie tenet gana o bisóngiu de bufare, sidi; chi tenet calecunu disígiu mannu Sinonimi e contrari assidigadu, assidigorzadu / disigiosu, inganatzidu Frasi cussu est unu grómeru de colobras assididas 2. sa vida mia est sempri assidia de tui Traduzioni Francese assoiffé Inglese thirsty, very thirsty Spagnolo sediento Italiano assetato, sitibóndo Tedesco durstig.

aulídu , agt: aullidu Definizione chi est disigiosu a tropu, cun ingurdoneria / mandhigare a s'aullida = cun allurpidura Sinonimi e contrari abbramidu, apedhiosu, assuriu, asuriosu, spedhiosu 2. trumas e trumas totu isvariadas las ingulliat sa gruta aullida totu che trigu in mola maghinadas (P.Casu)◊ sos ojos mios fint tantu aullidos a si catzare sidis de deghe annos chi moltos fint sos àteros sentidos Etimo srd. Traduzioni Francese assoiffé, avide Inglese eager Spagnolo anhelante Italiano bramóso Tedesco begierig.

sedídu , agt, nm: assididu, sididu, sidiu, sititu Definizione chi o chie tenet gana o bisóngiu de bufare; chi tenet calecunu disígiu o bisóngiu mannu Sinonimi e contrari assidigadu, assidigorzadu, assuglitu, insidiu / disigiosu, inganatzidu Frasi torra che prima, funtana istasida, a consolare sa zente sedida! ◊ acurtziaiat sas laras a s'abba, sididu ◊ candu ti eus biu sidiu ti eus donau a bufai 2. passat sidida de basos e de amore Etimo srd. Traduzioni Francese assoiffé Inglese thirsty Spagnolo sediento Italiano assetato, sitibóndo Tedesco durstig.

«« Cerca di nuovo