Legenda Abbreviazioni | Legenda Simboli

assuríu , agt: asuridu, asuriu, esuridu*, isoridu Definizione nau de unu, chi iat a bòllere cosa meda, chi iat a bòllere totu isse, chi no iat a bòllere lassare nudha a is àteros; si narat fintzes in su sensu de sidiu meda Sinonimi e contrari abbramidu, àidu 1, allimitzidu, asuriosu, aulidu, codiciosu / aggantzadu, coghedhu, cringone, ingurdone, ispiceche, issotzigadore, limidu, pistricu, soridu, sulieri, susuncu, tzecosu / sedidu Frasi is bècius contant a is piticus custus contus po dhus imparai a èssiri ne trasseris e ne asurius ◊ torradindi a andai, istràngiu asuriu! 2. so torrau a custa terra ammaghiada che ómine asuriu Terminologia scientifica ntl Traduzioni Francese avide, usuraire Inglese usurer, avid Spagnolo ávido, usurero Italiano àvido, usuràio Tedesco gierig.

asuriósu , agt Definizione chi tenet asuria, disígiu malammodidu, esagerau, de cosa Sinonimi e contrari abbramidu, àidu 1, allimitzidu, apedhiosu, assuriu, aulidu, avridu, codiciosu, marracànciu, spedhiosu Frasi a s'asuriosu no dhi abbastat ni birdi e ni sicau ◊ non seu asuriosu de dinai: su tanti de bivi ge dhu tengu ◊ is proprietàrius funt prus asuriosus: ita depeus isperai, chi si stremessint po una pariga de mortus de fàmini?! (M.Caddeo) Terminologia scientifica ntl Etimo srd. Traduzioni Francese avide Inglese avid Spagnolo ávido Italiano àvido Tedesco gierig.

aulídu , agt: aullidu Definizione chi est disigiosu a tropu, cun ingurdoneria / mandhigare a s'aullida = cun allurpidura Sinonimi e contrari abbramidu, apedhiosu, assuriu, asuriosu, spedhiosu 2. trumas e trumas totu isvariadas las ingulliat sa gruta aullida totu che trigu in mola maghinadas (P.Casu)◊ sos ojos mios fint tantu aullidos a si catzare sidis de deghe annos chi moltos fint sos àteros sentidos Etimo srd. Traduzioni Francese assoiffé, avide Inglese eager Spagnolo anhelante Italiano bramóso Tedesco begierig.

isgurríu , agt Definizione chi iat a bòllere totu issu, chi no iat a bòllere lassare nudha a s'àteru Sinonimi e contrari allimitzidu, assuriu, inguglione Frasi nara, isagherau e isgurriu: ite pretendhes, arga de muntonàgliu?! Terminologia scientifica ntl Traduzioni Francese goulu, avide Inglese greedy Spagnolo ávido, codicioso Italiano ingórdo e àvido in tutte le còse Tedesco habgierig.

làmbidu , agt, nm: làmbridu, làmpidu Definizione chi o chie disígiat e bolet meda o totu issu; chi est disigiau / l. de potéssia = chi bolet cumandhare Sinonimi e contrari aframicosau, agganau, agganidu, disigiosu, famidu, irfamigadu, làmbidu, soriolu 2. su mele est cosa làmbida meda Etimo ltn. languidus Traduzioni Francese avide, gourmand Inglese greedy, gluttonous Spagnolo ávido, avaricioso, codiciado, glotón Italiano àvido, golóso Tedesco gierig.

spedhiósu , agt Definizione chi tenet ispédhiu, unu disígiu mannu de calecuna cosa Sinonimi e contrari abbramidu, apedhiosu, apilliadu, apitadu, aulidu, intirioladu, pistichinzosu, schinitzosu, unigosu Frasi is cassadoris torrant a sa famíllia allirga, spedhiosa, cun libba e mesa de cosa in sa mucíllia ◊ spedhiosu, seu circhendi a tui ◊ dèu fua spedhiosu de cumprendi ita fuat su strubbu a su coru Etimo srd. Traduzioni Francese avide, désireux Inglese eager Spagnolo deseoso, ansioso Italiano bramóso, ansióso Tedesco gierig, begierig.

«« Cerca di nuovo