Ditzionàriu in línia
de sa limba e de sa cultura sarda

apedhiósu , agt Definizione chi si apédhiat, chi istat sèmpere disigiandho, disigiosu meda Sinonimi e contrari abbramidu, afrodhiosu, apichionadu, apilliadu, aulidu, pistichinzosu, schinitzosu, spedhiosu Etimo srd. Traduzioni Francese désireux (de) Inglese desirous Spagnolo codicioso, deseoso Italiano voglióso Tedesco begierig.

arravanàdu , agt Definizione nau de ccn., chi tenet bògia, gana, disígiu mannu de ccn. cosa Sinonimi e contrari desizosu, imbozadu, inganatzidu, inganidu Traduzioni Francese désireux Inglese eager Spagnolo deseoso Italiano voglióso, desideróso Tedesco begierig.

àssu 1 , agt Definizione nau de animale fémina, chi est in more, in disígiu de mascu Sinonimi e contrari impurdedhiu, insuau, insutzuligau, suadu, suguzadu Etimo ltn. arsus Traduzioni Francese en chaleur Inglese on heat Spagnolo en celo Italiano inuzzolito, in calóre Tedesco begierig, brünstig.

aulídu , agt: aullidu Definizione chi est disigiosu a tropu, cun ingurdoneria / mandhigare a s'aullida = cun allurpidura Sinonimi e contrari abbramidu, apedhiosu, assuriu, asuriosu, spedhiosu 2. trumas e trumas totu isvariadas las ingulliat sa gruta aullida totu che trigu in mola maghinadas (P.Casu)◊ sos ojos mios fint tantu aullidos a si catzare sidis de deghe annos chi moltos fint sos àteros sentidos Etimo srd. Traduzioni Francese assoiffé, avide Inglese eager Spagnolo anhelante Italiano bramóso Tedesco begierig.

imbozàdu , pps, agt Definizione de imbozare; chi tenet bògia, gana, disígiu de ccn. cosa Sinonimi e contrari abbozadu, arravanadu, desizosu, inganatzidu, inganidu, ingudroniu, ingulosigau | ctr. dilganadu 2. imbozadu de lòmpere semper piús adhae, cheria no mi frimment assustos e ne trempas (F.Dedola) Etimo srd. Traduzioni Francese désireux Inglese eager Spagnolo deseoso, codicioso Italiano voglióso, desideróso Tedesco begierig.

inganatzídu , pps, agt Definizione de inganatzire; chi ndhe tenet gana meda Sinonimi e contrari abbozadu, agganidu, aibbadu, ganósigu, imbozadu, inganadu, inganidu | ctr. dilganadu 2. tue ses ànima inganatzida de passione in s'arbatare continu de sos sentidos (C.Puddu) Traduzioni Francese désireux Inglese desirous Spagnolo deseoso Italiano voglióso Tedesco begierig.

insutzuligài , vrb Definizione batire fàmene, apetitu, disígiu, gana; fàere inchietare su cane Sinonimi e contrari agganire, alluscai / airai, arrannegai, collobbiare, inchietae, inciulai, infuterare, intziminire, suberiare Etimo srd. Traduzioni Francese aiguiser l'appétit, donner l'envie (de), agacer Inglese to irritate, to whet s. o.'s appetite Spagnolo despertar el apetito Italiano stuzzicare l'appetito, inuzzolire, irritare Tedesco den Appetit reizen, begierig machen, reizen.

spedhiósu , agt Definizione chi tenet ispédhiu, unu disígiu mannu de calecuna cosa Sinonimi e contrari abbramidu, apedhiosu, apilliadu, apitadu, aulidu, intirioladu, pistichinzosu, schinitzosu, unigosu Frasi is cassadoris torrant a sa famíllia allirga, spedhiosa, cun libba e mesa de cosa in sa mucíllia ◊ spedhiosu, seu circhendi a tui ◊ dèu fua spedhiosu de cumprendi ita fuat su strubbu a su coru Etimo srd. Traduzioni Francese avide, désireux Inglese eager Spagnolo deseoso, ansioso Italiano bramóso, ansióso Tedesco gierig, begierig.