Ditzionàriu in línia
de sa limba e de sa cultura sarda

apedhiósu , agt Definizione chi si apédhiat, chi istat sèmpere disigiandho, disigiosu meda Sinonimi e contrari abbramidu, afrodhiosu, apichionadu, apilliadu, aulidu, pistichinzosu, schinitzosu, spedhiosu Etimo srd. Traduzioni Francese désireux (de) Inglese desirous Spagnolo codicioso, deseoso Italiano voglióso Tedesco begierig.

arravanàdu , agt Definizione nau de ccn., chi tenet bògia, gana, disígiu mannu de ccn. cosa Sinonimi e contrari desizosu, imbozadu, inganatzidu, inganidu Traduzioni Francese désireux Inglese eager Spagnolo deseoso Italiano voglióso, desideróso Tedesco begierig.

desizósu , agt: disigiosu, disigliosu, disillosu, disixosu, disizosu Definizione chi est disigiandho, chi est in disígiu, chi bolet ccn. cosa fintzes chi no depet, chi dhi arrechedet Sinonimi e contrari apendhitziau, arravanadu, ganosu, imbozadu, inganatzidu, inganidu, ingudroniu / cdh. disiciosu Frasi totus mirant a tie, o bella nue, pro chi s'abba bramada iscapes a sa terra disizosa ◊ custa terra est disigiosa ca est de diora meda chentza de trabballai ◊ semper disigiosu deo istau faenno certos disígios cena lè ◊ toca, seidí ca seu disigiosa de ti fuedhai! Etimo srd. Traduzioni Francese désireux Inglese desirous Spagnolo deseoso Italiano desideróso Tedesco verlangend, sehnsüchtig.

franedigósu , agt: frenedigosu, frenidicosu Definizione chi tenet o portat frenédiga, pistighíngiu, ispédhiu Sinonimi e contrari adheriosu, afuturrosu, allichinidu, apedhiosu, farrasédiu, frenédigu, furighedhosu, orau, pistichinzosu, schinitzosu, spedhiosu / cdh. franiticosu Frasi no apo a frimmare sa matana frenedigosa de s'ómine de chèrrere iscumbatare (P.Fogarizzu)◊ sa mama est frenidicosa, chirchendhe de cojare sa fiza! ◊ che murone si traventaiat, caminendhe isalenadu cun ancas lestras e frenedigosas Terminologia scientifica ntl Traduzioni Francese impatient, angoissant Inglese eager Spagnolo ansioso, deseoso Italiano smanióso Tedesco aufgeregt, unruhig.

ganósu , agt Definizione chi est disigiandho cosa, chi ndhe tenet gana meda Sinonimi e contrari arravanadu, desizosu, ganósigu, imbozadu, inganatzidu, inganidu Frasi a sa ganosa fera inchietu zúbilo e ussiàndhela che l'iscúbilo ◊ sas arveghes sunt ganosas de paschinzu ◊ carchi cropa si fit firmada assagadada, ma galu ganosa de ballare ◊ custos funt ganosos de fàere a connòschere is cosas issoro Etimo ctl., spn. ganós, ganoso Traduzioni Francese désireux Inglese eager, desirous Spagnolo deseoso Italiano voglióso, desideróso Tedesco lüstern.

imbozàdu , pps, agt Definizione de imbozare; chi tenet bògia, gana, disígiu de ccn. cosa Sinonimi e contrari abbozadu, arravanadu, desizosu, inganatzidu, inganidu, ingudroniu, ingulosigau | ctr. dilganadu 2. imbozadu de lòmpere semper piús adhae, cheria no mi frimment assustos e ne trempas (F.Dedola) Etimo srd. Traduzioni Francese désireux Inglese eager Spagnolo deseoso, codicioso Italiano voglióso, desideróso Tedesco begierig.

inganatzídu , pps, agt Definizione de inganatzire; chi ndhe tenet gana meda Sinonimi e contrari abbozadu, agganidu, aibbadu, ganósigu, imbozadu, inganadu, inganidu | ctr. dilganadu 2. tue ses ànima inganatzida de passione in s'arbatare continu de sos sentidos (C.Puddu) Traduzioni Francese désireux Inglese desirous Spagnolo deseoso Italiano voglióso Tedesco begierig.

inganídu , pps, agt: inganiu Definizione de inganire; chi tenet gana meda Sinonimi e contrari agganidu, desizosu, ganósigu, inganadu, inganatzidu, ingudroniu / cdh.inganitu | ctr. dilganadu 2. mi so postu a caminare inganidu de bídere mundhu ◊ andhant in giru a cucurusta arta che pudhos inganios Etimo srd. Traduzioni Francese désireux Inglese willing Spagnolo deseoso Italiano desideróso Tedesco verlangend.

insutzuligàu , pps, agt Definizione de insutzuligai; chi est insuau Sinonimi e contrari assu 1 Traduzioni Francese entiché Inglese lusted Spagnolo deseoso, encaprichado Italiano inuzzolito Tedesco wer auf etwas bekommt.

spedhiósu , agt Definizione chi tenet ispédhiu, unu disígiu mannu de calecuna cosa Sinonimi e contrari abbramidu, apedhiosu, apilliadu, apitadu, aulidu, intirioladu, pistichinzosu, schinitzosu, unigosu Frasi is cassadoris torrant a sa famíllia allirga, spedhiosa, cun libba e mesa de cosa in sa mucíllia ◊ spedhiosu, seu circhendi a tui ◊ dèu fua spedhiosu de cumprendi ita fuat su strubbu a su coru Etimo srd. Traduzioni Francese avide, désireux Inglese eager Spagnolo deseoso, ansioso Italiano bramóso, ansióso Tedesco gierig, begierig.