Legenda Abbreviazioni | Legenda Simboli

cípu , nm: tipu 1, tzipu Definizione su pei de linna inue est postu s'incúdine; orrugu grae de linna chi poniant a peis a is presoneris / c. de sabbateri = ue su catolaju ponet sa sola pro la corpedhare Sinonimi e contrari incipu Etimo itl. Traduzioni Francese bûche Inglese stub Spagnolo tuero, cepa Italiano céppo Tedesco Amboßklotz.

cocína , nf: cotzina, cucina Definizione su fundhale cun totu is arraighinas, mescamente de una mata, de una tupa (in sa bide est fintzes su fundhu a fora, su truncu foras is pudas e sa pértiga noa); nau de unu, chi est malu a cumprèndhere o chi no bolet cumprèndhere Sinonimi e contrari cossighina, cotzigone, cotzinàrgiu, mola, tzompa 2. tocadhi sa manu, cotzina! ◊ cun totu custu tussi seu surda che cotzina Cognomi e Proverbi smb: Coccina, Cotzia, Cozzia Terminologia scientifica rbr Etimo srd. Traduzioni Francese bûche Inglese log Spagnolo cepa Italiano ciòcco Tedesco Baumstumpf.

cossighína , nf: cotichina, cotighina, cotzichina, cotzighina, cotzigina, cutzichina, cutzighina Definizione sa parte de is arraighinas, mescamente de una mata, de una tupa (bona fintzes po fàere pipas, segundhu sa linna); bufóngiu a tropu de pigare sa conca Sinonimi e contrari cocina, coighina 1, mola, motzighina, tzompa / coichina, imbreachera Frasi cotichina de castannarju, de chessa, de ghidhostre ◊ su linnaresu essit in chirca de linna bregadina: chimuza, cotichina, frastamaza 2. a unu tusorzu Bodale at leadu una cotzighina gai forte chi ancora ndhe faedhant, in bidha ◊ s'at picau una cotichina e andhabat a rodinu che gradharone Terminologia scientifica rbr, upm Etimo srd. Traduzioni Francese bûche, souche Inglese log Spagnolo cepa Italiano ciòcco, ceppàia Tedesco Strunk.

morciòne , nm: murcione, murcioni Definizione trunchedhu curtzu, orrugu de truncu mescamente de fundhale de mata; in cobertantza nau de unu, chi est mudurcu, de pagos foedhos, chi abbarrat meda citiu Sinonimi e contrari múciu, mulcione*, muncioni, mutzichina, trunchedhu / titone / mudigone, muduleu, mutricone Frasi si callentat ananti de tres murcionis allutus ◊ sa furmica tenet sa cala in murciones e tróculos ◊ niedhu che unu murcioni 2. a chini no chistionat e non ci dhi fuit s'errisu naraus ca est cosa de murcioni Cognomi e Proverbi smb: Murcioni Traduzioni Francese bûche Inglese log Spagnolo tocón Italiano ciòcco Tedesco Strunk, Baumstumpf.

trópulu , nm, agt Definizione trunchedhu curtzu e grussu a pònnere cosa in pitzu po dha segare, o fintzes po su fogu; trunchedhu chi si ponet prantau po dhue pònnere s'incúdine in pitzu; nau fintzes in cobertantza po gente, de animale piticu ma grussatzu Sinonimi e contrari giumpedhu, trunchedhu, tzimpedhu / ttrs. trópuru / dudhurinu Frasi is tropuledhus a sa ziminera! ◊ fatuvatu mi aciúngiu unu tropuledhu a su fogu ◊ cussu trópulu boit isperrau 2. pentzadí bèni: cussu tropuledhu fait unu fogu chi ti podit callentai po totu sa vida! Etimo itl. tròppolo Traduzioni Francese bûche Inglese stock Spagnolo ceporro Italiano céppo Tedesco Wurzelstock.

trunchédhu , nm Definizione crantu de linna grussu, curtzu, segau apostadamente de unu truncu po èssere prus manuíbbile; fintzes su cambu grussu de unos cantu ebrúgios Sinonimi e contrari múciu, mulcione, trópulu, trumpedhu / runcu Frasi fintzas a fàghere die in su foghile isteint tzochedhendhe su trunchedhu ◊ trunchedhus segaus a seguri 2. su càuli costumu a dhu coxinai aici, ma no pongu su trunchedhu ca est tostau Traduzioni Francese bûche, tronçon Inglese stump, log Spagnolo ceporro, trozo Italiano céppo, ròcchio Tedesco Wurzelstock, Trommel.

tzòmpa , nf Definizione tzitzonedhu, su tretu ingrussau de s'arraighina ingrussau, pruschetotu de unas cantu matas, pagu pagu asuta de terra, a pígiu Sinonimi e contrari cioca 1, cocina, cossighina, cotzigone, mola, soca 1 Frasi depiat andhare a bogare tzompas ◊ sa chessa, s'ozastru, su castanzarzu faghent a tzompa, suta ◊ apo tribbulau tirandhe tzompas e carrendhe chessa Terminologia scientifica rbr Etimo srd. Traduzioni Francese bûche Inglese log Spagnolo cepa Italiano ciòcco Tedesco Baumstumpf.

«« Cerca di nuovo