Ditzionàriu in línia
de sa limba e de sa cultura sarda

abbochinàre , vrb: abboghiare, abboghinare, abboginai, abboginare, abboginari, abboxinae, abboxinai, bochinare, vochinare Definizione betare tzérrios, pigare a tzérrios a unu brigandhodhu, foedhare a boghe arta meda Sinonimi e contrari abberriare, abboigare, aboriai, atzerriai, berchidai, ingargare, iscramare, iscramorai, murmudhai Frasi s'intendhet unu abboghinendhe: baischi ite at a chèrrere?! ◊ no abboghinedas gai ca mi ndhe ischidades su pitzinnu! ◊ fiat currenno e abboginanno che macu ◊ sa fémina dh'iat abboxinau po si dhu fai intrai in origas ◊ chini andat in giru po bendi cosa abbóxinat po fai essiri is comporadoris Etimo srd. Traduzioni Francese hurler, crier Inglese to shout Spagnolo gritar, regañar Italiano urlare, sbraitare Tedesco schreien, brüllen.

abboigàre , vrb: boigare Definizione abboghinare, betare boghe, pigare a tzérrios Sinonimi e contrari abbochinare, ciamare | ctr. cagliare, citire Frasi massajos, inoghe tribbulendhe e in cudhane, abboigade in altu, organizados! ◊ su Padreternu abbóigat una bolta ebbia candho est ora de nos retirare ◊ s'ómine abboigheit impiberidu pro s'iscravatzu ◊ amus timidu ca su tziu nos est postu fatu abboighèndhennos Etimo srd. Traduzioni Francese crier Inglese to shout Spagnolo gritar Italiano urlare Tedesco schreien.

agitoriài, agitoriàre , vrb Definizione pònnere boghes tzerriandho gente pedindho agiudu Frasi candu at inténdiu ca fiat mortu su pobidhu, curtu at a sa pratza agitoriendi ◊ su pòburu ómini fiat agitoriendi e atzapulendisí me in terra po su dolori ◊ a sa boge pariat gente agitorianno ◊ cudh'ómini at agitoriau meda po su dolori ma gei s'est apaxiau Etimo srd. Traduzioni Francese crier au secours Inglese to invoke for a help Spagnolo pedir ayuda Italiano invocare aiuto Tedesco um Hilfe rufen.

atzerriài , vrb: cerriai, sirriai, tzerriai* Definizione betare tzérrios, boghes, prànghere a boghes, pigare a boghes; nàrrere a boghe arta su númene de ccn. po chi bèngiat, o po bíere si dhu’est Sinonimi e contrari abberriare, abbochinare, giuilare, insirriai, iscramorai / ciamare, lamai, muntire, tichirriare | ctr. cagliare, citire Frasi in cussa domu funt totus a una pedhi, istérrius in su letu: no s'intendit atru che atzerriendu! 2. is animalis funt morendi acoment'e nosu cristianus, si aici si poreus atzerriai ◊ toca, bai e atzérria a babbu tuu, chi bengat! ◊ no portu prus súliru mancus po atzerriai Traduzioni Francese crier, appeler Inglese to shout, to call Spagnolo gritar, llamar a voces Italiano gridare, chiamare Tedesco rufen.

bandhíre , vrb: bandiri, bannire Definizione betare su bandhu; fàere ischire, nàrrere sa cosa a totus, a gente meda / b. in sas bàtoro contonadas = dare a ischire sa cosa a totugantos, iscandhulizire una cosa Sinonimi e contrari bandhizare, gridai, trumbitai / isprubbicare Frasi su benniolu est banninne frófighes e pètenes ◊ at bandhidu pumatas friscas a piatza Etimo itl. Traduzioni Francese crier une annonce Inglese to announce Spagnolo pregonar Italiano bandire, pubblicizzare Tedesco bekanntmachen.

cerriài, cerriàre , vrb: atzerriai, cirriare, sirriai, tzerriai* Definizione betare tzérrios, boghes, betare boghe naendho su númene de unu / cerriai a ccn. si… = cramare a ccn. a bídere si… Sinonimi e contrari abbochinare, giuilare, insirriai, iscramorai / ciamare, muntire, tichirriare | ctr. cagliai, citire Frasi porcu grassu apo in domo ma no círriat como: canno est a pacare si daet a cirriare ◊ toca, cérria a babbu tú si est prontu! ◊ si est postu a cerriare nanno: E ite c'intraus noso cun tue?! Traduzioni Francese crier, appeler Inglese to shout, to call Spagnolo llamar, gritar Italiano gridare, chiamare Tedesco schreien, rufen.

giuilàre , vrb: giulare, giuliare, giuriare, giuvilare, zubilare Definizione betare tzérrios (po dolore, cricandho a ccn.), pigare a boghes po briga; tzerriare po fàere bènnere Sinonimi e contrari abbochinare, atzerriai, iscramare, iscramorare / ciamare, lamai, muntire Frasi a nois nos giúriat sèmpere ◊ ant sighidu a giulare a boghes mannas ◊ giuilesit, siscura, primma de ispirare ◊ la chirco, la giúilo e no l'agato ◊ a boghes l'apo giuiladu 2. lu giuilesint e recuieit luego ◊ no ti apo giuliadu pro nudha: est ca so gherrendhe cun sa morte! ◊ est giuilendhe a sa morte: Beni, acàbbami de bochire! Etimo ltn. iubilare Traduzioni Francese crier, appeler, gronder Inglese to shout, to call, to scold Spagnolo gritar, llamar, reprochar Italiano gridare, chiamare, sgridare Tedesco schreien, rufen, schimpfen.

ingargàre , vrb Definizione betare ingargos, tzérrios Sinonimi e contrari abberriare, abbochinare, abboigare, aboriai, atzerriai, berchidai Etimo srd. Traduzioni Francese crier Inglese to shout Spagnolo gritar Italiano urlare Tedesco schreien.

isbarabotàre , vrb: ispabarotare, ispaboratare, ispaparrotai, spaparotai Definizione foedhare meda e chentza bisóngiu, tzerriare, foedhare a tzérrios, nàrrere cosa de is àteros Sinonimi e contrari abbochinare, argiolae, arrallai, ciaramedhare, ciarrai, paraletare Frasi cun gopai ita totu eis ispaparrotau? 2. "Bos ant gitu dae sa pira a sa mela, sezis andhados che su chiliru a s'abba" est una manera de faedhare in cobertànscia pro no ispaboratare, chena ofesa Etimo srd. Traduzioni Francese crier Inglese to yell, to gossip Spagnolo vociferar Italiano vociare Tedesco schreien.

isprubbicàre , vrb Definizione iscandhaligiare, nàrrere una nova o chistione a totugantos, a sa gente peri su logu Sinonimi e contrari isbandhizare, iscandhulizire, piredhare, tamburinai, trumbitai | ctr. cuare Frasi sa birgonza chi aiat fatu bi l'at isprubbicada in dainanti de sa zente ◊ ite mi tantat chi su chi as fatu tue ti l'isprúbbico! Traduzioni Francese crier aux quatre vents Inglese to trumpet Spagnolo publicar, pregonar, airear Italiano strombazzare Tedesco ausposaunen.

orchidàre , vrb: orchitare, orghidare Definizione abboghinare, pesare a tzérrios, a órchidos, po dolore o dannu mannu Sinonimi e contrari abbochinare, abboigare, addolimai, berchidai, iscramorai Frasi luego torraiat a orchitare comente fachent sos tzecos Etimo srd. Traduzioni Francese crier de douleur Inglese to howl with pain Spagnolo gritar por el dolor Italiano urlare di dolóre Tedesco vor Schmerzen schreien.

scrillitài , vrb: iscrillitai* Definizione tzerriare o cantare cun boghe acutza, arta; sonare craru Sinonimi e contrari cerriai, iscribilliai Frasi Istevunedhu mi currit arriendu e scrillitendu a mi basai ◊ scrillitàst a su noti, grillixedhu ammachiau! Traduzioni Francese crier, s'égosiller Inglese to screech, to shriek Spagnolo chillar, gritar Italiano strìdere, strillare Tedesco kreischen.

zubilàre , vrb: giuilare*, zuilare, zulliare, zuvilare Definizione betare zúbilos, tzérrios (po dolore, po cricare a ccn.), pigare a tzérrios, a boghes, po briga Sinonimi e contrari abbochinare, atzerriai, iscramorare / ciamare, lamai, muntire Frasi odhè! odhè! ite raju ti est picandhe?! - zúbilat tziu Antoni ◊ atacat a zubilare che mere sulurjau chi brigat sos teracos ◊ cussu zúbilat che macu ◊ l’ant zulliata pro una disgràssia ◊ - Inuve la ponimus custa cosa? - zúlliat su fizu Traduzioni Francese crier Inglese to shout Spagnolo gritar Italiano gridare Tedesco schreien.