Ditzionàriu in línia
de sa limba e de sa cultura sarda

ammàchiu , nm Definizione cosa o unu chi faet ammachiare de cantu praghet o de cantu est bellu: nau a befa o in cobertantza, su contràriu / tènniri a. po unu = èssere ammachiados, alluscados pro unu Sinonimi e contrari abbaradhamentu, dischíssiu 2. coromeu carigadu, ses un'ammàchiu!… Etimo srd. Traduzioni Francese enchantement, folie, tocade Inglese madness, spell, infatuation Spagnolo encanto, chaladura Italiano incanto, follía, infatuazióne Tedesco Zauber, Wahnsinn, Schwärmerei.

dischíssiu , nm Definizione su dischissiare, su issentire, fàere a tropu coment'e ammachiandhosi Sinonimi e contrari ammàchiu, dellíriu, irbariamentu, macheine / ttrs. mancantumu Frasi atentu chi ti ponet in dischíssiu, su pipare! ◊ una pena so sufrindhe chi mi picat a dischíssiu: mi est che seu cussumindhe…◊ mancari pilicanu, mi picant a dischíssiu sas penas de s'amore! ◊ sos puzones sunt piliendhe a dischíssiu ◊ bintos dae sa música a dischíssiu che a sos ursos ballant e s'istentant Etimo spn. desquicio Traduzioni Francese folie, démence Inglese madness Spagnolo demencia, locura Italiano insània, demènza, ammattiménto Tedesco Wahnsinn.

fogiúdu , agt: fozudu Definizione chi portat fògia, nau de cambu, de mata Sinonimi e contrari fogidu, follosu | ctr. ifogiu Frasi sos brufularzos sunt afitianados a sos úlumos fozudos (Q.Falchi) Etimo srd. Traduzioni Francese folié Inglese leafy Spagnolo foliáceo Italiano foglìfero Tedesco Blätter.

iscasciúmine , nm: iscassiúmine Sinonimi e contrari iscàsciu, machímene Frasi sunt sas virtudes chi meritant importàntzia, e no tzertos istrambos iscasciúmines! (Piga)◊ sa zente a bídere cuss'ómine tontu cret a iscasciúmine ◊ si mustras carchi printzípiu de iscassiúmene ti che lampo a foras! ◊ custas randhinadas sunt che a sos iscassiúmenes de sos betzos Etimo srd. Traduzioni Francese folie Inglese madness Spagnolo locura Italiano pazzìa Tedesco Wahnsinn.

iscassiadúra , nf Definizione su iscassiare Sinonimi e contrari iscansadórgiu / ischissiadura 2. sos duos zòvanos ant passadu un'annu de passione e de iscassiadura Etimo srd. Traduzioni Francese folie Inglese deviation, going mad Spagnolo enloquecimiento Italiano deviazióne, impazziménto Tedesco Ablenkung, Verrücktwerden.

ischíssiu , nm: schísciu 1 Definizione dellíriu, dolore, praxere, cuntentesa manna a ammachiadura; cosa de papare licante meda / a i. = a ammachiadura, a machine, a meda Sinonimi e contrari dischíssiu*, ilgiru, iscàsciu, iscassiadura, schissiori / cuntentesa, prégiu / bràtzimu Frasi mi portas ancora ischíssius de beranu in cust'atóngiu ◊ su pallone dhi pigat a ischíssiu 3. su pisci arrustiu mi praxit a ischíssiu! Traduzioni Francese folie, extravagance Inglese insanity, weirdness Spagnolo locura Italiano follìa, stravaganza Tedesco Wahnsinn, Überspanntheit.

macheíne , nm: machine, machini Definizione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza igudítziu, pagu abbista; css. fata o nada pagu sàbia, fintzes cosighedha de pagu importu Sinonimi e contrari machíghine, machímene | ctr. sabidoria, sabine Modi di dire csn: a m. = a meda, a fuliadura, a malistropiadura, o fintzas chentza zudíssiu; essíreche in machines = nàrriri iscimprórius, acabbai nendi tontesas, essiri in coranta mois; catzare su m.= lassai de fai tontesas, imparai a no fai tontesas, iscrammentai Frasi machine si niat, custu, sempre zoghendhe!…◊ su machine est de trinta ses zenias e tue l'as leadu 'e trinta sete! (Sassu)◊ ista mudu e lassa sos machines! ◊ che ingullit pro bonos totu sos machines chi intendhet ◊ ti lu catzat su machine si leas su ferru ingrujadu a manos!…◊ ponindhe fatu a su machine tou no mi apo fatu sas fainas ◊ su macheine unu filu at de picare! 2. at brigau po machines 3. los istimaiat a machine ◊ in campu bi fit s'antunna a machine Cognomi e Proverbi prb: de machine e poesia ognune at sa parte sua ◊ su machine alligatu est peus de su naturale Etimo srd. Traduzioni Francese folie, sottise Inglese madness, nonsense Spagnolo locura, desatino Italiano pazzía, dissennatézza, scemènza Tedesco Wahnsinn, Unsinn, Unverstand, Dummheit.

machiòre, machiòri , nm Definizione pecu mannu de su cumportamentu de sa persona chi ammostat de no portare capia, de no cunsiderare is cosas, de èssere chentza giudítziu, pagu abbista; css. fata o nada pagu sàbia; dannu fatu chentza dhue pentzare bene, faendho a sa maconatza Sinonimi e contrari desatinu, lochesa, locura, macheine, mancantésimu, mediori / travessura Modi di dire csn: piàchere a m. = pràxiri meda; bogai is machioris de conca a unu = catzàreli su machine, currèzerelu, iscarmentàrelu Frasi est unu machiori solu a dhu pentzai chi un'ómini de otanta annus bandit a si cojai cun d-una picioca de dexiotu! ◊ mancu mali chi no dhi est benniu su machiori de bociri custa puru! Etimo srd. Traduzioni Francese folie, sottise Inglese craziness Spagnolo locura Italiano pazzía, dissennatézza, scemènza Tedesco Wahnsinn, Unsinn, Unverstand, Dummheit.

mediòre, mediòri , nm Definizione su èssere médios, macos, su pentzare, nàrrere o fàere cosas macas Sinonimi e contrari machiore / badhinzu, imbadhinzu, ingadheinzu, loinu, luinore Frasi bogadindedhu su mediori de conca! Etimo srd. Traduzioni Francese folie Inglese madness Spagnolo locura Italiano follìa Tedesco Wahnsinn.