Ditzionàriu in línia
de sa limba e de sa cultura sarda

bantagéri , agt, nm: abantaxeri, bantaxeri, bantazeri, brantaxeri, vantageri Definizione chi si abantat, chi si credet Sinonimi e contrari alabadori, banosu, bantaditu, bantaredhu, brafanteri, bragheri, creitosu, galanterarzu, galaberosu, pageri, pagiosu, scaviau, spamparroni, tzantzarrosu, vantagiosu, ventulanu Frasi su bantaxeri arat a otu giuus…, ma is terras sunt allenas e is bòis non sunt suus! ◊ po cantu brantaxera, est de coru bonu ◊ sa barrachedha dha tengu giai e no isceti cussa, sentza de fai tanti su brantaxeri! Terminologia scientifica ntl Etimo srd. Traduzioni Francese vaniteux, vantard, fanfaron, hâbleur Inglese braggart Spagnolo jactancioso, vanitoso, fanfarrón Italiano vanitóso, millantatóre Tedesco eitel, Prahler.

brafantéri , agt, nm: bravanteri, bravateri Definizione barrosu, chi si credet meda bantandhosi de cosas mannas Sinonimi e contrari bagianu 1, bantageri, barrosu, brafanti, bragliosu, cuapu, fanfarroni, frallusteri, ispaparoteri, sballadori, spageri, sprodhenti Frasi brafanteri, torra, ca giogas cun megus: a is lanas de asegus creimí ca ti pigu! ◊ cussas duas, mamma e filla, funt atrividas e bravanteras Terminologia scientifica ntl Etimo srd. Traduzioni Francese hâbleur, suffisant, orgueilleux, esbroufeur Inglese boaster Spagnolo jactancioso Italiano borióso, sbruffóne Tedesco hochmütig, Aufschneider.