Ditzionàriu in línia
de sa limba e de sa cultura sarda

allaputzài , vrb: allepuciae, allepuciai, alleputzai, alleputzare, alliputzai, ellepuciare Definizione papare calecuna cosa, torrare in fortzas, ingrassare; bestire bene, bene cuncordaos, su si fàere bellos in contu de bestimentu Sinonimi e contrari allepuciri, arrempudhire / addinghillai, allepuritzare, arrepicai 2, assamodare, atrigliare, chinchinnare, cumpòniri, cuncodrai Frasi castit, su dotori, chi mi dha podit torrai a allaputzai sa piciochedha, ca est mesu iscòncia ◊ pensa a sa saludi: a trabballai gei andat bèni, ma innantis ti depis torrai a alleputzai! (I.Murgia) 2. poneisí is capedhus e allaputzaisí bèni! ◊ funt sannoris totu bèni allaputzaus e boint èssi serbius cun totu s'arraspetu ◊ dhui fiat genti totu alliputzara, totu infrochitara ◊ e tochit, babbai, allaputzissí ca seus in festa! Etimo srd. Traduzioni Francese ragaillardir, se pomponner, se parer Inglese to dress up to make cocky (oneself) Spagnolo fortalecer, acicalarse Italiano rinvigorire, ringalluzzire, attillarsi Tedesco stark werden, eitel werden, sich aufputzen.

alleporedhàre , vrb Definizione èssere alligros; èssere o bènnere in calore Sinonimi e contrari alleporizare, apudhai, apudhichinare, incaboniscai, ingrigliare / insuai Etimo srd. Traduzioni Francese ragaillardir Inglese to make cocky, to be merry Spagnolo estar alegre, estar cachondo Italiano èssere allégro, ringalluzzare Tedesco fröhlich sein, eitel werden.

alleporedhàu , pps, agt Definizione de alleporedhare Sinonimi e contrari alleputzau, alleporizadu, arreputzadu / incaboniscau, ingrigliadu Traduzioni Francese ragaillardi, gai Inglese made cocky, merry Spagnolo alegre, cachondo Italiano ringalluzzito, allégro Tedesco eitel geworden, fröhlich.

alleporizàre , vrb Definizione brinchidare che a su lèpere, èssere alligru, nau fintzes de sa natura de s'ómine candho si faet tètera / macu alleporizadu = chi si giaet a fàere Sinonimi e contrari alleporedhare, apudhai, apudhichinare, incaboniscai, ingrigliare Etimo srd. Traduzioni Francese ragaillardir Inglese to make cocky Spagnolo estar alegre, ponerse cachondo Italiano ringalluzzire Tedesco eitel werden.

alleputzàu , pps, agt: alliputzau Definizione de alleputzai Sinonimi e contrari alleporedhau, alleporizadu, alleputziu, arrempudhiu, trinitu / cdh. achinchinnatu 2. totu alleputzau si dha cantat, prexau! 3. gei ses alleputzau, oi, paris unu sennori! ◊ mulleri alleputzada… corramenta segura! ◊ cun pobidhu miu gi no fiat cosa de s'arrosci, sempri bèni alliputzau fiat Traduzioni Francese ragaillardi, gai, pomponné Inglese made cocky, merry, dressed up Spagnolo alegre, acicalado Italiano ringalluzzito, allégro, agghindato Tedesco eitel geworden, fröhlich, herausgeputzt.

apudhài , vrb: apudhare Definizione su si che artzare a su pudhàrgiu, a s’acorru de is pudhas, artzare a pitzu de calecuna cosa che is pudhas; andhare a in artu; su si crèdere meda, bogare atza che pudhu in mesu de pudhas Sinonimi e contrari apiculai, apodhilare, apudhalzare / ampiai, alciare / alleporedhare, alleporizare, apudhichinare, incaboniscai, ingrigliare Frasi ma càstia cussu caboni chi si est apudhau asuba de sa carrada! ◊ custa pudha fiat apudhada asuba de unu muntoni de òru… 2. sa nébida a mengianu de su Frumindosa si ndi apudhat a bidha Etimo srd. Traduzioni Francese se percher, ragaillardir, remplir d'orgueil Inglese to perch, to make proud, to make cocky Spagnolo posarse los pájaros, engallarse Italiano appollaiarsi, ringalluzzire, insuperbire Tedesco sich niederkauen, eitel werden, stolz werden.

apudhichinàre, apudhighinàre , vrb Definizione fàere su pudhighinu, che is pudhighinos, nau prus che àteru in cobertantza de is piciochedhos; su si pònnere o istare che pudhas, che pudhighinos in pitzu de calecuna cosa Sinonimi e contrari alleporedhare, alleporizare, apudhai, incaboniscai, ingrigliare / apudhalzare 2. apudhighinada in sas àlbures, sighiat a si fàghere sa zoronada budhinne cariasa Etimo srd. Traduzioni Francese s'enorgueillir, ragaillardir Inglese to make proud, to make cocky Spagnolo engallarse Italiano insuperbirsi, ringalluzzire Tedesco stolz werden, eitel werden.

arrampudhíu , agt: arrempudhiu, arrepudhiu Definizione chi est in pudhu, inganatzidu, fintzes bestiu bene Sinonimi e contrari alleputzau, galosu, inganatzidu Frasi su bírdiu fiat un'ómini arrampudhiu e sena de rispetu perunu po sa fillasta (F.Carlini)◊ nara, o piciochedhu… ge non ast a èssi tropu arrampudhiu, chi bolis intrai aundi est filla mia?!…◊ ma càstia, est béciu ma barrosu e arrampudhiu, circhendi fémina po si torrai a cojai! Etimo srd. Traduzioni Francese ragaillardi Inglese cocky Spagnolo engreído Italiano ringalluzzito Tedesco eitel.

arreputzàdu , agt Sinonimi e contrari alleporedhau, alleporizadu, incaboniscau, ingrigliadu Frasi die cun die lu bido prus arreputzadu (G.Ruju) Traduzioni Francese ragaillardi, vif Inglese lively, jaunty Spagnolo vivo, vivaracho Italiano ringalluzzito, vivace Tedesco eitel, lebhaft.

bagiànu 1 , agt: bogianu Definizione chi si credet, chi si giaet importu mannu Sinonimi e contrari abagiau, agiogatzadu, bagianeri, bantageri, brafanteri, frallusteri, gioguanu, ispacone, marietadore, piberudu, scaviau, ventulanu Frasi cantendi bagianu, gosat de s'oghianu, pinnas doradas bogat: gei est unu caboniscu!…(E.Pintor Sírigu)◊ su bagadiu est connotu a su passu bagianu ◊ no bis aundi ti ghetas, bagadiu bagianu! Terminologia scientifica ntl Etimo itl. baggiano Traduzioni Francese vaniteux Inglese vain Spagnolo vanidoso, presumido Italiano vanitóso, civettuòlo Tedesco eitel.

blaghéri , agt: bragheri Definizione chi o chie bragat de is cosas suas, mescamente candho est a tropu; chi portat braga, chi ndh'est cuntentu meda, de calecuna cosa o de ccn. / ogu bragheri = s'ogru mortu de una puda Sinonimi e contrari bantaditu, bantageri, bragosu, creitosu, galaberosu, ispacone, ispazeradore, pageri, pagiosu, scaviau, ventulanu Frasi no lu dabat a bíere, ma fit bragheri ca su ghéneru l'aiat pesau ◊ pagu braghera… nanca tenit domu bella cun sala e aposentus no isciu cantus! ◊ su paone est un'animale bragheri ◊ no ti acatas chi ses totu ischinniu, bragheri?! Terminologia scientifica ntl Etimo itl.p blaghè Traduzioni Francese vaniteux Inglese vain Spagnolo vanitoso Italiano vanitóso Tedesco eitel.

conchilébiu , agt, nm: conchilépiu Definizione nau de chie tenet unu cumportamentu pagu sériu, giau a is violeras, prus che àteru in chistiones de féminas (o de ómines) Sinonimi e contrari conchibballadu, conchiminudu, crebedhilébiu, frioleri, ilgiradu / curriola | ctr. séliu Frasi cussa est una conchilébia, sempre cun s'unu e cun s'àteru Terminologia scientifica ntl Etimo srd. Traduzioni Francese frivole Inglese frivolous (person), forgetful Spagnolo frívolo Italiano frìvolo, leggèro Tedesco eitel, eitler Mensch.

impompàdu , pps, agt Definizione de impompare; chi si credet meda, chi si giaet bàntidos Sinonimi e contrari apompadu, bagianeri, bagianu 1, bragosu, ibbadu 2. bene impompadu essit a piata ispaconendhe, reu che pinnone! ◊ tziu Fidele fit ghirendhe chin s'ebba, a soga armigodhu e a berrita impompada Traduzioni Francese vaniteux Inglese made proud Spagnolo creído Italiano invanito Tedesco eitel geworden.

impompàre , vrb Definizione su si crèdere tropu, èssere tropu prexaos de sèi etotu; fàere bellu, pònnere cosa po bellesa Sinonimi e contrari apompai, bragai, sisirinare Frasi impompada si est a festa torra Flora chin ghirlandhas de vida colorias ◊ si ti amos bogadu a bella… t'impompas, ti allixas! ◊ sa fémina moderna candho s'impompat s'innudat s'ischina ◊ de s'ebba tua si ndhe cherent impompare Etimo srd. Traduzioni Francese se pavaner Inglese to make proud Spagnolo presumir Italiano invanire Tedesco eitel werden.

impomponàre , vrb rfl Sinonimi e contrari apompai, impaonare 1, impompare, impomporredhare Etimo srd. Traduzioni Francese se pavaner Inglese to strut about Spagnolo pavonearse Italiano invanirsi, pavoneggiarsi Tedesco eitel werden.

incaboniscadúra , nf Definizione su s'incaboniscai Etimo srd. Traduzioni Francese action de se rengorger Inglese becoming cocky Spagnolo envalentonamiento, engreimiento Italiano ringalluzziménto Tedesco eitel werden.

ingrigliàdu , pps, agt Definizione de ingrigliare Sinonimi e contrari alleporedhau, alleporizadu, arreputzadu, incaboniscau Traduzioni Francese ragaillardi Inglese cocky (made) Spagnolo engallado Italiano ringalluzzito Tedesco eitel.

ingrigliàre , vrb Definizione abbiatzare, essire prus atzudos e inganios Sinonimi e contrari alleporedhare, alleporizare, apudhai, apudhichinare, incaboniscai, ingrilliri Frasi a sa música allegra s'ingrígliant finas sos betzos Etimo srd. Traduzioni Francese ragaillardir Inglese to make cocky Spagnolo engallar Italiano ringalluzzire Tedesco eitel werden.

pagiósu , agt, nm: (pa-gio-su) palliosu pazosu Definizione chi o chie, credendhosi meda, si giaet bàntidos chentza ndhe meritare, acostumat a bragare, a fàere braga Sinonimi e contrari bantaditu, bantageri, blagheri, bragosu, creitosu, ispacone, ispazosu, lantariarzu, pageri, pazaghe, pazesu, pudhosu, ventulanu / cdh. padhosu, ttrs. pagliosu Frasi tenet méritos de dogni calidade, ma no est pazosu ◊ su dindu pazosu altzat sa conca e tórrinat sa coda ◊ tue as presumu e ses pazosa ◊ mafiosu est chini dhi praxit a èssiri sèmpiri bèni allichidiu, unu gallosu, palliosu ◊ ndhe fit pazosa ca andhaiat rea che a sos àteros Terminologia scientifica ntl Etimo srd. Traduzioni Francese vaniteux Inglese conceited Spagnolo vanidoso Italiano vanitóso, vanaglorióso, immodèsto Tedesco eitel, selbstgefällig.

vanidadósu , agt, nm Definizione chi o chie giaet importu a cosighedhas de pagu contu, chi mancari parent bellas ma no funt de sustàntzia; chi si credet, chi si giaet importu mannu, fintzes bellu meda Sinonimi e contrari banosu, blagheri, creitosu, ispacone, pazaghe / cdh. vanaredhu 2. li ant fatu un'interru vanidadosu: unu muntone de grillandhas e de lussu bi aiat Traduzioni Francese frivole Inglese frivolous Spagnolo frívolo Italiano frìvolo Tedesco eitel.