Ditzionàriu in línia
de sa limba e de sa cultura sarda

fiòca , nf: floca, froca Definizione tàpile, orrughedhu de nie comente calat de is nues candho niat, ladu e fine; s'abru de s'ou iscumbatau cun tzúcuru fintzes a essire biancu nidu e coment’e ispruma / min. frochita, froca minuda a zisa de suchitu; àcua froca = abba astrada, frita meda; fritu (agt) che fioca = fridu meda Sinonimi e contrari atògia, ispiàtzulu, pàmpula, solla, tadhàine Frasi a bàtiles falada est sa fioca, cobertu at pastura, linna e roca ◊ fit una die de iberru mala e frita, fit frocandhe a froca lada 2. po fai sa turta s'abriou si pesat a froca 3. sos iltrunellos sunt acudindhe che a sa fioca, a su gialdinu ◊ totu gallizendhe a chie la podiat bogare prus bella, sas fàulas fint falendhe che a sa froca! (M.Dore) Cognomi e Proverbi smb: Fiocca Terminologia scientifica tpm Etimo ltn. floccus Traduzioni Francese flocon de neige Inglese snowflake Spagnolo copo de nieve Italiano fiòcco di néve Tedesco Schneeflocke.

fiocàda , nf: frocada Definizione su frocare, passada de nie Sinonimi e contrari niada 1, niadura Frasi in piús de otant'annos, nonnu no ndhe aiat bidu mai fiocadas gai mannas e sighidas Terminologia scientifica tpm Etimo srd. Traduzioni Francese chute de neige Inglese snowfall Spagnolo nevada Italiano nevicata Tedesco Schneefall.

ní , nf, nm: nia, nibe, nie, nive Definizione istídhigu de abba cagiau, astrau, ma chi, a diferéntzia de su gràndhine, at fatu coment'e agúgias a bisura de frore chi formant unu pigighedhu ladu cantu s'unga (froca, upm) o fintzes prus piticu (ma a bortas a suchitu, a farinos piticos) e po cussu arresurtat lébiu, modhe e calat lenu lenu, abbellu, unu pagu coment'e bolandho / min. nivichedhu Modi di dire csn: fàghere o pònnere nie, leàreche, iscazare o pesàreche su nie; nie russu = a pillu grussu; trubuscada de nibe = traschia de nie; frocos de nibe = tàpiles de froca, solla; selenadu nie = nadu cun istima de ccn., prendha; biancu che nibe = biancu biancu, biancu nidu Frasi su nie in montes at fatu a pizu russu ◊ ajozi a fàghere pupones de nie! ◊ fit nibau e sos intzidiadores ant preparau una botza de nibe ◊ frida che sa ní, no dh'iat calau una làmbriga po su mortu! ◊ cada tantu s'ischitzinavat pro che dogare su nive dae supra ◊ su bestiri suu si fuat fatu biancu chei sa ní ◊ prus de su ní est de tímiri sa ciligia ◊ fut giai ispibisiandho unu nie finivini ◊ sa nie in su monte ist arta meda Terminologia scientifica tpm Etimo ltn. nive(m) Traduzioni Francese neige Inglese snow Spagnolo nieve Italiano néve Tedesco Schnee.

niàda 1 , nf, nm: niadu 2, nibada, nivata Definizione su frocare, fàere nie, ma fintzes fritu meda Sinonimi e contrari fiocada, niadura / nibera Frasi est fiochendhe meda: custa essit niada de sas mannas! ◊ tra una ghidhighia e una nibada, su tempus fit colandhe ◊ morzeit sa robba de sa niada manna in cuss'altura ◊ no l'apo a ilmentrigrare mai po cantu duro s'annu de su niadu mannu! 2. inoghe che at sole, ma in cuss'umbrinu bi est sa niada! Etimo srd. Traduzioni Francese chute de neige Inglese snowfall Spagnolo nevada Italiano nevicata Tedesco Schneefall.

niàdu , pps, agt: nibau, niau Definizione de niare; nau de logu, chi est carragiau de nie, chi est fridu che nie Sinonimi e contrari fiocadu / astragau, fridu Frasi at niadu pagu, ocannu 2. in montes est totu niadu ◊ sicomente fit nibau, sos amicos ant fatu botzas de nibe ◊ bido s'abba iscantada currendhe dae sas cristas niadas ◊ bentu fritu torresit, astraore, e sas serras niadas si fint bidas (P.Sulis)◊ daghi su logu est niau est perigulosu a s'orrúere 3. callentadi, portas sos pes niaos coment'e duos cantos de astrau!◊ sa pitzinna giuchet sos càvanos nivatos de pódhine Traduzioni Francese neigé, enneigé Inglese snowed, snow-clad Spagnolo nevado Italiano nevicato, innevato Tedesco schneebedeckt, verschneit.

nibichédhu , nm Definizione nie, ma pagu, a pigighedhu, de pagu contu, o fintzes fine fine, a granighedhos piticos Sinonimi e contrari frochita 1, nisotu, pilissapilissa, ranzola, sarighedhu, solloca Traduzioni Francese neige fondue Inglese sleet Spagnolo aguanieve, nevisca Italiano nevìschio Tedesco leichter Schneefall.

ranzòla , nf, nm: ranzolu 1 Definizione frochighedha, nie a farinedhos, fine fine Sinonimi e contrari frochita 1, grantzola*, nisotu, pilissapilissa, randhinedhu, sarighedhu, solloca Frasi fit betendhe ranzola e abba a cadinos ◊ est faghindhe néula, bentu e nues de ranzola ◊ fit die mala de funadas de ranzola e de nie ◊ dogni ranzolu de nie chi che li falaiat subra li faghiat efetu mannu Cognomi e Proverbi prb: Nostra Segnora de sa cincirriola o faghet bentu o faghet ranzola Terminologia scientifica tpm Traduzioni Francese neige fondue Inglese sleet Spagnolo nevisca Italiano nevìschio Tedesco Schneeregen.

sòlla , nf Definizione pigighedhu de cosa pitichedhedha e fine, mescamente de pódhine; froca comente calat a orrugos lados cantu s'unga / s. de pódhini = una de is partes prus fines de su pódhine; s. de nue = nuighedha bianca Sinonimi e contrari atiza, cadassa, crosta, freadu, itzolla, muga, pagiagoda, tizola, tògia* / abighíngiu, arritzu 1, brutura, fioca, grisu 1, rena, renza, tadhàine / ispiàtzulu 2. is paperis che solla si apatant in su pamentu (F.I.Congiu) Cognomi e Proverbi smb: Solla Traduzioni Francese grain, fragment, flocon de neige Inglese speck, snowflake Spagnolo pizca, copo de nieve Italiano brùscolo, fiòcco di néve Tedesco Körnchen, Schneeflocke.

tadhàine , nm Definizione su nie comente calat de is nues a orrughedhos lados / leporedhas de t. = tàpiles de froca Sinonimi e contrari atògia, fioca, ispiàtzulu, solla 2. réndhias sont sas pàrpalas e a s'ischintidha bia de sa mirada rutu est su tadhàine de sa morte Etimo srdn. Traduzioni Francese flocon de neige Inglese snowflake Spagnolo copo de nieve Italiano fiòcco di néve Tedesco Schneeflocke.