Ditzionàriu in línia
de sa limba e de sa cultura sarda

bruxajólu , nm Definizione bentu chi si movet a molinadura Sinonimi e contrari boriana, mobinada, momonissa, subbitana, torvellinu, tremuine, turbiana Etimo srd. Traduzioni Francese tourbillon Inglese whirl Spagnolo remolino, torbellino Italiano vòrtice Tedesco Wirbel.

buliòne, buliòni , nm: bullioni Definizione nue forte de bentu a mulinadura (fintzes nue de pruine)/ bentu bulioni = bentu forte, moimoi, tragonaja Sinonimi e contrari boriana, bruxajolu, mommurzolu, momonissa, subbitana, torvellinu, tramúghine, tremuine, tribizone, turbiana Frasi iscuros chi s'ispíritu bos giughet che fozas sicas in su bulione! (S.Casu)◊ s'aera at isfogadu: est reseta, calmada s'ira de sos buliones ◊ a su bentu de travuntana, sas fozas sicas si moviant a buliones pariant macas ◊ ndhe at essidu unu bulione a borrighinos dae s'inferru… at distrutu totu! ◊ cussu est bulione chi ndhe betat sas cuberturas Etimo srd. Traduzioni Francese tourbillon Inglese whirl Spagnolo torbellino Italiano tùrbine Tedesco Wirbelwind.

carrópu , nm: corropu, garropu Definizione tretu de un'erriu, mescamente in logu de orrocas, chi si che ingurtit cantu abba dhue intrat, o fintzes aperta o isperrada de s'orroca ue essit s'abba; paule de abba in is errios mannos; aperta manna in is orrocas e fintzes solu orroca; bentu a molinete Sinonimi e contrari barrocu / bàtiga, fògia 1, gurgu 1, gúrguru, pógiu, trógliu Modi di dire csn: fai s'andada de sa pedra in su carropu = fàghere sa tucada de su fumu, andhare e no torrare prus; carai che perda in corropu (nadu de cosa a manigare chi piaghet meda)= ingullire, manigare impresse Frasi sidiu che corropu ◊ gei est nudha s'àcua chi bufat, custu: parit unu corropu!… 2. a piciochedhus andastis a is corropus de s'arriu a nadai e acabussai ◊ funt carropus prenus de àcua chi in s'istadi fragant 3. ancu s'ispéntimit in d-unu carropu e no ndi abarrit arrogu! Terminologia scientifica slg Etimo srdn. Traduzioni Francese tourbillon, rivière Inglese whirlpool Spagnolo remolino Italiano górgo Tedesco Wirbel.

furiòne , nm Definizione nue de bentu forte meda Sinonimi e contrari boriana, bruxajolu, molione, mommurzolu, subbitana, torvellinu, tramúghine, turbiana Frasi ch'esseit a fora che furione de dimónios ◊ sos ómines bidia impiuerados in d-unu furione de paza: armados de furcone, pariant diàulos! ◊ at fatu truvadas de bentu a furiones Traduzioni Francese tourbillon de vent Inglese whirl Spagnolo torbellino Italiano tùrbine Tedesco Wirbelwind.

moliòne , nm: mulione Definizione nue forte de bentu chi si movet a molinadura, fintzes àteru chi si movet coment'e molinadura, cosa ammuntonada Sinonimi e contrari bulione, mummugione, mumujolada Frasi un'oreta su bentu a muliones batidu ndh'at sas nues dae mare ◊ si pesant a bolu muntones de piúere a muliones ◊ sa fioca est calendhe a muliones 2. sa machinedha de segare erba lassat s'erba segada a moliones e no isprata Etimo srd. Traduzioni Francese tourbillon Inglese whirl Spagnolo torbellino Italiano vòrtice d'ària Tedesco Luftwirbel, Wirbel.

mummugiòne , nm: mummujone Definizione nue forte de bentu Sinonimi e contrari bulione, molinada, mommurzolu, momonissa, mumujolada, torvellinu, tribizone Terminologia scientifica tpm Etimo srd. Traduzioni Francese tourbillon Inglese eddy Spagnolo vórtice, remolino Italiano vòrtice Tedesco Wirbelwind.

piueràza, piueràzu , nf, nm Definizione pruine bolandho, pesau a bolare Sinonimi e contrari peúere, proine Frasi una nue de piueraza che intreit in sas zannas abbeltas Etimo srd. Traduzioni Francese tourbillon de poussière Inglese dust cloud Spagnolo polvareda Italiano polverìo Tedesco Staubwolke.

prueràrgia, prueràrza , nf: prugheraza Definizione pruine etotu ma pigau a meda, a nue Sinonimi e contrari brúere, bruine, piúghere Frasi nue de prugheraza ◊ prugheraza de istedhos nobales mi est fudighinandhe sa petorra (G.Piga) Etimo srd. Traduzioni Francese tourbillon de poussière Inglese dust cloud Spagnolo polvareda Italiano polverìo Tedesco Staubwolke.

remolínu, remólinu , nm: remollinu Definizione unu nuu de bentos fortes chi si movent a molinadura, abba chi faet a molinadas in mare o in is errios / a remollinu = a biraorba, a egas e a ogas Sinonimi e contrari arremúliu, molinete, piorissa, remolinada 2. su trainu, in badhes serradas e revessas cun cursu a remollinu si che insacat (Piras) Traduzioni Francese tourbillon Inglese swirl Spagnolo remolino Italiano vòrtice Tedesco Wirbel, Strudel.

tremizólu , nm, agt: tremuzolu, trimizolu, trummutzolu, trumuzolu, trumuzoru Definizione nue forte de bentu a molinadura; chi tremet o faet trèmere Sinonimi e contrari bruxajolu, molione, mommurzolu, momonissa, mummugione, torvellinu, tramúghine, tremuine, trumujone Frasi si est pesadu unu tremuine de tremizolos chi no at lassadu téula in copertura ◊ si pesat unu trummutzolu e faet bolare totu sos pratos ◊ si fuit pesau unu tremizolu chi faiat bolare foza, proine e crabeturas 2. ses bolitanne che frocu de lana crébina portadu de una frina tremizola Terminologia scientifica tpm Etimo srd. Traduzioni Francese tourbillon de vent Inglese whirlwind Spagnolo torbellino Italiano tùrbine di vènto Tedesco Wirbelwind.

tribizòne , nm: triminzone, trimizone, trimizoni, tripicione Definizione nue forte de bentu, mescamente a molinadura; truma de gente, muntone o apicone de frutuàriu / trimizoni de pampas = pampada manna Sinonimi e contrari bruxajolu, bulione, mommurzolu, momonissa, torvellinu, tramúghine, tremuine, trumujone / cdh. trimignoni / crimizone Frasi si sont torradas a pesare sas tiliocas inchisinadas in trimizones de prúghere ◊ a sa torrada si mi pesant de imbotu sos trimizones de sas tiliocas a fríghidas e frúscios ◊ tres boltas sa die s'undha bi faghet unu trimizone ispumosu 2. sa superba la bogat a trimizones ◊ manos sàbias tàpulant tripiciones de bogada ◊ bi at unu trimizone de sonazas apicadu Traduzioni Francese tourbillon Inglese whirl Spagnolo remolino, torbellino Italiano vòrtice, tùrbine Tedesco Wirbel.

trumujòne , nm: trumunzone, trumutzone, trumuzone Definizione nue forte de bentu a molinadura Sinonimi e contrari bruxajolu, mobinada, mommurzolu, momonissa, mummugione, torvellinu, tramúghine Frasi dontzi trumutzone de ventu nche li vatut sa voche dae tutue Terminologia scientifica tpm Etimo ltn. *turbinione(m) Traduzioni Francese tourbillon Inglese whirl Spagnolo torbellino Italiano tùrbine Tedesco Wirbel.