Legenda Abbreviazioni | Legenda Simboli

ghighína , nf Definizione coa o fundhurúgiu de argiola, s’úrtimu laore chi si ndhe arregollet, brutu meda; cosighedha de pagu contu Sinonimi e contrari alzenina, genina, ghinina, musina, purgadura Frasi eo mi conto su granu maduru, a bois bos lasso sa ghighina! ◊ dae totu sos terrinos chi tenet b'intrat una ghighina a dommo sua ◊ a una pudhichina no li mancat ghighina ◊ in manos suas s'ànima de su cristianu est minore minore, si fachet cant'e unu granu de ghighina Traduzioni Francese émondage, bagatelle Inglese weeds, trifle Spagnolo granza, quisquilla Italiano mondatura, quisquìlia Tedesco Schale, Abfälle (Pl.), Klenigkeit, Quisquilien (Pl.).

musína , nf Definizione cosa o àliga chi si ndhe sèberat e bogat prugandho laore Sinonimi e contrari alzenina, genina, ghighina, ghinina, ischivozu, purgadura Cognomi e Proverbi smb: Musina Etimo srd. Traduzioni Francese nettoyage, émondage, épluchage, épluchure Inglese cleaning, weeding Spagnolo monda Italiano mondatura Tedesco Spreu, Abfälle (Pl.).

prugadúra , nf: purgadura Definizione su prugare calecuna cosa, mescamente is laores innanti de dhos mòlere o de dhos còere; sa malesa o brutesa chi si ndhe bogat prugandho: foedhandho de su frutu de is matas, cussu guastu o difetosu chi ndhe lassant orrúere chentza lòmpere Sinonimi e contrari purgamentu / alzenina, culischedhu, genina, ghinina, ischivozu, musina Frasi sas féminas ant fatu sa purgadura de su trigu pro sa cota Etimo srd. Traduzioni Francese nettoyage, émondage Inglese cleaning Spagnolo mondadura, monda Italiano mondatura Tedesco Reinigung, Säuberung.

pudadúra , nf: putatura Definizione su pudare, nau fintzes de sa manera; sa linna segada pudandho Sinonimi e contrari pudera, pudóngiu Frasi isse at manuza segura in sa pudadura 2. sa pudadura collidendhela a su fogu! Traduzioni Francese émondage Inglese pruning Spagnolo poda Italiano potatura Tedesco Baumschnitt, Beschneidung.

pudóngiu , nm: pudonzu Definizione su pudare Sinonimi e contrari pudadura, pudinzu Etimo srd. Traduzioni Francese émondage Inglese lopping Spagnolo poda Italiano potatura Tedesco Baumschnitt, Beschneidung.

«« Cerca di nuovo