Ditzionàriu in línia
de sa limba e de sa cultura sarda

achè , avb, nm: achelu Definizione foedhu chi narant po ammostare una cosa; cositedha de pagu contu, fintzes iscusa, iscórtziga / no cumprèndhere un'achè = no cumprendi una cibudha Sinonimi e contrari acodhu, addeallu, ajallu, allodhu, midhu / arraghèscia, bóciga Frasi mih sa luna, achè su chelu cun su mare adhae adhae chi si basant! ◊ achela, in su giardinu anzenu annidada che columba ferida, che umbra de manos réndhidas! (L.Massa) 2. si agato un'achè ti che bogo dae sas terras mias! ◊ devo dare su contu a su sótziu meu e no cherzo chi bi nascat unu achè Traduzioni Francese voilà!, rien, prétexte Inglese here it is!, trifle, excuse Spagnolo he aquíahí, aquíahí tienes Italiano ècco!, nonnulla, pretèsto Tedesco hier, nichts.

arrevenícu , nm Definizione cosighedha de pagu contu [Spano, Proverbi 288: ventagli] Sinonimi e contrari bóciga, gnagneria, pimpirimpau Frasi no teneus dinai po pani e comporaus arrevenicus! Traduzioni Francese rien Inglese trifle Spagnolo nonada Italiano nonnulla Tedesco Kleinigkeit.

búzera, búzerra , nf Definizione cosighedha de pagu contu Sinonimi e contrari bóciga, gnagneria, níchili, pachitate Frasi no balit una búzerra ◊ no mi ndhe importat una búzerra ◊ no nd'iscít una búzerra 2. bogas modas, prefàglios e buzera [sic, ma fossis pro fagher rima], cun bestire a sa moda furistera: però ti deghent che mala fiama! (M.Murenu) Etimo itl. búggera Traduzioni Francese bagatelle, bibelot Inglese trifle Spagnolo fruslería, bagatela Italiano inèzia, frullo, nìnnolo Tedesco Kleinigkeit, Schwirren.

catzavusàlla , nf Definizione cositedha de pagu contu, de fuliare Sinonimi e contrari baldulete, barragàllia, bascaràmene, bimbiria, bribbilitu, cadógiu, carrabaza, imbaratzu, tzitzirillodhu Traduzioni Francese fanfreluche Inglese trifle Spagnolo baratija Italiano cianfrusàglia Tedesco Plunder.

cosarèdha , nf Definizione min. de cosa, cosa de pagu contu Sinonimi e contrari cosichedha, fiolera, innennériu Frasi at chircadu de assentare s'istàntzia remonzendhe tantas cosaredhas Traduzioni Francese bagatelle Inglese trifle Spagnolo bagatela Italiano bazzécola, cosùccia Tedesco Kleinigkeit.

fiolèra , nf: friolera, violera Definizione cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Sinonimi e contrari biolera, bugeria, fiolesa, frascheria, gnagneria, minudàntzia / cdh. fiulera Frasi ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Etimo ctl., spn. friolera Traduzioni Francese bagatelle, futilité Inglese trifle Spagnolo frivolidad, bagatela Italiano frivolézza, bagattèlla Tedesco Geringfügigkeit, Nichtigkeit, Bagatelle, Kleinigkeit, Lappalie.

frusulía , nf Definizione linnighedha fine sicada; cosighedha de pagu giudu Sinonimi e contrari abbruncu, chercuzu, chimuza, frascuza, ischimuza, mulixia, pampuzia, pimpisa / allajolu, catzavusalla 2. si no possedis vena, su chi cantas est totu frusulia Etimo srdn. Traduzioni Francese rameaux secs, fanfreluche Inglese dry twigs, trifle Spagnolo chasca, baratija Italiano ramétti sécchi, cianfrusàglia Tedesco Reisig, Kram.

ghighína , nf Definizione coa o fundhurúgiu de argiola, s’úrtimu laore chi si ndhe arregollet, brutu meda; cosighedha de pagu contu Sinonimi e contrari alzenina, genina, ghinina, musina, purgadura Frasi eo mi conto su granu maduru, a bois bos lasso sa ghighina! ◊ dae totu sos terrinos chi tenet b'intrat una ghighina a dommo sua ◊ a una pudhichina no li mancat ghighina ◊ in manos suas s'ànima de su cristianu est minore minore, si fachet cant'e unu granu de ghighina Traduzioni Francese émondage, bagatelle Inglese weeds, trifle Spagnolo granza, quisquilla Italiano mondatura, quisquìlia Tedesco Schale, Abfälle (Pl.), Klenigkeit, Quisquilien (Pl.).

gnagnería, gnegnería , nf: ignagnaria, nennaria* Definizione cositedha de perunu contu, de nudha Sinonimi e contrari chedhéculu, cridhichiu, fiolera, innennériu, minudàntzia, pachitate, repisu / ttrs. gnugnaria Frasi già mi faghet a ríere pro cosas de gnagneria! ◊ arrogantat totu sena frenu e puntígliat pro dogni gnagneria ◊ s'ispilint e si pistant, pro dogni gnegneria un'arrennegu! Traduzioni Francese bagatelle Inglese trifle Spagnolo fruslería Italiano inèzia, quisquìlia Tedesco Kleinigkeit.

ignagnaría, ignignoría , nf: gnagneria, innannaria, innenneria, inninneria Definizione cosighedha de pagu contu, de perunu importu: in cobertantza, fintzes cosa meda, manna Sinonimi e contrari fiolera, bugeria, innennériu, mennisia, minudàntzia, nennaria*, pachitate, pititaria, repisu, tichitera Frasi ma, si no poto fàghere poesia ne pintura pro te sa piús digna, atzeta custa umile ignagnaria (B.Truddaju)◊ tantu traballu, tantu capitale como nos rendhet una innenneria ◊ as fatu totu su viàgiu chin cust'ignignoria de pesu… da no ti l'as fata sa felta in s'ischina! 2. cugutu e fressadas fint coladas e a sucutu pro cussa ignignoria de abba… Traduzioni Francese bagatelle Inglese trifle Spagnolo fruslería Italiano bagattèlla, inèzia Tedesco Kleinigkeit.

locúra , nf: lucura 1, lugura 1 Definizione fata o cosa de locos, de gente pagu sàbia, pagu abbista / learesila a lucura = a zogu, a brulla, chentza cabu Sinonimi e contrari arrevesciori, dortidúdine, machighinada, macheine, revessidade, revessura | ctr. sabiesa, sabiore Frasi pòvera conca: gríglios e luguras si sunt giambados in mughedhu sutzu (P.Casu)◊ canta cudhu cantu de sa tristura pro pibiu e pro lucura in cust'adhe de piantu! (A.Serra)◊ locura est chi presumant sos cocois ca giughent corros a pòdere arare (Cubedhu)◊ is lucuras fatas de is mannus tuus dhas tengu iscritas ◊ si no si ndh'at a àere frutu est locura su pagare! (F.I.Mannu) Etimo spn. locura Traduzioni Francese sottise, frivolité, futilité Inglese foolishness, trifle Spagnolo necedad, frivolidad Italiano stoltézza, frivolézza Tedesco Dummheit, Frivolität.

níchili, níchiri , nm Definizione moneda de nichel de binti centésimos, unu tempus, e como calesiògiat dinare in moneda de metallu, dinare de metallu in minudos; cosighedha de pagu contu o (in cobertantza) dinare meda; nau de ccn., chi est unu nemos, nudha, de pagu contu o carena làngia Sinonimi e contrari búzera, gnagneria, nichedha, nicheledhu, nighelinu Frasi gei dhu at a ai pagau unu níchili, cuss'anedhu de òru!…◊ su corpetu portàt duas filas de muneras acoment'e butonis de òru, ma su chi fut pòbiru portàt is níchilis ◊ dinari in níchiris no mi ndhe dias ca zuto sa busaca istampada! Cognomi e Proverbi smb: Nicchiri, Nichiri Etimo itl. nìchele Traduzioni Francese vétille Inglese trifle Spagnolo nimiedad Italiano piccolézza, nonnulla Tedesco Nickelmünze (früher), Kleinigkeit.

pimpirimpàu , nm Definizione una cosighedha de nudha, de perunu valore Sinonimi e contrari arrevenicu, bóciga, nennaria Frasi no balit unu pimpirimpau Traduzioni Francese rien Inglese trifle Spagnolo noneria Italiano nonnulla Tedesco Kleinigkeit.